ඇම්ෆෙටමින් ටැබ්ලට් දස දහස් ගණනක් සඟවා තිබූ මෝටර් රථයක් නොදැනුවත්ව වෙන්දේසි කළ තායිලන්තයේ මත්ද්‍රව්‍ය නාශක අධිකාරිය පසුව ඒ පිළිබදව සමාව ඉල්ලා තිබේ.
හොන්ඩා සීආර්-වී මෝටර් රථය සඳහා ගැනුම්කරුවෙකු බාට් 586,000 ක් (ඩොලර් 19,000) ගෙවා ඇති අතර එය පසුගිය වසරේ මත්ද්‍රව්‍ය නඩුවකදී අත්අඩංගුවට ගැනීමෙන් පසු මේ මාසයේ වෙන්දේසියට ඉදිරිපත් කරන ලදී.
නමුත් එය අලුත්වැඩියා කිරීම සඳහා ගරාජයකට යවන විට කාර්මිකයෙකු විසින් එහි බම්පරයේ තැන්පත් කර ඇති පෙති 94,000 ක් සොයා ගන්නා ලදී.
ඉදිරියේදී වඩාත් ගැඹුරු සෝදිසි කිරීම් සිදුකරන බව නිලධාරීහු පැවසූහ.
“සාමාන්‍යයෙන් , අපට ලැබී ඇති සෑම වාහනයක්ම අපි හොදින් සෝදිසි කරන අතර මෙම නඩුවද ව්‍යතිරේකයක් නොවීය. කෙසේ වෙතත්, අපට ඒ වන විට කිසිවක් සොයාගත නොහැකි වූයේ, සමහර විට පෙති හොඳින් සඟවා තිබූ නිසා විය හැකිය”මත්ද්‍රව්‍ය පාලන මණ්ඩල කාර්යාලයේ මහලේකම් නියොම් ටර්ම්ස්රිසුක් පැවසීය.
පසුගිය වසරේ උතුරු පළාතේ චියැං රායිහිදී මෙම මෝටර් රථය අත්අඩංගුවට ගත් විට එහි පිටුපස අසුනේ එවැනි පෙති 100,000 ක් තිබී ඇත.
