මොස්කව්හි ප්‍රසංග ශාලාවට එල්ල වූ ප්‍රහාරයෙන් මියගිය සංඛ්‍යාව 115 දක්වා ඉහළට (update)
ක්‍රොකස් ප්‍රහාරයට සම්බන්ධ ත්‍රස්තවාදීන් යුක්රේන දේශසීමාව හරහා පැමිණෙන්නට ඇති බවත්, ඊට අවශ්‍ය සහය ඔවුන්ට යුක්රේනයෙන් ලැබී ඇත.
සටහන: සශිකලා මධුෂාණි, මාර්තු 23,
ලෝකය(අවුට්බවුන්ඩ් ටුඩේ) : මොස්කව්හි ක්‍රොකස් ප්‍රසංග ශාලාවට ස්වයංක්‍රිය ගිනි අවි රැගත් තුවක්කුකරුවන් සිවු දෙනෙක් එල්ල කළ ප්‍රහාරය හේතුවෙන් මියගිය සංඛ්‍යාව 115 දක්වා ඉහල ගොස් ඇති බව වාර්තා වේ.
ප්‍රහාරයේ වගකීම ඉස්ලාමීය රාජ්‍ය සංවිධානය ISIL (ISIS) භාරගෙන ඇති අතර ප්‍රහාරයට සම්බන්ධ සැකකරුවන් 11 දෙනාගෙන් හතර දෙනෙකු අත්අඩංගුවට ගැනීමට සමත් වූ බව රුසියානු FSB ෆෙඩරල් ආරක්ෂක අංශය සඳහන් කර තිබේ. FSB ෆෙඩරල් ආරක්ෂක අංශය මේ සම්බන්ධයෙන් වැඩිදුරටත් සඳහන් කර තිබුණේ, මොස්කව් ක්‍රොකස් ප්‍රහාරයට සම්බන්ධ ත්‍රස්තවාදීන් යුක්රේන දේශසීමාව හරහා පැමිණෙන්නට ඇති බවත්, ඊට අවශ්‍ය සහය ඔවුන්ට යුක්රේනයෙන් ලැබී ඇති බවත්ය.
කෙසේ නමුත් ක්‍රේම්ලනය වැඩිදුර තොරතුරු අනාවරණය කිරීම ප්‍රතික්ෂේප කර ඇති අතර ධවල මන්දිරය පවසන්නේ තත්ත්වය පිළිබඳ වැඩිදුර සොයා බැලීම සිදුකරන බවත් මේ වෙනුවෙන් යුක්රේනයේ කිසිදු මැදිහත්වීමක් නොවන බවත්ය.
