BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

පැරිසියේ තට්ටු නිවසක සිංහ පැටියෙක්!

ප්‍රංශයේ පැරිස් අගනුවර තට්ටු නිවාසයක සිංහ පැටවෙක් සිටියදී හමුවිය.

ඒ සමගම එම නිවසේ හිමිකරු ලෙස සැලකෙන 30 හැවිරිදි තරුණයෙකු අත්අඩංගුවට ගැනීම ද සිදුවිය.

පැරිස් පොලිසිය පවසන්නේ මෙම පුද්ගලයා විසින් ගැහැණු සතෙකු වූ මෙම සිංහ පැටවාව, පවුම් 10,000කට විකිණමට උත්සාහ කරමින් සිටි බවයි.

ඇගේ වයස මාස හයක් පමණක් වන බව ද වාර්තා වේ.

පොලිසිය පරීක්ෂා කර බලන විට සිංහ පැටික්කිය සිටියේ ළමුන්ට වෙන් කර තිබූ ඇඳක ය. පොලිසිය පැමිණීමත් සමග බියට පත් වූ නිවසේ හිමිකරු, අසල්වැසි නිවසේ කාඩ්බෝඩ් පෙට්ටියක් තුළ සැඟව සිටියදී අත්අඩංගුවට ගැනුණි.

ඔහු මීට පෙර සොරකම සඳහා චෝදනා ලබා සිටි අයෙකි.

නිරෝගී තත්වයෙන් පසුවූ සිංහ පැටවා මේ වන විට වනජීවී බලධාරීන් වෙත භාරකර ඇත.

විශාල බිළාලයන් (big cats) ගෘහස්ථ සුරතලුන් ලෙස ඇතිදැඩි කිරීම නීතියෙන් දඬුවම් දිය හැකි වරදකි.

පැරිස් පොලිසිය මීට පෙර පසුගිය වසරේදී ද මෙවැනිම අත්දැකීමකට මුහුණ දී තිබේ.

එනම්, තවත් සිංහ පැටවෙක් පැරිසියේ තට්ටු නිවාසයක සඟවාගෙන සිටියදී පොලිසියට හමුවුණේ 2017 ය.

එම අවස්ථාව වන විට සත්වයා දුර්වල තත්වයක පසුවූ අතර, ඒ වන විට තට්ටු නිවාසය හිස්ව පැවති බව ද වාර්තා වේ.

පසුව 2017 අගෝස්තු මාසයේදී, එම සිංහ පැටවාව ගෙනැවිත් තිබූ දකුණු අප්‍රිකාව වෙතම යවා, එම කතාවට සතුටුදායක අවසානයක් ලබාදීමට පැරිස් නිලධාරීහු කටයුතු කළහ.

පසුව හෙළි වූ පරිදි, මේ සිංහ පැටවාව එහි රඳවාගෙන තබාගෙන තිබෙන්නේ සෙල්ෆි ගැනීම සඳහා ය!.


කලාපයේ සහ ලෝකයේ සාමය වෙනුවෙන් එක්ව වැඩ කිරීමට බීජිං සූදානම් බව ෂී කිම්ට දැනුම් දේ.

යුරෝපා පාර්ලිමේන්තුව විසින් රුසියාව ‘ත්‍රස්තවාදයේ රාජ්‍ය අනුග්‍රාහකයා’ ලෙස නම් කරයි.

බ්‍රිතාන්‍යයේ නව අගමැතිගෙන් යුක්රේනයට පවුම් මිලියන 50ක යුධ ආධාර

මෝදිගේ දේශගුණික විපර්යාස ප්‍රතිපත්ති පිළිබඳව COP27හි ලෝක ප්‍රජාවගේ ප්‍රසාදය

ඉරානයේ ලේවැකි නොවැම්බරය;ආරක්ෂක අංශ දුම්රිය ස්ථානයකදී කාන්තාවන්ට වෙඩිතබා පහර දේ. පුද්ගලයන් 6 දෙනෙක් මරුට

‘අද මම මෙහි පැමිණියේ සෞඛ්‍ය සම්පන්න ග්‍රහලෝකයක් ගොඩනැගීමේ ප්‍රයත්නයට නැවත වරක් එක්වීමට, බ්‍රසීලය සූදානම් බව ප්‍රකාශ කිරීමට’ – බ්‍රසීලියානු නව ජනාධිපති COP27 සම්ළුව අමතයි.

2024 දී රට බේරා ගැනීමට ට්‍රම්ප්පච්චි පැමිණේ

‘නිදහස’ ඉල්ලූ විරෝධතාකරුවන්ට වෙඩි ; ඉරානයේ දෙදෙනෙකු මරුට

error: Content is protected !!
error: Content is protected !!