Twitter Blue Subscription එක දෙසැම්බර් 2වන දා සිට
Twitter Blue Subscription එකෙහි මාසික ගාස්තුව $7.99ක් වේ.
Elon Musk ගේ හිමිකාරිත්වයෙන් යුත් Twitter සමාගම තම ආදායම් වැඩි කරගැනීමට Twitter Blue Subscription එක හඳුන්වා දුනි.
.මීට පෙරද මෙය හඳුන්වාදී එළිදැක්වූ අතර ඇතිවූ ගැටලු හේතුවෙන් මෙය ඉවත් කිරීමට Twitter සමාගම කටයුතු කෙරුණි.
පසුව නැවතත් වෙනස්කම් කිහිපයක් සමඟින් මේ Twitter Blue Subscription එක දෙසැම්බර් මස 02වනදා නැවත වරක් එළිදැක්වීමට සූදානමින් සිටින බවට වාර්තා වේ.
මෙවර මෙම Subscription එක ඕනෑම පරිශීලකයකුට ලබා ගත හැකි අතර, මේ Subscription එක තුළින් හිමිවන Verified Badge එක වර්ණ කිහිපයකින් හඳුන්වා දී තිබේ.
මේ Verified Badge එක වර්ණ 3කින් යුක්ත වන අතර,
රන් වර්ණය – සමාගම් සඳහා
අළු වර්ණය – රාජ්‍ය ආයතන සඳහා
නිල් වර්ණය - ඕනෑම පුද්ගලයෙකු සඳහා
මෙයත් සමගම Twitter Verification ක්‍රියාවලියේ යම් වෙනසක් සිදුවී ඇති අතර පෙරදී නම් Account එක සඳහා වඩාත් හොඳ Reach එකක් තිබූ සහ ප්‍රසිද්ධ පුද්ගලයින්ට පමණක් මේ Verified Badge එක හිමිවුණි.
කෙසේ වෙතත් මෙවර Verified badge එක twitter blue subscription එක හරහා ලැබෙන නිසා ඕනෑම පුද්ගලයෙකුට මෙය ලබා ගත හැකි වේ.
Twitter Blue Subscription එකෙහි මාසික ගාස්තුව $7.99ක් වන අතර Verified badge එක මීට පෙර ලැබී තිබූ අතර දේශපාලනඥයන්, ප්‍රසිද්ධ පුද්ගලයන්, මාධ්‍යවේදීන් සහ සමාගම් සඳහා මේ Subscription එක සමඟ නව badge එක නොමිලයේ හිමිවේ.
