වොෂින්ටන් සරසවියේ වෛද්ය පීඨයේ Institute for Health Metrics and Evaluation (IMHE) විසින් සිදුකරන ලද මෙම පර්යේෂණයෙන් පවසන්නේ 2020 ශීත සෘතුව තුළ මාර්තු මාසය වන විට ඇමරිකාවේ කෝවිඩ්-19 මරණ සංඛ්යාව 438,971 දක්වා ඉහළ යනු ඇති බව ය.
මේ අනාවැකිය සත්ය වනු ඇති බවට දස දෙසින්ම දැනටමත් ලකුණු පළ වෙමින් තිබේ. අද දිනය වන විට ඇමරිකාවේ කෝවිඩ්-19 ආසාදිතයන් සංඛ්යාව මිලියන 11 කඩඉමට ළඟා විය. මරණ ගණන 246,100 දක්වා ඉහළ ගොස් තිබේ. ඒ අනුව දිනකට ඇමරිකානුවෝ 1100 බැගින් මිය යති. (මෙම අගය පසුගිය සතියේදී 990 ක් විය) ලක්ෂ 22 ක ඇමරිකානුවන්ට සිය සමීපතමයන් එක් අයෙක් හෝ මේ නිසා අහිමි වී තිබේ. (The New York Times)
මරණ සංඛ්යාව පමණක් සලකා බැලුවද මෙයින් කියැවෙන්නේ තවත් මාස 4 කින්, එනම් මාර්තු මාසය වන විට ඇමරිකානුවන් අද පවතින තත්වය මෙන් දෙගුණයක් මරු වැළඳගෙන සිටිනු ඇති බවයි.
පොදුවේ ගත් විට ඇමරිකානු ජනගහනයෙන් 12%ක් ම මේ වන විට ආසාදිතයන් බවට පත් ව ඇත.
දෙවන ලෝක යුද්ධයෙන් ද වැඩිපුරම බැට කෑවේ යුරෝපයයි. දැන් එය නැවතත් වසංගතයේ දෙවැනි ලෝක යුද්ධයට මුහුණ දී සිටියි. එනම් මේ පැතිර යන්නේ කෝවිඩ්-19 වසංගතයේ දෙවැනි රැල්ලයි. මුළු යුරෝපයම සැලකූ විට දිනකට 4000 බැගින් මිය යමින් තිබේ.
මේ අනුව ප්රධාන වශයෙන් ඇමරිකාව සහ යුරෝපය පමණක් සැලකුවහොත්, 2021 මාර්තු මාසය වන විට කෝවිඩ්-19 මරණ ගණන මිලියන 2.8 ක් ඉක්මවා යනු ඇත. එනම් ලක්ෂ 28 ක් ඉක්මවා යනු ඇත.
