BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

කොවිඩ් වසංගතය දුරලීමට සොල්දාදුවන් දෙසිය දෙනෙක් දින 9 කින් තැනූ ලන්ඩනයේ නයිටිංගේල් රෝහල

ලෝකයේ ඇති දියුණුම තාක්ෂණය සහ මහා මිනිස් බලයක් යොදා ගනිමින් චීන ජාතිකයන් දින 7 කින් වුහාන් පළාතේ රෝහල් තැනුවේ මුළු ලොවටම ඒ ගැන සද්ද දමමිනි.

නමුත් කිසිම සද්දයක් නැතිව ලන්ඩනයේ පිහිටි ලොකුම සම්මන්ත්‍රණ හා ප්‍රදර්ශන ශාලාව වන ‘ඩොක්ලන්ඩ් එක්සෙල්‘, දින 9කින් එංගලන්තයේ ලොකුම රෝහල බවට පත්විය. මේ මහා පරිවර්තනය සිදු කිරීමට දායක වූයේ සොල්දාදුවන් 200 දෙනෙකි. එය දින කිහිපයක ප්‍රමාදයකින් පසු අද සවස විවෘත කෙරුණේය.

ඒ නිසා දැන් මෙය හැඳින්වෙන්නේ ඩොක්ලන්ඩ් එක්සෙල් හෙවත් London’s ExCeL centre ලෙස නොව නයිටිංගේල් රෝහල (Nightingale hospital) ලෙස ය.

මහා බ්‍රිතාන්‍යය මේ වන විට මුහුණ පා සිටින කොවිඩ්-19 වසංගතය ඉදිරියේදී තවදුරටත් උත්සන්න වුවහොත් පුළුල් ශක්‍යතාවයෙන් යුතුව සූදානම් ශරීරයෙන් සිටින මෙහි ඇඳන් 4000 ක් පිළිවෙළට තබා තිබේ.

එක වාට්ටුවක 200 දෙනෙකුගෙන් යුත් රෝහල් කාර්ය මණ්ඩලයක් මෙහිදී යෙදවිය හැකි අතර, ඒ අනුව බ්‍රිතාන්‍යයේ ජාතික සෞඛ්‍ය සේවය වන NHS හි කාර්ය මණ්ඩල සාමාජිකයන් 16,000 කට එකවර මෙහි සේවයේ යෙදිය හැකිය.

හමුදා ඉංජිනේරුවන් 200 දෙනෙකු විසින් දිනකට පැය 15 බැගින් මේ විශ්වකර්ම රෝහල ඉදිකරන්නට වෙහෙස වූයේ කොන්ත්‍රාත්කරුවන් 160 දෙනෙකුට අධික පිරිසකගේ සැලසුම අනුව ය. ශ්‍රීමත් ජෝන් ගිලන් රථ සේවයේ ස්වෙච්ඡා සාමාජිකයන් 750 දෙනෙකු මෙහි සේවය කරනු ඇත. එක්සත් රාජධානියේ විශාලතම රෝහල බවට එය දැන් පත්ව තිබේ.

අද සවස මෙය විවෘත කෙරුණේ කොවිඩ්-19 වින්දිතයෙකු අතින්ම වීම ද සුවිශේෂී ය. ඒ, චාල්ස් කුමරු අතිනි. ස්කොට්ලන්තයේ සිය නිවසේ සිට මෙය වීඩියෝ ලින්ක් ක්‍රමයට විවෘත කරනු ලැබුවේ, දුරස්ථ ක්‍රමයක් භාවිතයෙන් විවෘත කිරීමක් සිදුකළ ප්‍රථම රාජකීයයා බවට පත් වෙමිනි.

කොවිඩ් පොසිටිව් වීමෙන් පසු නිරෝධායනයට ලක්වූ චාල්ස් කුමරු මේ වන විට නිරෝගී සුවය ලබා තිබේ. ‘‘සිදුකළ නොහැකි දෙයක් යැයි සිතූ දේ ඔබ කළා..‘‘ යැයි එහිදී කුමරු පැවසුවේය.

මේ නම තබනු ලැබුවේ) ලෝක හෙද සේවයේ නිර්මාතෘ ෆ්ලොරන්ස් නයිටිංගේල්ගේ 200 වන ජන්ම සංවත්සරය ලබන මාසයට (මැයි 12) යෙදී තිබීම ද සලකා බලා ය.


වසරේ සමීප ඡායාරූප ශිල්පියා – කාච ඇස දකින අසිරිමත් ලෝකය

මහම්මත්තුමාගේ කාටුන් පෙන්වූයේ යැයි ප්‍රංශ ගුරුවරයෙකුත් මරා දමලා!

ඇමරිකාව, ත්‍රස්තවාදී ලැයිස්තුවෙන් සුඩානය ඉවත් කරයි

වනුෂි වෝල්ටර්ස් – නවසීලන්ත පාර්ලිමේන්තුව ජයගත් පළමු ශ්‍රී ලාංකිකයා

MURALI 800: මුරලිගේ චරිතය රඟපෑමට සිටි විජේ සේදුපති ඉවත් වෙයි

ලොව වැඩිපුරම LGBT ප්‍රජාවේ සාමාජිකයන් සිටින පාර්ලිමේන්තුව බවට නවසීලන්ත පාර්ලිමේන්තුව පත් වේ

‘‘අපි නුඹව ගෙදර යවනවා!‘‘ – ට්‍රම්ප්ගේ ජනපතිකම අවසන් කිරීමට කාන්තාවෝ වීදි බසිති

ඇමරිකානු ජනාධිපතිවරණය නිසා ෆේස්බුක් නීති දැඩි වේ – ප්‍රචාරණ දැන්වීම් ලක්ෂ 22 ක් ඉවතට

Your email address will not be published. Required fields are marked *

error: Content is protected !!
error: Content is protected !!