‘අන්තවාදීන් ඉවත් කිරීම අත්‍යවශ්‍ය අවශ්‍යතාවයක්’ – බයිඩන්
නරක අතට හැරෙන ගැටුම් කලාපයට මානුෂීය ආධාර සහ සැපයුම් සඳහා ඉඩ දෙන ලෙස බයිඩන් ඊශ්‍රායලය, ඊජිප්තුව සහ අනෙකුත් ජාතීන්ගෙන් ඉල්ලා ඇත.
ඊශ්‍රායල අගමැති බෙන්ජමින් නෙතන්යාහුගේ ආරාධනය පරිදි එක්සත් ජනපද ජනාධිපති ජෝ බයිඩන් ඉදිරි දිනවලදී ඊශ්‍රායලයට සංචාරයක් ගැන සලකා බලමින් සිටින බව වාර්තා වේ.
මේ සම්බන්ධයෙන් පැවති මාධ්‍ය රැස්වීමකදී එක්සත් ජනපද ජනධිපති ජෝ බයිඩන් ප්‍රකාශ කර තිබුණේ, අන්තවාදීන් ඉවත් කිරීම අත්‍යවශ්‍ය අවශ්‍යතාවයක් වන බවත්, හමාස්හි අන්තවාදී කොටස් සියලු පලස්තීන ජනතාව නියෝජනය නොකර බවත් නැවත ඊශ්‍රායලය ගාසා තීරය ආක්‍රමණය කිරීම නොකළ යුත්තක් බවත්ය.
ඊශ්‍රායලය යුද නීතිවලට යටත්ව ක්‍රියා කරන බව විශ්වාස කරන බයිඩන් නරක අතට හැරෙන ගැටුම් කලාපයට මානුෂීය ආධාර සහ සැපයුම් සඳහා ඉඩ දෙන ලෙස එක්සත් ජනපද ජනාධිපතිවරයා ඊශ්‍රායලය, ඊජිප්තුව සහ අනෙකුත් ජාතීන්ගෙන් ඉල්ලා ඇත.
බිඩෙන්ගේ පැමිණීම ඉරානයේ ප්‍රකෝපකාරී පියවරක් ලෙස දැකිය හැකි අතර එක්සත් ජනපද රාජ්‍ය ලේකම් ඇන්ටනි බ්ලින්කන් මේ වන විටත් මැදපෙරදිග සංචාරය කරමින් ගාසා තීරය පාලනය කරන හමාස් යුද්ධය පුලුල් කලාපීය ගැටුමක් ඇවිලවීම වැළැක්වීමට උත්සාහ කරමින් සිටියි.
හමාස් සංවිධානය විසින් ඔක්තෝබර් 7 ප්‍රහාරයෙන් එක්සත් ජනපද පුරවැසියන් 30ක් ද ඇතුළුව දකුණු ඊශ්‍රායලයේ 1,400කට වැඩි පිරිසක් මිය ගොස් ඇති අතර ඊට ප්‍රතිප්‍රහාර වශයෙන් ඊශ්‍රායලය විසින් ගාසා තීරයට එල්ල කරන ලද බෝම්බ ප්‍රහාරයෙන් අවම වශයෙන් පලස්තීනුවන් 2,750 ක් දැනටමත් මිය ගොස් ඇත.
සශිකලා මධුෂාණි
