BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

හැරී පොටර් කතුවරියගේ නවතම චිත්‍රපටයේ නාග කන්‍යාවක්

බැණුම් රැසක් මැද අලුත්ම චිත්‍රපටය තිරගත වීමට සියල්ල සූදානම්.

හැරී පොටර් නිර්මාතෘ ජේ.කේ. රෝලින්ග් මේ වන විට ඇගේ මායාවී ලෝකය චිත්‍රපට ගණනාවකටම ගෙනැවිත් තිබෙනවා. ලෝකයේ එදා මෙදාතුර වැඩිම ආදායම් ඉපැයූ හැරී පොටර් චිත්‍රපට මාලාවෙන් පසු හොලිවුඩය, ඈ රචනා කළ Fantastic Beasts කතාමාලාව චිත්‍රපට බවට පත් කරන්නට පටන් ගත්තා.

2016 වසරේදී මුල් වරට තිරගත වූ Fantastic Beasts and Where to Find Them චිත්‍රපටය හොඳම ඇඳුම් නිර්මාණය ඇතුළු ඔස්කාර් සම්මාන 2 ක් දිනාගත්තා. ඒ අනුව මායාකරුවන්ගේ ලෝකය ගැන තැනුණු චිත්‍රපටයක් ඔස්කාර් සම්මානයක් දිනාගත් පළමු අවස්ථාව විදිහට ඒක ඉතිහාසගත වුණා.

එම Fantastic Beasts කතා මාලාවේ දෙවැනි චිත්‍රපටය FANTASTIC BEASTS 2 – The Crimes Of Grindelwald මේ වසරේ අග තිරගත වීමට නියමිතයි. ඒ චිත්‍රපටයේ Gellert Grindelwald ගේ ප්‍රබල චරිතය රඟපාන්නේ සුපිරි නළු ජොනී ඩෙප් විසින්. මේ වන විට ගෘහස්ථ ප්‍රචණ්ඩත්වය ගැන නඩුවකට මුහුණ දී ජීවිතයේ අසීරු කාලයක් ගත කරන ජොනී ඩෙප් හට චිත්‍රපටයේ ප්‍රධාන චරිතයක් ලබාදීම ගැනත් සමහර අය ජේ.කේ. රෝලින්ග් හට දොස් නගන්නට පටන් අරන්.

ජොනී ඩෙප්

තරුණ ඩම්බල්ඩෝ ගේ චරිතයත් මේ චිත්‍රපටයේදී හමුවෙනවා. මේ චරිතය සමරිසි චරිතයක් බව ජොආන් කේ රෝලින්ග් පසුගිය දවසක කියා සිටීමත් සමග, විශාල ආන්දෝලනයක් ඇති වුණා. කොහොම වුණත් ජූඩ් ලෝ විසින් රඟපාන මේ චරිතය, චිත්‍රපටයේ කතාව තුළ දැඩි සමරිසි බවක් පෙන්වන්නේ නැහැ.

Fantastic Beasts and Where to Find Them යනුවෙන් ජොආන් කේ. රෝලින්ග් 2001 වසරේදී ලියූ පොත ඇසුරෙන් මේ චිත්‍රපට මාලාව බිහිවෙනවා. එය හැරී පොටර් කතාමාලාවේම දිගුවක්.

නාග කන්‍යාවගේ ආන්දෝලනය

මේ වන විටත් හොලිවුඩ් රසිකයන් මහත් බලාපොරොත්තු තබාගෙන සිටින මෙහි නාග කන්‍යාවක් එහෙමත් නැතිනම් ‘නාගිනී‘යක් සිටිනවා. නාගිනී කිව්ව ගමන් අපට මතක් වන්නේ නාගිනී හින්දි චිත්‍රපටයයි. කොහොම වුණත් මේ  FANTASTIC BEASTS 2 – The Crimes Of Grindelwald චිත්‍රපටයේ නාගිනීගේ චරිතයට පණ පොවන්නේ ක්ලෝඩියා කිම් නමැති කොරියානු නිළියක්.

කොරියානු නිළිය නාග කන්‍යාව ලෙස

කොරියානු නිළිය නාග කන්‍යාව ලෙස

වොල්ඩමෝට්ගේ නාගිනිය විදිහට මේ කොරියානු නිළිය තෝරාගැනීම හැම අතින්ම සාධාරණ බව ජේ.කේ. රෝලින් කියනවා. හැරී පොටර් කතා මාලාව තුළ නාගයා හැමවිටම නිරූපණය වන්නේ දුෂ්ට වොල්ඩමොට්ගේ ආවතේවකාර චරිතයක් විදිහට. වොල්ඩමොට් තමන්ගේ ශක්තිය නැවත ලබාගන්නේ හැපින්න හෙවත් නාගිනීගේ ‘කිරි‘ බීම මගින්.

