BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ට්‍රම්ප් පරිපාලනය ස්ත්‍රී-පුරුෂ සමාජභාවය ‘ලිංගයට’ සීමාකිරීමේ උත්සාහයක

ඇමරිකානු ජනාධිපති ඩොනල්ඩ් ට්‍රම්ප්ගේ පරිපාලන ඒකකය ස්ත්‍රී-පුරුෂ සමාජභාවය (Gender) යනු උපතේදී දරුවකුට ලැබෙන ලිංගික අවයවය මත පවරනු ලබන හුදෙක් ජීවවිද්‍යාත්මක, වෙනස්කළ නොහැකි තත්ත්වයක් යැයි නම් කිරීමේ උත්සාහයක නිරත වන බවට වාර්තා වෙයි.

මෙය රජයක් විසින් මෙතෙක් ගන්නා ලද අතිශය පටු, උද්ධච්ඡ වූත් තීන්දුවක් බවට සැලකෙන අතර, මෙමඟින් ඇමරිකානු රජය විසින් සංක්‍රාන්ති සමාජභාවී (Transgender) ප්‍රජාවන්ගේ ආරක්ෂාව සඳහා ස්ථාපිත රාජ්‍ය සිවිල් අයිතවාසිකම් උල්ලංඝනය වීමේ බරපතල අවදානමක් ඇති බවට වාර්තා වේ.

ඇමරිකානු නිව් යෝර්ක් ටයිම්ස් පුවත්පතේ සටහනකට අනුව, සෞඛ්‍යය සහ මානව සේවා දෙපාර්තමේන්තුව ‘ස්ත්‍රී-පුරුෂ භාවය’ (Sex) සඳහා නෛතික අර්ථකතනයක් ස්ථාපිත කිරීමට උත්සුක වන අතර, ඒ රාජ්‍ය සිවිල් අයිතිවාසිකම් ‘IX වගන්තිය’ (Title IX) යටතේය. මෙම වගන්තිය යටතේ රජය මූල්‍යමය සහය ලබාදෙන සියලු අධ්‍යාපනික වැඩසටහන් තුළ ‘ස්ත්‍රී-පුරුෂ සමාජභාවය’ (Gender) මත පදනම් වූ හිංසනයන් තහනම් කරනු ලබයි.

The Weekly Standard

The Weekly Standard

හිටපු ජනාධිපත් බැරැක් ඔබාමාගේ පාලන කාලය තුළ, ඔබාමා පරිපාලන ඒකකය ස්ත්‍රී-පුරුෂ සමාජභාවය සඳහා පැවති නෛතික සංකල්ප අධ්‍යාපනය, සෞඛ්‍ය සේවා ඇතුළු සියළු රාඡ්‍ය වැඩසටහන් තුළ ලිහිල් කළ අතර, එමඟින් ස්ත්‍රී-පුරුෂ සමාජභාවය යනු පුද්ගලයකුගේ තනි කැමැත්ත මත පදනම් වූ තත්ත්වයක් මිස, එය උපතේදී විනිශ්චය කළ ලිංගය මත පදනම් නොවන බව හැඳින්වීය. මෙම ප්‍රතිපත්තිය වැසිකිළි පද්ධති, නවාතැන් පහසුකම්, තනි-ස්ත්‍රී-පුරුෂ-භාවී වැඩසටහන් (single-sex programs) වැනි ස්ත්‍රී-පුරුෂ සමාජභාවය සරලව තැකූ සියළු ආයතන අතර පවතින ගැටළු මඟහරවා ගැනීමට මහඟු රුකුලක් විය. ඇමරිකාවේ ගතානුගතික මනෝභාවී පුද්ගලයන් අතර, විශේෂයෙන්ම එවැන්ජලිකල් ක්‍රිස්තියානි ප්‍රජාව අතර, ස්ත්‍රී-පුරුෂ සමාජභාවී සම්මතයන් මත පදනම් වූ වෙනස්කොට සැලකීම් බහුලව පවතී.

එක්සත් ජාතීන්ගේ සංවිධානය ස්ත්‍රී-පුරුෂ සමාජභාවය අර්ථකතනය කරන්නේ, “පිරිමින්-පිරිමින් අතර, ගැහැණුන්-ගැහැණුන් අතර, පිරිමින්-ගැහැණුන් අතර සහ පිරිමි දරුවන්-ගැහැණු දරුවන් අතර පවතින සබඳතා හා අවස්ථාවන් සංකේතවත් කිරීම සඳහා ස්ත්‍රීන් හා පුරුෂයන් සම්බන්ධයෙන් සමාජීය වශයෙන් සම්මත කරගන්නා ලද ලක්ෂණයන්” බවය. මෙම ලක්ෂණ, අවස්ථාවන් හා සබඳතා ‘සමාජීය’ වශයෙන් සම්මත කරගන්නා ලද සංකල්ප වන අතර, එම සංකල්ප පුද්ගලයකු සමාජගත වීමේ ක්‍රියාවලිය ඔස්සේ ඉගෙන ගනු ලබයි. මෙම සංකල්ප කාල-නිශ්චිත හා වෙනස්වන සුළු සංකල්පයන් වේ. ස්ත්‍රී-පුරුෂ සමාජභාවය පිරිමියකු හෝ ගැහැණියක ගේ වටිනාකම, ඔවුන්ගේ සමාජ වගකීම, හා ඔවුනට සමාජය තුල අවසරලත් නොලත් දෑ පුරෝකතනය කිරීම සඳහා සකසා ගන්නා ලද සමාජීය සංකල්පයක් වේ. මෙය විවිධ සංස්කෘතීන් තුළ විවිධාකාරයෙන් අර්ථකතනය කරනු ලබන අතර, බොහෝ සමාජයන් තුළ වගකීම්, කාර්‍යභාරයන්, සම්පත් පරිහරණය කිරීම සඳහා ඇති අවසරය, තීන්දු තීරණ ගැනීමේ හා පාලනය කිරීමේ අයිතිය සම්බන්ධයෙන් ස්ත්‍රී-පුරුෂ සමාජභාවය තුල දැඩි විෂමතාවයක් හා අසමානාත්මතායක් පවතී. මෙම නිසා ස්ත්‍රී-පුරුෂ සමාජභාවය යනු ඉතා පුළුල් සමාජ-සංස්කෘතික කතිකාවක එක් පැතිකඩකි. මෙම සමාජ-සංස්කෘතික විශ්ලේෂණය සඳහා වැදගත් අනෙකුත් නිර්ණායකයන් වන්නේ පන්තිය, ජාතිය, දරිද්‍රතා මට්ටම, ජනවාර්ගික කණ්ඩායම් සහ වයස යි.

