BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

කරුණානිධි රෝහලට

තමිල්නාඩු දේශපාලනය තුළ අති ප්‍රබල චරිතයක් සේ සැලකෙන හිටපු මහඇමති කරුණානිධි රෝහල් ගත කර තිබේ. දින ගණනාවක් නිවසේ සිට ලබාදුන් ප්‍රතිකාරවලින් පසුව චෙන්නායි රෝහල වෙත හදිසියේම ඇතුළත් කරනු ලැබීය.

ද්‍රාවිඩ මුන්නේත්‍ර කලහම් (DMK) පක්ෂයේ නායක එම්. කරුණානිධි 94 හැවිරිදි ය. රුධිර පීඩනය ආශ්‍රිත ගැටළු හේතුවෙන් ඔහු අසාධ්‍ය තත්වයෙන් පසුවන බවට ද මීට පෙර කියැවුණු නමුත් ඔහුගේ පුත්‍රයා වන එම්.කේ. ස්ටාලින් පවසා තිබෙන්නේ පියාගේ තත්වයේ මද සුවයක් දැකගත හැකි බවයි. කටකතා වලට නොරැවටෙන ලෙසට ද ඔහු DMK පාක්ෂිකයන්ගෙන් ඉල්ලීමක් කර තිබේ. ඉන්දියානු පුවත්සේවා වාර්තා කරන්නේ පක්ෂ ආධාරකරුවන් පසුගිය දින කිහිපය පුරාම කරුණානිධිගේ මන්දිරය අසල කඳවුරු බැඳගෙන සිය නායකයාට ඉක්මන් සුවය පතමින් කල් ගත කළ බවයි.

NewsX

Karunanidhi

මේ අතර අද අළුයම කරුණානිධි ව හදිසියේ රෝහල්ගත කර තිබෙන්නේ ස්ටාලින්ගේ නිවේදනයෙන් මද වේලාවකට පසුව බව ද වාර්තා වේ.

එම්. කරුණානිධි, තමිල්නාඩු ප්‍රාන්තයේ මහඇමතිවරයා වශයෙන් 5 වතාවක් කටයුතු කළේය. ශ්‍රී ලංකාවේ දමිල වාර්ගික අර්බුදය ඔහුගේ ප්‍රියතම මාතෘකාවක් විය. දැනට වසරක පමණ කාලයක පටන් රෝගී තත්ව හේතුවෙන් ඔහු ප්‍රසිද්ධියේ දැක ගත හැකි වන්නේ කලාතුරකිනි.

කරුණානිධි 30 වසරක සිනමා ජීවිතය හේතුවෙන් ද ඉන්දියාව තුළ අතිශයින් ජනප්‍රිය චරිතයකි. එසේම දකුණු ඉන්දීය සිනමාවේ තවත් දැවැන්තයෙක් වන සිවාජි ගනේෂන්ගේ අති ජනප්‍රිය වූ ‘පරශක්ති‘ චිත්‍රපටයේ තිර රචකයා වන්නේ ද කරුණානිධි ය. දමිල සිනමාවේ ත්‍රිමූර්තියේ තවත් සාමාජිකයෙක් වන MGR හට කීර්තිය ගෙන දුන් ‘මන්ත්‍රීකුමාරි‘ චිත්‍රපටය ද ඔහුගේ රචනයකි.

Parasakthi| The Hindu

70 වසරකට අධික දේශපාලන ජීවිතය තුළ කිසිදිනෙක සිය ආසනය පරාජය නොවූ දේශපාලකයා වශයෙන් ද ඉන්දීය දේශපාලනය තුළ ඔහු වාර්තාවක් තබා තිබේ.


‘කර්සෝන්’ අසරණ වෙයි!

ඉරානයේ රාජ්‍ය මර්දනය මැද එක්සත් ජාතීන් හමුවක් ඉල්ලයි – ඉරානය නිශ්ශබ්දයි!

යුක්රේනයේ අත්අඩංගුවට පත් රුසියානු සොල්දාදුවන් 50 දෙනෙකු යළි රුසියාවට!

යුක්රේන රෝහලක දී අලුත උපන් කිරිසප්පයෙක් තම ජීවිතයට සමු දෙයි!

රිදී තිරයේ ‘මයිකල් මයර්ස්’ භීතිකාවට මුල්ගල් තැබූ ජේම්ස් වින්බර්න් දිවිසැරිය නිමාකරයි!

ඉන්දුනීසියාවේ භූමිකම්පාව හේතුවෙන් මිය ගිය සංඛ්‍යාව 162 දක්වා ඉහළට

ඉන්දුනීසියාවේ රික්ටර් මාපකයේ 5.6 ක භූමිකම්පාවක්; මිය ගිය සංඛ්‍යාව 56 දක්වා ඉහළට

සමරිසි සමාජ ශාලාවකට නැවත වරක් වෙඩි ප්‍රහාරයක්. පස් දෙනෙකු මරුට!

error: Content is protected !!
error: Content is protected !!