යුක්රේනය ගිනිබත් වෙද්දී එරට ධාන්‍ය අපනයනයට ඉඩදීමට සාකච්ඡා පවත්වන්න රුසියාව එකඟයි ලු!
යුක්රේනයේ ධාන්‍ය ලොවට බෙදා හැරීමට ඉඩ දීම සඳහා සාකච්ඡා පැවැත්වීමට රුසියාව කැමැත්ත පළකරන බවට එරට විදේශ අමාත්‍ය සර්ගෙයි ලව්රොව් පවසයි.
ඔහු මේ බව ප්‍රකාශ කළේ ඊයේ (08) දින ඉන්දුනීසියාවේ බාලි දූපත් වල පැවැත්වූ G20 සමුළුව අමතමිනි.
G20 සමුළුවට රුසියාව සහභාගී වීම සම්බන්ධයෙන් එම සමුළුවට සහභාගී වන බටහිර රටවල් මුලසිටම සිය දැඩි විරෝධය පළකර සිටි අතර, සමුළුව අමතමින් එක්සත් ජනපද රාජ්‍ය ලේකම් ඇන්ටනි බ්ලින්කන් මෙය සෘජුවම රුසියානු නියෝජිතයාගේ මුහුණට පවසා ඇති බව වාර්තා වේ.
ඇමරිකානු රාජ්‍ය ලේකම්වරයා රුසියානු විදේශ අමාත්‍යවරයාට පවසා ඇත්තේ, යුක්රේනය රුසියාවට අයත් රටක් නොවන බවත්, යුක්රේනයේ ධාන්‍යවලට අයිතිවාසිකම් කීමට රුසියාවට හැකියාවක් නොමැති බවත්, ඒ අනුව යුක්රේනයේ ධාන්‍ය ලොවට බෙදා හැරීමට රුසියාව ඉඩ ලබා දිය යුතු බවත් ය.
එවන් පසුබිමක් තුළ යුක්රේනයේ ධාන්‍ය එරට වරාය හරහා පිටත් කර හැරීමට රුසියාව ඉඩ ලබා නොදෙන්නේ මන්ද යන්න බ්ලින්කන් එක්සත් ජනපද රාජ්‍ය ලේකම්වරයා ප්‍රශ්න කර ඇත.
ධාන්‍ය බෙදා හැරීම සම්බන්ධයෙන් යුක්රේනය සහ තුර්කිය සමඟ සාකච්ඡා පැවැත්වීමට රුසියාව එකඟ වන මුත් එවන් සාකච්ඡාවක් පැවැත්වෙන්නේ ද යන්න පිළිබඳ තහවුරු කිරීමක් රුසියානු විදේශ අමාත්‍යවරයා එහි දී සඳහන් කර නැත.
මෙවර G20 සමුළුව පවත්වනු ලැබුවේ ගෝලීය ආහාර හා බලශක්ති අර්බුදය වැනි භූදේශපාලනික කරුණු ඉලක්කකරගෙන ය.
ඡායාරූප: රොයිටර්
රුසියාව G20 සමුළුව බලා පිටත් වෙයි – යුක්රේන අර්බුදය ගැන සමුළුවේදී ගිනි ඇවිලීමට නියමිතයි!
