සටහන: සශිකලා මධුෂාණි, පෙබරවාරි 18,
ලෝකය(අවුට්බවුන්ඩ් ටුඩේ) : ජපන් විද්යාඥයින් විසින් දැවවලින් සාදන ලද වඩාත්ම අසාමාන්ය අභ්යවකාශ යානයක් නිර්මාණය කර ඇති බව වාර්තා වේ.
ලිග්නෝසැට් ගවේෂණ යන්ත්රය මැග්නෝලියා ලී වලින් සාදා ඇති අතර, එය ජාත්යන්තර අභ්යවකාශ මධ්යස්ථානයේ (ISS) සිදු කරන ලද විශේෂ අත්හදා බැලීමකි.
මෙය ඉරිතැලීම් වලට ප්රතිවිරෝධී වන අතර ව්යාපෘතියේ ප්රධානී Koji Murata පැවසුවේ මෙම තත්වයන්ට ඔරොත්තු දීමේ දැව සතු හැකියාව අපව මවිතයට පත් කළ බවයි. ඒ අනුව, මෙම ගිම්හානයේදී ලිග්නෝසැට් එක්සත් ජනපද රොකට්ටුවකින් දියත් කිරීමට දැන් සැලසුම් සකස් වෙමින් පවතී.
ඉදිරි වසරවල දී වාර්ෂිකව අභ්යවකාශ යානා 2,000 කට වැඩි ප්රමාණයක් අභ්යවකාශ ගත කිරීමට ඉඩ ඇති බව ගණන් බලා ඇති අතර, ඒවා නැවත ඇතුළුවීමේදී දැවී යාම නිසා ඉහළ වායුගෝලයේ තැන්පත් වීමට ඉඩ ඇති ඇලුමිනියම් ඉක්මනින් විශාල පාරිසරික ගැටළු ඇති කළ හැකිය. කොලොම්බියා විශ්ව විද්යාලයේ විද්යාඥයින් විසින් මෑතකදී කරන ලද පර්යේෂණයකින් හෙළි වූයේ චන්ද්රිකා පෘතුවියට නැවත ඇතුළු වීමේදී ඇලුමිනියම් දහනය වීමෙන් ඕසෝන් ස්ථරයේ බරපතල ලෙස ක්ෂය වීමට හේතුවන බවයි.
මෙම චන්ද්රිකාව Kyoto විශ්වවිද්යාලයේ පර්යේෂකයන් සහ Sumitomo Forestry නම් දැව සමාගම විසින් ඉදිකර ඇති අතර මෙය දැනට ලෝහවලින් ඉදිකර ඇති චන්ද්රිකා වලට පරිසර හිතකාමී විකල්ප ලෙස ක්රියා කළ හැකිදැයි බැලීම අපේක්ෂා කෙරේ.