×

බටහිර එක්සත් ජනපදයේ උෂ්ණත්වය 100F ඉක්මවයි

මෙම තත්වය ලබන සතිය දක්වාම පවතිනු ඇතැයි විශ්වාස කෙරේ.


සටහන : සශිකලා මධුෂාණි
ජුලි 08, ලෝකය(අවුට්බවුන්ඩ් ටුඩේ) : බටහිර එක්සත් ජනපදයේ උෂ්ණත්වය ඉතා භයානක ලෙස ඉහල යමින් පවතින අතර මිලියන 130 ක පමණ ජනතාවක් උෂ්ණත්වය ඉහළයාමේ අනතුරු ඇඟවීම් මධ්‍යයේ ජිවත් වේ.

ජාතික කාලගුණ සේවයේ (NWS) කාලගුණ විද්‍යාඥ Jacob Asherman මේ සම්බන්ධයෙන් සඳහන් කර තිබුණේ, තාපය සහ ආර්ද්‍රතාවය පැසිෆික් වයඹ, මැද අත්ලාන්තික් සහ ඊසානදිග කොටස්වල ෆැරන්හයිට් අංශක 100 (සෙල්සියස් අංශක 38 ක් පමණ) දක්වා ඉහළ යා හැකි බවයි.

ඒ අනුව, පැසිෆික් වයඹදිග කලාපයේ, ඔරිගන් ප්‍රාන්තයේ ඉයුජින්, පෝට්ලන්ඩ් සහ සේලම් ඇතුළු නගරවල උෂ්ණත්ව වාර්තා බිඳ වැටෙණු ඇති අතර උණුසුම් රාත්‍රීන් මිනිසුන්ට තාප ආතතියට පත්වන බවට කාලගුණ විද්‍යාඥයින් අනතුරු අඟවා ඇත. අතර ඇරිසෝනා හි අවම වශයෙන් එක් දරුවෙකු දැනටමත් තාපය ආශ්‍රිත තත්වයන්ගෙන් මිය ගොස් ඇති අතර මරණ සංඛ්‍යාව ඉහල යනු ඇති බව අපේක්ෂා කෙරේ.

ලැවුගිනි ඇතිවීමේ අනතුරු ඇඟවීම් මධ්‍යයේ අද(08)වන විට ඩෙත් නිම්නයේ උෂ්ණත්වය 128F (53C) දක්වා ඉහල යා හැකි බවට පුරෝකථන ඉදිරිපත්ව ඇති අතර මෙම තත්වය ලබන සතිය දක්වාම පවතිනු ඇතැයි විශ්වාස කෙරේ.



#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි