එක්සත් රාජධානියේ ආරක්ෂක අමාත්‍යාංශය සයිබර් ප්‍රහාරයකට ලක් වේ
කොන්සර්වේටිව් ආණ්ඩුවේ හිටපු අමාත්‍යවරයෙකු වන ටෝබියාස් එල්වුඩ් පැවසුවේ මෙම සිද්ධිය චීන සයිබර් ප්‍රහාරයක ලක්ෂණ ඇති බවයි.
සටහන: සශිකලා මධුෂාණි,මැයි 07,
ලෝකය(අවුට්බවුන්ඩ් ටුඩේ): එක්සත් රාජධානියේ ආරක්ෂක අමාත්‍යංශය සයිබර් ප්‍රහාරයකට ලක්ව ඇති බව එරට මාධ්‍ය වාර්තා කර තිබේ.
එය ආරක්ෂක අමාත්‍යාංශය විසින් භාවිතා කරනු ලබන තුන්වන පාර්ශ්ව වැටුප් ලේඛන පද්ධතියක් ඉලක්ක කර ගත් අතර ත්‍රිවිධ හමුදාවේ වත්මන් සහ හිටපු සේවා පුද්ගලයින්ගේ නම් සහ බැංකු තොරතුරු ලබාගෙන තිබේ.
ආරක්ෂක ලේකම් ග්‍රාන්ට් ෂැප්ස් මහතා පාර්ලිමේන්තුවට වැඩිදුර තොරතුරු ඉදිරිපත් කිරීමට බලාපොරොත්තු වන අතර කොන්සර්වේටිව් ආණ්ඩුවේ හිටපු අමාත්‍යවරයෙකු වන ටෝබියාස් එල්වුඩ් පැවසුවේ මෙම සිද්ධිය චීන සයිබර් ප්‍රහාරයක ලක්ෂණ ඇති බවයි.
චීනය එම ප්‍රකාශ ‘අමූලික විකාරයක්’ ලෙස ප්‍රතික්ෂේප කරන අතර චීනයේ විදේශ කටයුතු අමාත්‍යාංශයේ ප්‍රකාශක Lin Jian සඳහන් කර තිබුණේ, බ්‍රිතාන්‍ය දේශපාලනඥයන්ගේ ප්‍රකාශ සම්පූර්ණයෙන්ම විකාරයක් වන බවත්, බීජිං සියළුම ආකාරයේ සයිබර් ප්‍රහාරවලට විරුද්ධ වන අතර අනෙකුත් රටවලට මඩ ගැසීම ප්‍රතික්ෂේප කරන බවයි.
