තමාට සිදු වූ අතවරය ලෝකයා ඉදිරියේ පැවසීමට නොපැකිළුණු Brooke Shields!
"I didn't fight that much. I didn't. I just absolutely froze."
Brooke Christa Shields යනු ඇමරිකානු රංඟන ශිල්පිනියක් සහ නිරූපිකාවක් වන අතර ඇය ඇයගේ දක්ශතාවයෙන් රසික හඳවත් දිනාගත් සුරූපිනියකි. 1965 වසරෙහි මැයි මස 31 වන දින උපත ලද Shields ක්ෂේත්‍රයට පිවිසෙන්නේ ළමා නිරූපිකාවක් ලෙසය. ඇය වයස අවුරුදු 12 දී Louis Malle ගේ pretty baby (1978) චිත්‍රපටයේ ප්‍රධාන චරිතයට පණ පෙවීමට අවස්තාවක් හිමි වූ අතර ඒ සඳහා විචාරකයන්ගේ පැසසුම ඈට නොඅඩුව ලැබුණි. ඇය සියනව යොවුන් වියේ අගභාගය දක්වාම නිරූපිකාවක් ලෙස කටයුතු කළ අතර 1980 දශකයේ The Blue Lagoon (1980) සහ Franco Zeffirelli ගේ Endless Love (1981) ඇතුළු නාට්‍ය කිහිපයකම රඟපෑමෙන් තම දායකත්වය ලබා දුන්නාය.
වසර 30කට වැඩි කාලයකට පසුව ඇය තමාට සිදු වූ අතවරය පිළිබඳ විවෘත වූයේ මන්දැයි බොහෝ දෙනාගේ පැනයක් විය. ඊට පිළිතුරු ලෙස Brooke Shields පැවසූවේ ඒ සිඳුවීම ඔස්සේ ඒ පිළිබඳ කතා කිරීමට පවා ඇයට වසර ගණනාවක් ප්‍රතිකාර අවශ්‍ය වූ බවත් ඉතා වෙහෙස මහන්සි වී වැඩ කරමින් ඊට අනුරූපව ජීවිතය පවත්වාගෙන යෑමට ඇය ඉගෙනගත් බවත් ය.
1987 ප්‍රින්ස්ටන් විශ්ව විද්‍යාලයෙන් උපාධිය ලැබීමෙන් පසු චිත්‍රපට භූමිකාවන් සොයා ගැනීමට වෙහෙස වූ බව ෂීල්ඩ්ස් සිහිපත් කළාය. දිනක් ඇය ඇයගේපැරණි මිතුරෙකු හමුවීමට උද්යෝගිමත් වූ අතර, ඔහු කැබ් රථයකින් ඇයට නැවත ඔහුගේ හෝටල් කාමරයට පැමිණීමට ආරාධනා කළ බවත් ඇය එහි ගිය පසු සුලු වේලාවකින් ඔහු නිරුවත්ව පැමිණ ඇයට කල තාඩණ පීඩණ සම්බන්ධයෙන් ද ඇය පවසා සිටියා ය. Sundance Film Festival හි දී ඒ පිළිබඳ මෙලෙස ඇය වැඩිදුරටත් අවධාරණය කළාය.
“I didn’t fight that much. I didn’t. I just absolutely froze.”
ඇයට වූ සිඳුවීම ඉදිරියේ ඇය ගල් ගැසුනාක් මෙන් පසු වූ බවත්, ඇය ඊට මුහුණ දෙමින් ‘ජීවත්වෙලා ඉන්න, එළියට යන්න.’ වගේම තමන් ගැනම හිතලා වැඩ කටයුතු කරන්නත් තීරණය කළ බවත් පැවසීය.
“මට අවශ්‍ය වූයේ මගේ මනසින් මෙන්ම ශරීරයෙන් සිඳුවූ සියල්ල මකා දමා මා ගිය මාවතේ ගමන් කිරීමටයි. කිසිවෙක් මට උදව් කිරීමට කිසි විටෙකත්පැමිණ නැත, ඔබ දන්නවාද? ඒ නිසා මට තනියම ශක්තිමත් වෙන්න සිද්ධ වුණා.” ඇය ඇයගේ වීර්‍යයෙන් ජිවීතයට මුහුණ දුන් දිරිය කතක් ලෙස සමාජය ඉදිරියේ මෙසේ පැවසීමට කිසිඳු පැකිළීමක් දැක්වූයේ ද නැත.
ලෝකයේ මිනිසුන් විවිධාකාර බවත්, එකිනෙකාගේ මනෝභාවයක් එකිනෙකට වෙනස් බවත්, තමන් තමන් ගැන ප්‍රවේශමෙන් කටයුතු කළ යුතු බවත්, අනෙකාව විශ්වාස කිරීම කෙරෙහි දෙවරක් සිතිය යුතු බවත් පසක් කර දෙමින් ඕනෑම දෙයකට සාර්ථකව මුහුණ දෙමින් තම පැවැත්ම සකසා යුතු බවත්, පසක් කර දෙමින් Shields අපිට පූර්වාදර්ශයක් සපයමින් මේ පිළිබඳ මෙසේ අවධාරණය කළාය.
නිපුනි ලියනගේ
