BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

නිවාඩුවට චීනෙට යන්නේ බලාගෙනයි, පවුල් පිටින් උස්සන්න බලන් ඉන්නේ – MI6 ප්‍රධානී තම හිටපු සගයන්ට කළ අනතුරු ඇඟවීම!

මෙසේ හිටපු බුද්ධි නියෝජිතයන්ගේ පවුල් ඉලක්ක කිරීම චීනය පමණක් නොව රුසියාව තුළ ද ක්‍රියාත්මක වන බවට විදෙස් මාධ්‍ය වැඩිදුරටත් පෙන්වා දෙයි.

මෙවර නිවාඩුව ගත කිරීම සඳහා චීනය බලා පිටත් වීම කිසිසේත්ම සුදුසු නොවන බවට බ්‍රිතාන්‍ය රහස්‍ය බුද්ධි අංශ සේවාව හෙවත් MI6 ආයතනයේ ප්‍රධානී රිචර්ඩ් මූර් මහතා සිය හිටපු බුද්ධි නියෝජිතයින්ට අනතුරු අඟවා තිබේ.

චීන ඔත්තුකරුවන් විසින් හිටපු බුද්ධි නියෝජිතයන් ඇතුළු බ්‍රිතාන්‍ය රජයට බැඳි නිලධාරීන් සහ ඔවුන්ගේ පවුල් කලහකාරී ලෙස ඉලක්ක කරමින් සිටීම මීට හේතුව බව ඒ මහතා අවධාරණය කරයි.

රිචර්ඩ් මූර් මහාතා MI6 ආයතනයට අනුබද්ධව සේවය කළ රහස් ඔත්තු ක්‍රියාකරුවන් වෙත ලිඛිතවම මේ බව දැනුම් දී තිබේ.

ඒ අනුව මෙවර නිවාඩු කාලයට ව්‍යාපාරික කටයුතු හෝ විනෝදය සඳහා හෝ චීනයට සංචාරය කිරීම සුදුසු නොවන බවයි ඒ මහතා සිය හිටපු බුද්ධි සගයන්ට අනතුරු අඟවා තිබෙන්නේ.

චීනය වෙත පැමිණෙන හිටපු බ්‍රිතාන්‍ය බුද්ධි නියෝජිතයන් හා ඔවුන්ගේ පවුලේ සාමාජිකයන් හඳුනා ගෙන, ලිංගික සතුට ලබා දීමට ඉදිරිපත් වීම, හා සයිබර් අවකාශය හරහා තොරතුරු සොරකම් කිරීම ආදී උපායමාර්ගයන් යොදා ගනිමින් බ්‍රිතාන්‍යයේ රහස් හෙළිදරව් කර ගැනීමට චීනය කටයුතු කරන බවට මිරර් පුවත්සේවය වාර්තා කරයි.

මෙසේ හිටපු බුද්ධි නියෝජිතයන්ගේ පවුල් ඉලක්ක කිරීම චීනය පමණක් නොව රුසියාව තුළ ද ක්‍රියාත්මක වන බවට විදෙස් මාධ්‍ය වැඩිදුරටත් පෙන්වා දෙයි.

අදාළ පුද්ගලයන් ගේ චීන සංචාර වෘත්තීමය හෝ ව්‍යාපාර හේතු මත නොවී අතිශයින්ම පෞද්ගලික හා අහිංසක කරුණු මත පදනම් වූව ද මෙම තත්ත්වය උදාවිය හැකි බවයි MI6 බුද්ධි සේවය අනතුරු අඟවන්නේ.

ඒ අනුව අදාළ අනතුරු ඇඟවීම MI6 හිටපු ඔත්තුකරුවන් සියගණනකට මේ වන විට ලිඛිතව ලැබී ඇති බව ද වාර්තා වේ.

මීට ඉහත දී MI6 ප්‍රධානී රිචර්ඩ් මූර් මහතා අනතුරු අඟවා සිටියේ චීනයේ ආර්ථික ප්‍රතිපත්තීන් හරහා ආර්ථික අතින් අසරණ වී සිටින රාජ්‍යයන් ණය උගුල් සහ දත්ත උගුල් වල සිරකරවීමට චීනය අර අදින බවත්, මෙමඟින් ඒ ඒ රටවල ස්වෛරීභාවයට බරපතල හානි පැමිණිය හැකි බවත් ය.

එමෙන්ම, එක්සත් රාජධානියට එරෙහිව මහා පරිමාණ ඔත්තු බැලීමේ ක්‍රියාන්විතයක් දියත් කිරීමට චීනය කටයුතු කරමින් සිටින බව ද හෙතෙම අවධාරණය කර තිබිණි.


ක්ෂීරපථයේ භ්‍රමණය වන නාඳුනන වස්තුවක් සොයා ගනී

බුර්කිනෝ ෆාසෝ ජනපතිවරයා හමුදාවේ ප්‍රාණ ඇපයට

සීතල යුද්ධයක උණුසුම් මොහොතකට

කිරිබාති කොවිඩ් අතවනයි

අයිඑස් සටන්කාමීන් බන්ධනාගාරයකට කඩාවැදීම නිසා සිරියාවේ නොසන්සුන්තාවයක්

ටොන්ගා සුනාමිය නිසා පෙරු වෙරළ තීරය වැනසෙයි!

අබුඩාබියේ තෙල් ටැංකි පිපිරුවේ යෙමනයේ ඩ්‍රෝන ප්‍රහාර නිසා ද?

කෝලි ඉන්දීය ටෙස්ට් ක්‍රිකට් කණ්ඩායමේ නායකත්වයෙන් ඉවත්වෙයි

error: Content is protected !!
error: Content is protected !!