දශක ගනනාවක හින්දු ජාතිකවාදී සිහිනය හෙවත් රාම් ජන්මභූමි මන්දිරය මොදී විවෘත කෙරේ
දේවමාළිගාව විවෘත කිරීම, මිලියන සංඛ්‍යාත ඡන්දදායකයින්ට ඔහු දුන් පොරොන්දුව සැබෑ කිරීමකි.
සටහන – සශිකලා මධුෂාණි, ජනවාරි 20,
ලෝකය(අවුට්බවුන්ඩ් ටුඩේ) : අගමැති නරේන්ද්‍ර මෝදී මැතිවරණ පොරොන්දුවක් අනුව යමින් අයෝධ්‍යාවේ ඉදිකරවන ලද සුවිසල් හින්දු කෝවිල වන රාම් ජන්මභූමි මන්දිරය විවෘත කිරීම සඳුදා(22) සූදානම් බව වාර්තා වේ.
දේවස්ථානය විවෘත කිරීමේදී හින්දු ආගමේ වඩාත්ම ගෞරවාන්විත දෙවිවරුන්ගෙන් එකක් වන රාම් දෙවියන්ගේ පිළිමයක් මෝදී විසින් පවත්වන ලද අභිෂේක උත්සවයකදී කෝවිලේ ශුද්ධස්ථානය තුළ නිරාවරණය කර මිලියන ගණනකට ප්‍රදර්ශනය කරනු ඇත. ජනවාරි 16 වනදා සිට, සේවකයින් දේවමාළිගාවේ සංකීර්ණය තුළට පිළිමය ගෙන යන යාඥාවන් සහ චාරිත්‍ර ඉටු කරමින් සිටින අතර මෙම උත්සවය විදේශයන්හි ඉන්දීය තානාපති කාර්යාලවල සහ නිව්යෝර්ක් ටයිම් චතුරස්‍රයේ දැවැන්ත රූපවාහිනී තිරවල විකාශය කිරීමට ද අපේක්ෂා කෙරේ.
මේ උත්සවය වෙනුවෙන්ම මොදී දින 11ක් පුරා චරිත්රනුකුලව නිරාහාරව යාඥා කරන බව ප්‍රාදේශීය මාධ්‍ය වාර්තා කර ඇති අතර මෙම උත්සවයට සහභාගී වීමට ඉහළ පෙළේ දේශපාලනඥයන් ඇතුළු 7,000 කට වැඩි පිරිසකට පුද්ගලිකව සහභාගී වීමට නියමිත අතර වරලත් ගුවන් යානා 100 ක් පමණ අයෝධ්‍යාවට ගොඩබසිනු ඇතැයි අපේක්ෂා කෙරේ.
මෙම රාම් ජන්මභූමි මන්දිරය 30 වසරකට පෙර හින්දු මැරයින් විසින් විනාශ කරන ලද 1526 සිට 1858 දක්වා ඉන්දියාව පාලනය කළ මෝගල් පාලන සමයේදී ඉදිකරන ලද 16 වන සියවසේ මුස්ලිම් පල්ලියක් වන බබ්රි මස්ජිඩ් තිබූ ස්ථානයක ඉදි කරවන ලද්දකි.
මෙම හේතුව නිසාම උත්සවය බෙහෙවින් මතභේදාත්මක වන අතර, බොහෝ හින්දු භක්තිකයන් මෙය රාම දෙවියන්ගේ ජන්ම ස්ථානය ලෙස සලකන අතර එය සුළුතර මුස්ලිම් ප්‍රජාවට ආගමික බෙදීම් වේදනාකාරී මතක් කර දීමකි.
දේවමාළිගාව විවෘත කිරීම, මිලියන සංඛ්‍යාත ඡන්දදායකයින්ට ඔහු දුන් පොරොන්දුව සැබෑ කරමින්, මේ වසර අගදී අපේක්ෂා කරන මහා මැතිවරණයෙන් තුන්වන වාරයක් දිනා ගැනීම අපේක්ෂා කරන බවයි විශ්ලේෂකයන් සඳහන් කරන්නේ,