නාගිනීගේ චරිතයට කොරියානු ගැහැනියක් තෝරාගැනීම ගැන මේ වන විට ජේ.කේ. රෝලින්ට විවේචනවලට මුහුණ දෙන්නටත් සිදුවෙලා. ඒත් ඇය බොහොම සාර්ථකව ඒවාට මුහුණ දෙමින් සිටිනවා. මේ ගැන ලියැවුණු ට්විටර් සටහනකට පිළිතුරු ලියමින් ජේ.කේ. රෝලින්ග් මෙහෙම කියනවා. ‘‘නාග කියන්නෙ ඉන්දුනීසියානු දේවකතාවල එන මිත්‍යා චරියක්. ඉන්දුනීසියාව තුළ ජාවා, චීන සහ බෙතාවි කණ්ඩායම් ඇතුළත්ව වාර්ගික කණ්ඩායම් සිය ගණනක් ජීවත් වෙනවා.‘‘

ජේ.කේ. රෝලින් මවන නාගිනී චරිතය, අවුරුදු 20 ක් තිස්සේ ‘රුධිර ශාපයක්‘ නිසා සර්පයෙක් බවට පත්වුණු මිනිසෙක් ගැන කියනවා.

නමුත් විවේචනවල නම් නිමක් නැහැ. එක් ට්විටර් පරිශීලකයෙක් මෙහෙමත් කියනවා. ‘‘ඔබට අවශ්‍ය ආසියානු කාන්තාවක් සර්කස්වල පෙන්වන, අන්තිමට බෙල්ල කපල මරල දාන නාගයෙක් බටව පත් කරන්නද? බිලියන 4.4 ක් ජීවත් වන ආසියාවේ එකම එක මායා පාසලක්වත් නැහැ“ මේ වෙද්දි කොරියානු චිත්‍රපට රසිකයනුත් මේ ගැන තමන්ගේ නොසතුට පළ කරමින් සිටිනවා.

ආසියානු ගැහැණියක් මිනිසුන් මරා දමන මායාකාරයෙක් විසින් අල්ලාගෙන සර්පයෙක් බවට පත්කිරීම ගැනත් ඔවුන් විවිධ මත පළ කරනවා.

හැම දෙයකදීම වර්ගය හෝ ජාතිය අල්ලාගැනීම මේ වන විට මේ ලෝකයේ විලාසිතාවක් බවට පත්වී ඇති බවටත් හැරී පොටර් නිර්මාතෘවරියට එල්ල වන මේ විවේචන හොඳ සාක්ෂියක්.

හැරි පොටර් ලියූ ජොආන් කේ. රෝලින්ග් | Wikipedia

හැරි පොටර් ලියූ ජොආන් කේ. රෝලින්ග් | Wikipedia

ඒ වගේම ලන්ඩනයේ Harry Potter and the Cursed Child රංගය වේදිකාගත කිරීමේදී ජොආන් කේ. රෝලින්ග් විසින් හර්මයින් ග්‍රැන්ජර්ගේ චරිතය රඟපාන්න Noma Dumezweni කියන කළු ජාතික දැරියට අවස්ථාව ලබාදුන්නා. ඒ අවස්ථාව ලබාදීම වෙනුවෙන් බොහෝ අය ඇයට ප්‍රශංසා කළා. ඒත් එහෙම කෙරුව රෝලින්ග්ට මේ වෙද්දි නාගිනී චරිතයක් කොරියානු කාන්තාවකට ලබාදීම ගැන දොස් අහන්න සිද්ධ වෙලා.

කොහොම වුණත්, හැරී පොටර් පොත් මාලාව ලියා, මහා බ්‍රිතාන්‍යෙය් එලිසබෙත් රැජිනටත් වඩා ධනවත් කාන්තාවක් බවට පත්වුණු ජේ.කේ. රෝලින්ග්, ඒ කතාමාලාව අවසන් වීමෙන් පසුවත් තමන්ගේ සාර්ථකත්වය දිගින් දිගටම රඳවා ගන්නා බව පැහැදිලියි. Fantastic Beasts කතා මාලාව ඇසුරෙන් චිත්‍රපට 5 ක් නිපදවීමට සැලසුම් කරන බව ඇය දැනටමත් හෙළි කර තිබෙනවා.

මේ චිත්‍රපට මාලාව ජොආන් කේ රෝලින්ග් ගේ ජීවිතයේ තවත් දිනුම් කණුවක් සලකුණු කරනවා. එයට හේතුව, මේ කතා මාලාවේ ලේඛිකාව විතරක් නෙවෙයි, තිර රචිකාව සහ නිෂ්පාදිකාව වන්නේත් ඇයම වන නිසයි.

 


“Ponniyin Selvan” වීර කාව්‍ය රූපමය අත්දැකීම මහා භාරතය කළඹවයි!

ටාගේරියන් දරුවන් මකරුන් පිට ඉගිල්ලෙද්දී HBO නාලිකාවට චෝදනාවක්!

දැයෙන් සමුගත් ‘රත්තරං කෙල්ල’ ගේ දේපළ වෙන්දේසියේ!

ප්‍රංශ සිනමාවේ විප්ලවවාදියා යාන්-ලුක් ගොඩාර්ඩ් දිවිසැරිය නිමා කරයි!

‘කොයි මිල් ගයා’ නොකී ‘ද ඒලියන්’ සහ කාලය අමතක කර දැමූ.. සත්‍යජිත් රායි

ලෝක සංචාර නොතකා තම සෞඛ්‍යය ගැන හිතන “JB “

ටොක්සික් පිරිමිකමට එන්නතක් විදින ‘ද බෝයිස්’ කතාමාලාවෙන් උගනීමට කරුණු 05ක්!

පිළිකාවට එරෙහිව යුධ ප්‍රකාශ කරන හොලිවුඩ් රැජිණ ජේන් ෆොන්ඩා!

error: Content is protected !!
error: Content is protected !!