මිචිගනයේ ජාතික ළමා අපයෝජන වැළැක්වීමේ වැඩසටහනෙන් අපට ගත හැකි ආදර්ශ මොනවාද?
ළමා හිංසනය, ළමා අපයෝජනය ඇතුළු දරුවන්ගේ අයිතිවාසිකම් උල්ලංඝනය වීම වෙනත් රටවල මෙන්ම ශ්‍රී ලංකාවේ ද අතිශය බරපතල අර්බුදයක් බවට පත්ව තිබෙන කරුණකි.
අප්‍රේල් යනු එක්සත් ජනපදයේ ජාතික ළමා අපයෝජන වැළැක්වීමේ මාසයයි. ඉකුත් වසර වල මෙන්ම මෙම වර්ෂයේ ද රටවල් 83 ක දායකත්වයෙන් යුතුව වැඩසටහන් රැසක් සංවිධානය කර ඇති බව වාර්තා වේ.
මිචිගන් ප්‍රාන්තයේ ද චිල්රන්ස් ට්‍රස්ට් ෆන්ඩ් අරමුදල විමින් මේ වන ළමා අපයෝජනයට එරෙහි වැඩසටහන් 101 දියත් කරමින් තිබේ.
මොන්ට්කාල්ම් ප්‍රාන්තයේ වී කෙයා ෆෝ කිඩ්ස් කවුන්සිලය මෙම අරමුදලේ ශාඛාවක් වන අතර, ළමා අපයෝජන පිළිබඳව දැනුවත් කිරීම සහ ළමා අපයෝජන වැළැක්වීම සඳහා දෙමාපියන් දිරිගැන්වීමට අදාළ වැඩමුළු පැවැත්වීම එය විසින් සිදුකරනු ලබයි. මේ සඳහා එක්සත් ජනපදය ද ඇතුළු ලොව රටවල් ගණනාවක් සම්බන්ධ වන බවයි වාර්තා වන්නේ.
ඇමරිකාවේ සිදුවන ළමා අපයෝජන වැළැක්වීම සම්බන්ධයෙන් ඔවුන් අවධානය යොමුකරන කරුණු රාශියක් පවතී. ඒවා පහත පරිදි ය;
ළමා හිංසනය, ළමා අපයෝජනය ඇතුළු දරුවන්ගේ අයිතිවාසිකම් උල්ලංඝනය වීම වෙනත් රටවල මෙන්ම ශ්‍රී ලංකාවේ ද අතිශය බරපතල අර්බුදයක් බවට පත්ව තිබෙන කරුණකි. මීට අදාළව සිවිල් ක්‍රියාකාරීන්, කලාකරුවන් ඇතුළු විවිධ පාර්ශවයන් විසින් විවිධ ක්‍රියාකාරකම් රටතුළ දියත් කළ ද ඊට නිසි ආවරණයක් හා පිළිගැනීමක් ලැබෙනවා ද යන්න ප්‍රශ්න සහගතය. විශේෂයෙන්ම දරුවන් ආරක්ෂා කිරීම සම්බන්ධයෙන් ජාතික ළමාරක්ෂක අධිකාරියේ භූමිකාව කුමක් ද යන්න ප්‍රශ්න කෙරෙන තරමට ම මෙම ගැටළුව නිහඬ අර්බුදයක් බවට පත්ව තිබේ. ළමා අපයෝජනය ඉහළම සමාජ තලයේ සිට පහළම සමාජ තලය දක්වා දුවගොස් තිබෙන අර්බුදයක් වන අතර, ළමා අපයෝජන ආශ්‍රිත පැමිණිලි අතිවිශාල සංඛ්‍යාවක් වසරකට වාර්තා වීම සහ ඉන් නඩු පවරා වරදකරුවන් ට දඬුවම් ලබා දීම සිදුවන්නේ ඉතා සුළු පැමිණිලි සංඛ්‍යාවකට අදාළව වීම ද ඛේදනීය සත්‍යයකි.
