ඉරාන ජනාධිපති සාර්ථකව සිය පාකිස්තානු සංචාරය නිමා කරයි
මෙම සංචාරය ඉදිරියේ ඊශ්‍රායලය සමඟ ගැටුමකදී ඉරානයට ඉස්ලාමාබාද් සහ රාවල්පින්ඩි [මිලිටරි නායකත්වය] වෙතින් සහය ප්‍රකාශයක් ලබා ගැනීමේ උත්සාහයක් ...
සටහන: සශිකලා මධුෂාණි,අප්‍රේල් 23,
ලෝකය(අවුට්බවුන්ඩ් ටුඩේ): කලාපියා හා ද්විපාර්ශ්වික ආර්ථික, දේශසීමා සහ බලශක්ති සබඳතා නංවාලීමේ අරමුණින් තෙදින සංචාරයක් වෙනුවෙන් පකිස්ථානයට පැමිණ ඉරාන ජනාධිපති ඉබ්‍රහිම් රයිසී සාර්ථකව සිය සංචාරය නිම කර ඇති බව වාර්තා වේ.
ඉරානය සහ ඊශ්‍රායලය එකිනෙකාට එරෙහිව ප්‍රහාර එල්ල කර දින කිහිපයකට පසු මෙම සංචාරය සිදුව ඇති අතර ඉරාන ජනාධිපතිවරයා මෙහිදී අගමැති ෂෙබාස් ෂරීෆ් ඇතුළු ඉහළ පාකිස්තාන නායකත්වය සමඟ සාකච්ඡා පවත්වා ඇත.
ප්‍රාදේශීය මාධ්‍ය වාර්තා කළේ මෙම සංචාරය තුලදී ඉරාන ජනාධිපතිවරයා දකුණු ආසියානු ජාතිය තුළ විශාල දේශපාලන හා ආර්ථික බලපෑමක් ඇති පාකිස්තානයේ හමුදා ප්‍රධානියා වන ජෙනරාල් අසීම් මුනීර් ද රයිසි හමුවීමට නියමිත බවයි. මේ සම්බන්ධයෙන් නිල නොවන වාර්තා සඳහන් කරන්නේ, මෙම සංචාරය ඉදිරියේ ඊශ්‍රායලය සමඟ ගැටුමකදී ඉරානයට ඉස්ලාමාබාද් සහ රාවල්පින්ඩි [මිලිටරි නායකත්වය] වෙතින් සහය ප්‍රකාශයක් ලබා ගැනීමේ උත්සාහයක් බවයි.
ඉස්ලාමාබාද් සහ ටෙහෙරානය දැනට ඩොලර් බිලියන 10 කට වඩා වැඩි ද්විපාර්ශ්වික වෙළඳාම ඉහළ නැංවීම අරමුණු කර ගෙන ඇති අතර මේ වන විට දෙරට අතර ද්‍රව පෙට්‍රෝලියම් ගෑස් (LPG) සහ බොරතෙල් ඇතුළුව සැලකිය යුතු අවිධිමත් වෙළඳාමක් පවතින අතර අසල්වැසියන් දෙදෙනා අතර සමීප සංස්කෘතික හා ආගමික බැඳීම් ද ඇති අතර, පාකිස්තානයේ සිට දස දහස් ගණනක් ෂියා සුළුතර ජනයා සෑම වසරකම වන්දනාවේ ඉරානයට යති.