ද ටයිම්ස් පුවත්පතේ සටහනකට අනුව, සෞඛ්‍යය සහ මානව සේවා දෙපාර්තමේන්තුව ඔවුන්ගේ නිවේදනයේ තර්ක කොට ඇත්තේ ප්‍රධාන රාජ්‍ය ආයතන ස්ත්‍රී-පුරුෂ සමාජභාවය සඳහා ලබාදෙන අර්ථකතනය පිළිබඳ පැහැදිලි ස්ථාවරයක සිටිය යුතු බවත්, ඒ සඳහා තමා හැඩගැසිය යුතු බවත්, ඒ අනුව මෙය හුදෙක් ‘ජීවවිද්‍යාත්මක, විද්‍යාව මත පමණක් පදනම් වූ, අරමුණ පැහැදිලි හා පරිපාලනයට නතු කළ හැකි කාරණයක්’ බවත් ය. දෙපාර්තමේන්තුව යෝජනා කළ පරිදි ස්ත්‍රී-පුරුෂ භාවය (Sex) ස්ත්‍රී හෝ පුරුෂ පමණක් විය යුතු අතර, එය නොවෙනස් විය යුතු අතර, මෙය විනිශ්චය විය යුත්තේ උපතේදී ලද ලිංගික අවයවය මත පමණක් බවද, යම් හෙයින් සැකයක් පවතින්නේ නම් ජාන පරීක්ෂාවක් මඟින් තහවුරු කරගත යුතුද වේ. සංක්‍රාන්ති සමාජභාවී ප්‍රජාවන් පමණක් නොව එමඟින් අන්තර් ලිංගික (intersex) ප්‍රජාවන්ද කොන්කොට සැලකීමට ලක්වන බව විද්වතුන් පෙන්වා දෙයි.

මානව හිමිකම් ක්‍රියාකාරීන් මෙලෙස ස්ත්‍රී-පුරුෂ සමාජභාවය යනු වෙනස්කළ නොහැකි උප්පත්තිය මත විනිශ්චය වන්නක් යැයි නිකුත් කළ නිවේදනයට විරෝධය පළකරමින් ඇමරිකානු ධවල මන්දිරය අභියස විරෝධතාවේ නිරත වන අතර, ඇමරිකානු සංක්‍රාන්ති සමාජභාවී ප්‍රජාවන් පවසන්නේ ඉදිරියට තමන්ට අත්වන ඉරණම පිළිබඳ බියෙන් පසුවන බවයි.


ඉතාලියේ මිලියන 1.3 ක ජනතාවක් නායයෑම්වලට සහ මිලියන 6.8 ක් ගංවතුරෙන් විපතට පත් වීමේ අවදානමක

යුක්රේනයට විදුලිය නොමැති අඳුරු ශීත සෘතුවක්

චීනයේ කොවිඩ් විරෝධී විරෝධතා තුන්වන දිනටත් අඛණ්ඩව; ෂැංහයි හි පොලිසිය සමඟත් ගැටුම්

උතුරු කොරියානු නායකයා ලෝකයේ ශක්තිමත්ම න්‍යෂ්ටික බලය ලබා ගැනීමට අපේක්ෂාවෙන්

‘දේශගුණිත අර්බුද වලින් විපතට පත් රටවලට චීනයද ආධාර කළ යුතුය’- හිටපු බ්‍රිතාන්‍ය අගමැති ගෝර්ඩන් බ්‍රවුන්

කලාපයේ සහ ලෝකයේ සාමය වෙනුවෙන් එක්ව වැඩ කිරීමට බීජිං සූදානම් බව ෂී කිම්ට දැනුම් දේ.

යුරෝපා පාර්ලිමේන්තුව විසින් රුසියාව ‘ත්‍රස්තවාදයේ රාජ්‍ය අනුග්‍රාහකයා’ ලෙස නම් කරයි.

බ්‍රිතාන්‍යයේ නව අගමැතිගෙන් යුක්රේනයට පවුම් මිලියන 50ක යුධ ආධාර

error: Content is protected !!
error: Content is protected !!