කංසා වවන්න මයික් ටයිසන්ට මලාවියෙන් ඇරයුම්
මලාවි රාජ්‍යය විසින් එක්සත් ජනපදයේ සුප්‍රකට බොක්සිං ක්‍රීඩක මයික් ටයිසන්ට සිය රටේ කංසා භෝගයේ නිල තානාපතිවරයා වන ලෙස ඉල්ලා තිබේ.
එරට කෘෂිකර්ම අමාත්‍ය ලොබින් ලෝ ටයිසන්ට ලිපියක් යවා එම තනතුර භාර ගන්නා ලෙස ආරාධනා කරමින් කියා සිටියේ මලාවි හි මෙම භෝගය නීතිගත කිරීමට නව අවස්ථා නිර්මාණය කර ඇති බවයි.
හිටපු ලෝක හෙවිවේට් ශූරයෙකු වන ටයිසන් ව්‍යවසායකයෙකු වන අතර එක්සත් ජනපදයේ මහා පරිමාණ කංසා ගොවිපලක ආයෝජනය කර ඇත. නමුත් හිටපු බොක්සිං ක්‍රීඩකයා 1990 ගණන්වල ලිංගික අපරාධ සම්බන්ධයෙන් සිරගත වූ බැවින් මෙම පියවර සමහරුන්ගේ දැඩි විවේචනයට ලක්ව ඇත.
එක්සත් ජනපද කංසා සංගමය ටයිසන් සමඟ ගනුදෙනුව සඳහා පහසුකම් සපයන බවට සඳහන් කරයි.
මලාවි ශාඛාවේ ප්‍රධානී වේසින්ගලමිල පැවසුවේ හිටපු බොක්සිං ක්‍රීඩකයා මෙම ආරාධනය පිළිගෙන ඇති අතර ඔහුට මලාවි පැමිණීමට සැලසුම් කරමින් සිටින බවයි.
මලාවි රාජ්‍යය පසුගිය වසරේ ඖෂධීය භාවිතය සඳහා කංසා වගා කිරීම සහ සැකසීම නීතිගත කළ නමුත් පුද්ගලික භාවිතය සඳහා එය නීතිගත කිරීම නතර කර ඇත. මලාවි කෘෂිකර්ම අමාත්‍යාංශය විසින් ඖෂධීය අරමුණු සඳහා මෙන්ම කාර්මික භාවිතය සඳහා කංසා වගා කිරීමට ගොවීන් දිරිමත් කර ඇත. මලාවියේ දේශීයව වගා කරන ලද කංසා ප්‍රභේදය (මලාවි gold) ලොව පුරා ප්‍රසිද්ධියට පත්ව ඇත.
ටයිසන් පවසා ඇත්තේ ගංජා දුම්පානය ඔහුගේ මානසික සෞඛ්‍යය වැඩි දියුණු කිරීමට සහ ඔහුගේ ජීවිතය වෙනස් කිරීමට උපකාරී වූ බවයි. කෙසේ වෙතත්, සමහර අධ්‍යයනයන් සඳහන් කර ඇත්තේ ප්‍රබල කංසා දුම්පානය බරපතල මානසික රෝග ඇතිවීමේ අවදානම වැඩි කළ හැකි බවයි.
හිටපු බොක්සිං ක්‍රීඩකයා 1992 දී ඉන්දියානා හි කාන්තා ලිංගික අපයෝජන සිදුවීමකට වරදකරු වීමෙන් පසුව සිරගත කරන ලදී. වසර තුනකට අඩු සිරදඬුවම් විඳීමෙන් පසු 1995 දී ඔහු නිදහස් විය.
