ඔක්තෝබර් 22 – දවසේ වැදගත්කම
අද වැනි දවසක ලෝක සිතියමේ..
අද, ඔක්තෝබර් 22 වැනිදා යි.
අද, ගොත ගැසීම පිළිබද දැනුවත් කිරීමේ ජාත්‍යන්තර දිනය (International Stuttering Awareness Day) යි.
අන්තර්ජාතික බලශක්ති දිනය ද අදට යෙදී තිබේ.
1721 – සාර් රජ පෙළපතට අයත් ‘මහා පීටර්’ මුළු රුසියාවේ ම ආඥාදායකයා බවට පත් වෙයි. ඔහු විද්‍යාවට ඇලුම් කළ අයෙකු ලෙස ද ප්‍රකට ය.
Hersent Louise Marie Jeanne (1784-1862). Versailles, châteaux de Versailles et de Trianon. MV174.
1797 – ආන්ද්‍රේ-ජැක්ස් ගානරින් ලොක ප්‍රථම පැරෂුටයකින් පැනීම සිදු කරයි. පොළොව මට්ටම සිට මීටර් දහසක උස සිට පැරීසියට ඔහු පැරෂුටයෙන් පැන්නේ ය.
1884 – වොෂින්ටන් ඩී. සී. හි පවත්වන ලද ජාත්‍යන්තර මධ්‍යහ්න සම්මේලනය ග්‍රිනිච් වේලාව පිළිගෙන, ජාත්‍යන්තර වේලා කලාප විසිහතරක් ඇති කරයි. මෙහි බින්දුවේ සීමාව ග්‍රිනිච් මධ්‍යහ්නය යි.
Wall Street Journal
1947 – ඉන්දියාව සහ පාකිස්තානය අතර කාශ්මීර අර්බුදය හට ගනියි. බ්‍රිතාන්‍ය පාලනය අවසන් වූ වහාම දෙරටම අයිතිවාසිකම් කියන්නට පටන් ගත් මෙම භූමිය, අදට ද ඉන්දු – පාකිස්ථාන ගැටුමේ කේන්ද්‍රස්ථානයයි.
ජෝන් එෆ් කෙනඩි විසින් එය නිවේදනය කළ ආකාරය
1962 – කියුබානු මිසයිල අර්බුදය: එක්සත් ජනපදයේ ජනාධිපති ජෝන් එෆ්. කෙනඩි කියුබාවේ පිහිටුවා ඇති රුසියානු මිසයිල ගැන පවසා කියුබාව සම්බන්ධයෙන් නාවික අවරෝධයක් ඇති කරයි. මේ කියුබානු මිසයිල අර්බුදයේ ආරම්භය යි.
1964 – ප්‍රංශ ජාතික දාර්ශනිකයකු සහ කතුවරයකු වන ජෝන් පෝල් සාත්‍ර සාහිත්‍යය සඳහා වන නොබෙල් ත්‍යාගය ප්‍රතික්ෂේප කරයි. එය පිළිගැනීම තමන්ගේ ලේඛන සීමාකරණයන්ට යටත් කිරීමක් බවත්, තමන්ට ‘ආයතනගත වීම‘ ට අවශ්‍ය නැති බවත් ඔහු පැවසුවේ නොබෙල් කමිටුවේ පරමාර්ථයන් ද එහි ආරම්භය ද විවේචනය කරමිනි.
1964 – සර්ව පාක්ෂික පාර්ලිමේන්තු කමිටුවක් විසින් කැනේඩියානු ජාතික කොඩියේ වර්තමාන මෝස්තරය තෝරාගනු ලැබෙයි.
2019 – උතුරු අයර්ලන්තයේ සමරිසි විවාහ නීතිගත වී, ගබ්සාව අපරාධ වරදක් නොවන බවට ප්‍රකාශයට පත් කෙරේ.
