BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

සාතන්ගේ මැඩියා

කුඩා ඩයිනසෝරයන් පවා ආහාරයට ගත් ගොඩ්වානාලන්තයේ යක්ෂයා

ඌ සන්නාහ සන්නද්ධ ව සිටියේය. අඟල් 10 ක් පමණ දිගට වැඩුණේය. සිතන්නටද බැරි තරමේ සැහැසි කමකින් හැසිරුණේය. පැරැන්නන් ඌට ප‍්‍රදානය කර තිබූ නම ”සාතන්ගේ මැඩියා’ විය. ඒ නම, උගේ කල්ක්‍රියාවට මනා ලෙස ගැළපුණේය. දශක දෙකකටත් අධික කාලයක සිට පොසිල විද්‍යාඥයෝ ‘සාතන්ගේ සගයා’ගේ ඇට කැබලිති එක්රැස් කරමින් සිටියහ. අවසානයේ දැන්, වසර මිලියන 70 ක් පැරණි පොසිලයක් ලැබීමෙන් පසු ඔවුන් එළඹ තිබෙන නිගමනය නම්, එදා මෙදාතුර පෘථිවිය මත විසූ වඩාත්ම සාහසික ගෙඹි හෝ මැඩි විශේෂය සාතන්ගේ මැඩියා නොහොත් බීල්සිබෆෝ ඇම්පින්ගා (Beelzebufo ampinga) බව ය. ”ඌ විලෝපිකයෙකු බව අප දැන සිටියා. නමුත් ඌ මේ තරම් දරුණු විලෝපිකයෙකු යැයි කියා අප දැන සිටියේ නෑ.” එසේ කියන්නේ පර්යේෂණය සඳහා දායක වූ ලන්ඩන් සරසවියේ විද්‍යාඥ සූසන් එවන්ස් ය. ’බීල්ස්’ යන්න ග්‍රීක වදනකි.

එහි අරුත සාතන් හෙවත් යක්ෂයා යන්නයි. බෆෝ යනු ලතින් බසින් මැඩියා ය. මේ අතරිඇම්පිග්නා’ යනු ලතින් බසින් පලිහ යන්නයි. එනම්, සාතන්ගේ මැඩියාගේ සම, දර්ශීය ඇම්ෆීබියානු සමකින් වෙනස්ව පලිහ දරා සිටියි. ඒ පලිහ සැබවින්ම අපිචර්මීය ඵලකයන් ය. ඒවා අඟලක පමණ ගනකමකින් යුතු විය. උගේ ගොදුරු හෝ ඌ සමග සටනට එන සතුරාට ඒවා සමග හැප්පීම කොහෙත්ම කළ නොහැකි විය. ඌ සතුරන් සමග නොබියව හැප්පුණේය. උන්ට තුවාළ සිදුකළේය. අවසානයේ ගිල දැමුවේය. සතර අතට නෙරා ගිය උදරය, නිරන්තර කුසගින්නකින් හා කෑදර කමකින් පෙළුණේය. කෘමීන් පමණක් නොව, මීයන් වැනි කුඩා ක්ෂීරපායීන් ද ගිල දැමුවේය. ප‍්‍රමාණයෙන් කුඩා සර්පයන් පවා ගිල දැමුවේය. මුව තුළ පිහිටි විශේෂ අස්ථි සැලසුම නිසා, කොතරම් පෙරළි කළ ද මුව තුළට ගත් ගොදුර නැවත පිටතට දැමිය නොහැකි විය. පණ පිටින් ගිල දැමීම මෙන්ම ගොදුරේ හුස්ම හිරවෙන තෙක් සිය තියුණු දත් යොදාගෙන ගෙළ සිර කිරීම ද කළේය. දේහ බර රාත්තල් 10 ක් හෙවත් කිලෝ හතරහමාරක් පමණ වීම ද උන්ගේ සැහැසි කම තීව‍්‍ර කරන්නක් විය.

මේ යක්ෂ මැඩියාගේ චර්යාවන්ගේ දරුණු කම අනුව ඌ බිත්තර වලින් පිටතට එන කුඩා ඩයිනසෝර පැටවුන් පවා බුදින්නට ඇතැයි විශ්වාස කරයි. ඊට අමතරව ස්වජාති භක්ෂණය හෙවත් තමන්ගේ ම ජාතියේ උන් ව ආහාරයට ගැනීම ද උන් අතර දැකගත හැකි විය. ඒ අනුව වෙනත් විශේෂවල කුඩා ගෙම්බන් හා මැඩියන් ගිල දැමීම සිදුවිය. පිරිමි සතුන්ට වඩා ප‍්‍රමාණයෙන් විශාල වූ ගැහැනු සතුන්, සංසර්ගයෙන් පසු පිරිමි සතුන් ව ගිල දමන්නට ඇති බව ද චර්යා විද්‍යාඥයෝ පවසති.

පිරිමි සතුන්ට වඩා ප‍්‍රමාණයෙන් විශාල වූ ගැහැනු සතුන්, සංසර්ගයෙන් පසු පිරිමි සතුන් ව ගිල දමන්නට ඇති බව ද චර්යා විද්‍යාඥයෝ පවසති.

