ගාසාහි ගිලන් රථ පෙළකට ප්‍රහාර; 15 දෙනෙකු මිය යයි
හමාස් භාරයේ සිටින 200ක් ඉක්මවන ඊශ්‍රායල් ප්‍රාණ ඇපකරුවන් නිදහස් කරන තෙක් සටන් විරාම පිළිඹඳ සාකච්ජා ඇති නොවේ.
ගාසා නගරයේ ගිලන් රථ පෙළකට හා අවතැන් වූ සිවිල් වැසියන් සහ දකුණෙන් ඉවත් වන පුද්ගලයින් සිටින පාසලකට සිකුරාදා එල්ල වූ ප්‍රහාරයකින් අවම වශයෙන් පුද්ගලයින් 15 දෙනෙකු මිය ගිය බව ගාසා සෞඛ්‍ය අමාත්‍යාංශය ප්‍රකාශ කර තිබේ.
ඒ අනුව සමස්තයක් ලෙස ඔක්‌තෝබර් 7 වැනිදා ඊශ්‍රායල එල්ල වූ හමාස් ප්‍රහාරයෙන් ඊශ්‍රායල වැසියන් 1,400කත අධික ප්‍රමාණයක් මියගොස් ඇති අතර ඊට ප්‍රතිචාර වශයෙන් ඊශ්‍රායල විසින් ගාසා තිරයට එල්ල කරන ලද ප්‍රහාර වලින් දරුවන් 3,760 ක් ඇතුළුව 9,227ක් මිය ගොස්‌ තිබේ.
එක්සත් ජාතීන්ගේ සංවිධානය මානුෂිය සටන් විරාමයක් ඉල්ලා ඇති මුත් එය හමාස් සංවිධානයට නැවත සංවිධානය වීමට සහ නැවත සැපයීමට ඉඩ දෙනු ඇතැයි ප්‍රකාශ කරන ඊශ්‍රායල් අගමැති බෙන්ජමින් නෙතන්යාහු ප්‍රකාශ කරන්නේ, හමාස් භාරයේ සිටින 200ක් ඉක්මවන ඊශ්‍රායල් ප්‍රාණ ඇපකරුවන් නිදහස් කරන තෙක් සටන් විරාම පිළිඹඳ සාකච්ජා ඇති නොවන බවයි.
සශිකලා මධුෂාණි
