පසුගිය අඟහරුවාදා නවසීලන්තයේ ලොක්ඩවුන් පියවර ලිහිල් කිරීමෙන් පසු විශාල පිරිසක් බර්ගර් මිලදී ගැනීමට ආහාර වෙළදසැල් වල පොරකෑම නිසා එරට පොලීසියට ජනප්‍රිය ක්ෂණික ආහාර වෙළඳසැලක සමූහ පාලන නීතීන් ක්‍රියාත්මක කිරීමට සිදු වී තිබේ.
කොරෝනා වයිරස් රෝගීන් 1,474 ක් සහ මරණ 19 ක් වාර්තා වී ඇති නවසීලන්තය සති පහකට ආසන්න කාලයක් දැඩි, හතරවන මට්ටමේ අගුලු දැමීමකට යටත් කර තිබුණි. අඟහරුවාදා රට තුන්වන මට්ටමේ ලොක්ඩවුන් සීමාවන් කරා ලිහිල් කෙරුණි, එයින් අදහස් කරන්නේ සමහර දරුවන්ට නැවත පාසැල් යා හැකි බවත් 400,000 ක පිරිසකට නැවත රැකියාවට යා හැකි බවත්ය.
නමුත් බොහෝ දෙනෙකුට එය අවසානයේදී ඔවුන් ආශා කළ ක්ෂණික ආහාර අනුභව කිරීමට අවස්ථාවක් විය. තුන්වන මට්ටමේ සීමාවන් යටතේ, සීමිත අවන්හල් සහ ආපනශාලා නැවත විවෘත කිරීමට අවසර දී ඇත.TVNZ ට අනුව, එහි ප්‍රතිඵලයක් ලෙස රටේ විශාලතම නගරය වන ඕක්ලන්ඩ් පුරා KFC සහ මැක්ඩොනල්ඩ් වෙළද සැල්වල ඩ්‍රයිව් තෲ වල දිගු පෝලිම් ඇති වී ඇත.
ඕක්ලන්ඩ්හි බර්ගර් වෙළද සැලක, බර්ගර් මිලදී ගැනීමට විශාල සෙනගක් රැස් වීම හේතුවෙන් තත්වය පාලනයට පොලිසිය කැඳවනු ලැබීය. ග්ලෙන්ෆීල්ඩ්හී බර්ගර් ෆුවෙල් අලෙවිසැල වෙත පොලීසිය කැඳවූ බව එහි ප්‍රකාශකයෙක් බදාදා තහවුරු කළ අතර රැස්වූ විශාල පිරිස පාලනය කිරීමට පොලිසිය බෙහෙවින් ඉවහල් වූ බව පැවසීය.
