සටහන: සශිකලා මධුෂාණි, පෙබරවාරි 17,
ලෝකය(අවුට්බවුන්ඩ් ටුඩේ) : ඇමරිකා එක්සත් ජනපදයේ හිටපු ජනාධිපති ඩොනල්ඩ් ට්රම්ප් හා ඔහුගේ වැඩිහිටි පුතුන් සහ ඔහුගේ නම සඳහන් සමාගම ණය දෙන්නන්ට වංචා සහගත ලෙස තම ශුද්ධ වටිනාකම වැඩිකර පෙන්වීම සම්බන්ධයෙන් නිව්යෝක් අධිකරණය විසින් ඩොලර් මිලියන 354.9ක් ගෙවීමට නියෝග කර ඇති බව වාර්තා වේ.
මිට අමතරව විනිසුරු ආතර් එන්ගොරොන් විසින් හිටපු ජනාධිපතිවරයාට වසර තුනක කාලයකට නිව්යෝර්ක් නුවර ව්යාපාරික කටයුතුවල නිරතවීම තහනම් කර ඇති අතර ඔහුගේ පුතුන් සහ සම-විත්තිකරුවන් වන ඩොනල්ඩ් ට්රම්ප් ජූනියර් සහ එරික් ට්රම්ප්ට ඩොලර් මිලියන 4 බැගින් (පවුම් මිලියන 3.17) දඩයක් සහ නිව් යෝර්ක් හි ව්යාපාර කිරීම වසර දෙකක තහනමකට ලක් කර ඇත. එමෙන්ම සම-විත්තිකරුවන්ට ඩොලර් මිලියන 100 ක පමණ පොලියක් ගෙවීමට සිදුවනු ඇති අතර, එමඟින් ණය විය යුතු මුළු අගය ඩොලර් මිලියන 463.9 කි.
විනිසුරුවරයා විසින් ව්යාපාරික බලපත්ර අවලංගු කර නොමැති අතර මෙය ට්රම්ප්ගේ දේපළ වෙළඳාම් අධිරාජ්යය අඩාල කරණු ඇති බවයි විචාරකයන් සඳහන් කර ඇති අතර කෙසේ නමුත් මේ සම්බන්ධයෙන් හිටපු ජනාධිපතිවරයා අභියාචනයක් ඉදිරිපත් කිරීමට සුදානම්ව සිටින බවයි වැඩිදුරටත් වාර්තා වන්නේ,