Description 02 : සාතන්ගේ මැඩියාගේ සම, දඩයමට අමතරව ඌට තවත් ආකාරයක මෙහෙයක් කරන්නට ඇති බව විද්‍යාඥයන්ගේ මතයයි. එනම්, එම රළු ඵලක, වියළි සමයේ පොළොව තුළ ශීතල බිළ සෑරීමට ඌට උදව් කරන්නට ඇත. කෙසේ වෙතත් ක්‍රිටේසීය යුගයේ සම්භවය වූ මේ ජීවියා, ඩයිනසෝරයන් සමගම මිහිමත සැරිසරා උන් වඳ වී යන විට ම සිය පරිණාම කතාව අවසන් කළේය. සාතන්ගේ මැඩියාට පෙනුමෙන් හෝ සමාන කම් දක්වන මැඩි විශේෂ අද ද සිටිති. එයින් එක් විශේෂයක් නම් අප්‍රිකානු බුල්ෆ්‍රොග් ය. ඌද පෙනුමෙන් පාපන්දුවක් මෙනි. සෙන්ටිමීටර 25 ක් වත් විශාල වෙයි.

නමුත් සාමාන්‍ය මැඩියෙක් හෝ ගෙම්බෙක් ඌ අබියස සිටියදී අඟුටු මිට්ටෙකුට වැනි ය. දකුණු ඇමරිකානු වැසි වනාන්තර වල ජීවත් වනිපැක් මෑන්’ ලෙස හඳුන්වන ගෙඹි විශේෂය ද සාතන්ගේ මැඩියාගේ ඥාතීන් ය. නිතර විවර කර ගෙන සිටින විසල් මුව නිසා උන්ට ඒ නම ලැබී තිබේ. ඊට අමතරව මේ ඥාතියාගේ හිස මුදුනේ කුඩා අං සිහි ගන්වන කණ්ටක ද තිබේ. එනිසාිඅං ගෙම්බන්’ ලෙස ද හඳුන්වයි. විද්‍යාඥයන් විශ්වාස කරන්නේ සාතන්ගේ මැඩියාගේ ද මේ ආකාරයේ කණ්ටක තිබෙන්නට ඇති බව ය. මේ වන විට උගේ පොසිල සාක්ෂි රැස්කරගැනීම සිදුකරන්නේ මැඩගස්කරයේ මහජන්ගා ද්‍රෝණිය ආශ‍්‍රිත ප‍්‍රදේශයෙනි. නමුත් මැඩගස්කරයේ අද වෙසෙන උගේ ඥාතීන්ට සාපේක්ෂව සාතන්ගේ මැඩියා පරිසමාප්ත යෝධයෙකු විය. කුඩා දෙයටත් වහා කුපිත වන අති කලහකාරියෙකු ද විය. කෙසේ නමුත් උන්ගේ මැඩගස්කර් වාසිකත්වය ද ජීව විද්‍යාඥයන්ට ප‍්‍රහේලිකාවකි. සාතන්ගේ මැඩියා ඩයිනසෝරයන් සමග ම දකුණු ඇමරිකාවේ සැරිසැරූ බව මීට පෙර පැවසුවෙමු. එසේ නම් උන් පසුකාලීන ව ලෝකයෙන් බාගයක් දුර ගෙවා මැඩගස්කර් දූපත වෙත පැමිණියේ කෙසේද? මෙය පැහැදිලි කිරීම සඳහා යොදාගන්නේ දුරාතීතයේ මුළු පෘථිවි තලයම එකම ගොඩබිමක් ව පැවත, පසුව බිඳීයන්නට ඇත යන කල්පිතයයි. එම තනි ගොඩබිම ‘ගොන්ඩ්වානාලන්තය’ (Gondwanaland) විය. අදට වසර මිලියන 160කට පෙර එම සුපිරි මහාද්වීපය කැබලි වලට බිඳී යන විට මැඩගස්කරය අපි‍්‍රකාවෙන් වෙන් වූ බවත් ඉන්පසු වසර මිලියන 88 කට පෙර මැඩගස්කරය ඉන්දියාවෙන් වෙන් වූ බවත් විශ්වාස කෙරෙයි. මේ අනුව මැඩගස්කරය හුදෙකලා දූවක් බවට පත්විය. ඒ වන විටත් එහි විසූ සාතන්ගේ මැඩියෝ, සිය අනන්‍යතාවය රැක ගනිමින් සිය සාතන් ගති සමග හුදෙකලා ගමනාන්තයක් වෙත ඇදී ගියහ.


ඔස්කාර් සම්මානලාභී ෆ්ලෑෂ් ඩාන්ස් ගායිකා අයිරින් කාරා මිය යයි

“ඉන්ඩියානා ජෝන්ස්” සමඟින් හොලිවුඩ් පුරවරයට වික්‍රමාන්විත ගමනක් යං!

Adipurush සහ Pathaan ඇතුළුව බොලිවුඩය කළඹන සිනමා සිත්තම් රැසක් 2023 දී ඔබ හමුවට!

ඔව්.. භූමියට තවමත් පණ තියෙනවා.. අභිෂේකාගේ පැය දෙකෙන් ට්‍රෙන්ඩිං ගිය ගීතයෙන් දිග හැරෙන සමාජ යථාර්තය

පැහැපත් සමට අභියෝග කරන සුරූපිණිය සෑන් රෙචල්

තහනමට ලක් වූ ට්විටර් ගිණුම් දහයක් යළි කරළියට ගෙන ඒමට මස්ක්ගේ සූදානමක්!

ඊලෝන් මස්ක් ට්විටර්හි එකම අධ්‍යක්ෂක වරයා බවට පත් වේ ; වඳුරකු අතට දැලිපිහියක් ලැබී ඇත.

දේශගුණික අර්බුදයේ බලපෑම සුෂි වලටත්

error: Content is protected !!
error: Content is protected !!