සටහන – රෂිකා හෙන්නායක
පෙබරවාරි, 13 ලෝකය (අවුට්බවුන්ඩ් ටුඩේ): පිළිකා රෝගයකින් පෙළෙන බව හෙළි වීමෙන් පසු බ්රිතාන්යයේ චාල්ස් රජු පළමුවරට ඔහු ජනතාව ඉදිරියේ පෙනී සිට ඇති බව එරට මාධ්ය වාර්තා කරයි.
විදෙස් මාධ්ය පැවසුවේ, චාල්ස් රජු සැන්ඩ්රින්හැම්හි දේවස්ථානය වෙත පසුගිය සෙනසුරාදා ගොස් ඇති බවයි.
විදෙස් මාධ්ය පැවසූවේ, චාල්ස් රජු තම බිරිඳ වන කැමිලා සමග දේවස්ථානයෙන් පිටත ඇවිද යන අවස්ථාවේ මහජනතාව වෙත අත දිගු කරමින් සිය ප්රතිචාරය දක්වා ඇත. තමන් රෝගී වූ බව දැන ගැනීමෙන් පසු තමන්ට සහයෝගය දැක්වූ සහ නිරෝගි සුවය පැතූ සැමදෙනාට චාල්ස් රජු ස්තූතිය පළ කළ බවයි.
චාල්ස් රජු පිළිකාවකින් පෙළෙන බව පසුගියදා බකිංහැම් මාලිගය පළමුවරට ප්රසිද්ධියේ නිවේදනය කළ අතර රජුගේ පිළිකාව හඳුනාගනු ලැබුවේ, විශාල වූ පුරස්ථි ග්රන්ථිය සඳහා ලන්ඩන් නුවරදී ප්රතිකාර ලබමින් සිටියදීය.
විදෙස් මාධ්ය පවසන්නේ නමුත් රජුට වැළඳී ඇති පිළිකාව කුමක්දැයි තවමත් අනාවරණය වී නොමැති බවත්, එය පුරස්ථි ග්රන්ථියේ පිළිකාවක් නොවන බවත් මාලිගය තහවුරු කර ඇති අතර, රෝගී තත්ත්වයට ප්රතිකාර ගැනීම හේතුවෙන් චාල්ස් රජු මහජනතාව හමුවී සිදු කරන සියලු රාජකාරීවලින් ඉවත් වී තිබෙන බවයි.