කමූරි සුළි කුණාටුව හේතුවෙන් පිලිපීන ගුවන් ගමන් අඩාල වේ.

සඳුදා අගභාගයේදී පිලිපීනයට බලපෑ කමූරි සුළිකුණාටුව නිසා හටගත් අධික සුළං සහ වර්ෂාව හේතුවෙන් රටේ විශාලතම ගුවන් තොටුපල වසා දැමීමට බලධාරීන් පෙළඹී ඇත.

කමූරි කුණාටුව පිලිපීනයේ වඩාත්ම ජනාකීර්ණ දූපත වන ලුසොන් හි ගිනිකොන දෙසින් නායයෑම් ඇති කිරීමට ද හේතු වී ඇත.

එය 4 වන කාණ්ඩයේ අත්ලාන්තික් සුළි කුණාටුවට සමාන වන අතර පැයට කිලෝමීටර් 215(පැයට සැතපුම් 130) කට ආසන්න උපරිම සුළං තත්වයක් ඇති කරයි. දහස් ගණනක් මෙම සුළි කුණාටුවට කලින් පිටව ගොස් තිබුණි.

ගුවන් ගමන් 100කට අධික ප්‍රමාණයක් නතර කිරීමට සිදු වීම හේතුවෙන් අගනුවර පිහිටි නිනෝයි ඇක්විනෝ ජාත්‍යන්තර ගුවන්තොටුපළ අඟහරුවාදා පෙරවරු 11 සිට රාත්‍රී 11 දක්වා පැය 12 ක් වසා දැමීමට මැනිලා බලධාරීන් තීරණය කළහ.

කලාපය පුරා පාසල් අඛණ්ඩව දෙවන දිනටත් වසා දමා ඇති අතර විදුලි රැහැන් බොහෝමයක් කඩා වැටී ඇති බව වාර්තා වේ.

මෙම කුණාටුව පසුව ලුසොන් හරහා ඉදිරියට යනු ඇති බවත් බදාදා උදෑසන දකුණු චීන මුහුදට දකුණට ගමන් කරනු ඇති බවත් පුරෝකථනය කර ඇත.