‘එලෝන් මස්ක් නීතියට ඉහලින් සිටින අහංකාර කෝටිපතියෙක්’ – ඕස්ට්‍රේලියානු අගමැති

සටහන: සශිකලා මධුෂාණි,අප්‍රේල් 23,
ලෝකය(අවුට්බවුන්ඩ් ටුඩේ): පසුගිය සඳුදා සවස වයස 16ක පිරිමි දරුවකු මාර් මාරි එම්මානුවෙල් බිෂොප්වරයාට පිහියෙන් ඇනීමේ වීඩියෝවට ප්‍රවේශ වීම ලොව පුරා භාවිතා කරන්නන්ට අවහිර කළ යුතු බවට ඔස්ට්‍රේලියාවේ eSafety කොමසාරිස් විසින් ගනු ලැබූ නව අධිකරණ තීන්දුවෙන් අනතුරුව ප්‍රකෝටිපති එලෝන් මස්ක් සහ ඔහුගේ සමාගම ෆෙඩරල් අධිකරණය විසින් කරන ලද නියෝග සම්බන්ධයෙන් නිදහස් භාෂණය සහ අධිකරණ බල ප්‍රශ්න මතු කර ඇත.

මේ සමබන්ධයෙන් ඕස්ට්‍රේලියානු අගමැතිවරයා ABC රූපවාහිනියට ප්‍රකාශ කර තිබුණේ, අනෙකුත් සමාජ මාධ්‍ය සමාගම්වන Meta, Google, Microsoft, Snap සහ TikTok යන ඒවා eSafety කොමසාරිස්ගේ ඉල්ලීම්වලට පැමිණිල්ලකින් තොරව අනුකූලව කටයුතු කළ බවත්, සමාජ මාධ්‍යවලට සමාජ වගකීමක් තිබිය යුතු බවත්, එලෝන් මස්ක් නීතියට ඉහලින් සිටින අහංකාර කෝටිපතියෙක් වන බවයි.

ඇසිරියානු බිෂොප්වරයෙකුට පිහියෙන් ඇනීමේ දුක්ඛිත දර්ශන සහ වේක්ලිහි පල්ලියෙන් පිටත ප්‍රචණ්ඩ කෝලාහලයක් සංසරණය වීමෙන් පසු සමාජ මාධ්‍ය වේදිකා සඳහා දැඩි සම්බාධක සඳහා ද්විපාර්ශ්වික ඉල්ලීම් තිබේ.

සති අන්තයේ, X කියා සිටියේ තමන් ඉවත් කිරීමේ නියෝගවලට අනුකූල වූ නමුත් ගෝලීය ඉවත් කිරීමකට එරෙහිව තර්ක කරමින්, eSafety කොමසාරිස්ට බලයක් නොමැති බවයි.