ලෝක සිතියමේ අද වැනි දවසක සිදුවූ දහස් සංඛ්යාත සිද්ධි අතරින් ප්රධාන සිදුවීම් කිහිපයක සංක්ෂිප්තයකි, මේ.
1581 – ලොව ප්රථම බැලේ රංගනය වන Ballet Comique de la Reine පැරීසියේ දී රඟ දැක්වෙයි. මෙය සිදුකරනු ලැබුවේ Catherine De Medici විසිනි.
1783 – මොන්ට්ගොල්ෆයර් සහෝදරයන් ගේ උණු වාෂ්ප බැලුම ප්රථම මානව ගුවන්ගත වීම ලකුණු කරයි. මෙහි නියමුවා Jean-François Pilâtre de Rozier නමැත්තෙකි.
1815 – නැපෝලියන් අප්රිකානු වෙරළ තීරය අසබඩ සාන්ත හෙලේනා දිවයිනට පිටුවහල් කරනු ලබයි. බෙල්ජියමේදී සිදුකෙරුණු වෝටර්ලූ හි සටන පරාජය වීමෙන් අනතුරුව බ්රිතාන්යයන් විසින් ඔහුව පිටුවහල් කරනු ලැබිණ. අද ද ආපස්සට හැරවිය නොහැකි පරාජයන් හඳුන්වාලීමට ‘වෝටර්ලූ සටන‘ යන යෙදුම බටහිර ජාතිකයන් විසින් යොදන්නේ මෙම ඓතිහාසික පරාජය සිහිපත් කරවීම පිණිස ය.
1917 – ඕලන්ද නාට්යාගනාවක ද ජර්මනිය වෙනුවෙන් රහස් ඔත්තු සපයන්නියක ද වූ මාතා හරි ප්රංශ රජය විසින් මරණ දණ්ඩනයට පමුණුවයි.
1940 – චාලි චැප්ලින් ගේ ‘The Great Dictator’ චිත්රපටය නිකුත් වෙයි. මෙය එවක සමාජය පිළිබඳ උපහාසයෙන් යුතුව විචාරයක යෙදුණු චිත්රපටයකි. එම චිත්රපටය යූ ටියුබ් ඔස්සේ සම්පූර්ණයෙන් නැරඹීමට පුළුවන.
[embedyt] https://www.youtube.com/watch?v=pHZ46sQkzqU[/embedyt]
1951 – මෙක්සිකානු රසායනඥ ලුවී ඊ. මෙරමොන්ටෙස් norethisterone රසායනය සංයෝග කිරීම සම්පූර්ණ කරයි. මෙය මුල්කාලීන මුඛයෙන් ගන්නා උපත්පාලන ක්රම වල පදනම යි.
1990 – සෝවියට් දේශයේ පාලක මීහයිල් ගොර්බචොව් නොබෙල් සාම ත්යාගය දිනා ගනියි. ඒ සීතල යුද්ධ සමයේ රටවල් අතර ආතතීන් අවම කිරීමට ඔහු ගත් ප්රයත්න ඇගැයීමක් වශයෙනි.
1995 – ජනමත විචාරණයක් හරහා සදාම් හුසේන් නැවත ජනාධිපති ධූරයට පත්වෙයි.
2017 – නිළි ඇලිස්සා මිලානෝ ගේ “ඔබ ලිංගික ව හිංසනයට ලක්ව ඇත් නම් ‘me too’ යැයි කියන්නැයි කියූ ට්විටර් පණිවුඩයට ෆේස්බුක්, ඉන්ස්ටග්රෑම් සහ ට්විටර් හරහා පිළිතුරු රාශියක් ලැබෙයි. නූතන ලෝකයේ වැඩිම වාර ගණනක් යෙදුණු හෑෂ්ටැගය වූ #MeToo නිර්මාණය වූයේ ඒ අයුරිනි.