BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ඉතාලිය අඩපණයි – දිනක් ඇතුළත 475 ක් මිය යයි

ඉතාලියේ කොරෝනා වෛරසයෙන් මිය යන සංඛ්‍යාව එක් දිනක් ඇතුළත 475 දක්වා ඊයේ ඉහළ ගියේය.

මේ අනුව මේ දක්වා ඉතාලියෙන් වාර්තා වූ කොරෝනා මරණ ගණන 3000 ඉක්මවයි.

ඉතාලිය තුළ මේ වන විට කොරෝනා බවට තහවුරු කළ රෝගීන් 35,713 දෙනෙක් ඇති අතර, 4000 ක් දෙනා සුවය ලබා තිබේ.

ඉතාලියේ කොරෝනා වසංගතයට වැඩිවශයෙන්ම නිරාවරණය වී ඇති පළාත වන්නේ ලොම්බාඩි ය. එහි දිනකට මරණ 319 බැගින් මේ වන විට වාර්තා වේ.

ඉතාලිය මේ වන විට, වසංගතය හටගත් චීනයට පසු වසංගතයෙන් බැට කන ප්‍රධාන රට බවට පත්ව තිබේ. චීනයේ කොරෝනා හේතුවෙන් මිය ගිය ගණන 8,758 කි.

ලෝක සෞඛ්‍ය සංවිධානයට අනුව කොරෝනා රෝගයට ගොදුරු වූ ලෝකයේ ප්‍රධානම කලාපය බවට පත්ව තිබෙන්නේ යුරෝපය සහ බටහිර පැසිෆික් කලාපයයි. තහවුරු කර ගත් කොරෝනා ආසාදනයන් 200,000 කට අධික සංඛ්‍යාවක් අතරින් 80%ක්ම වාර්තා වන්නේ මෙම කලාපයෙනි.

ලොක්ඩවුන් කිරීම අසාර්ථකද?

වෛරසය පැතිරීම වැළැක්වීම සඳහා ඉතාලිය දැනට සති 2 කට පමණ පෙර රට ලොක්ඩවුන් කළේය. ජනතාවට නිවෙස් තුළටම වී සිටින ලෙසට උපදෙස් ලබා දී ඇති නමුත්, මරණ සංඛ්‍යාව අඩු වී ඇති බවක් එයින් නොපෙනේ.

ඉතාලියේ වැඩිහිටි ජනගහනය කොරෝනා වසංගතයේ ඉහළම අවදානම් කාණ්ඩය බවට පත් ව තිබේ.

මේ අතර, ලෝක සෞඛ්‍ය සංවිධානය පවසන්නේ වසංගතය හිස ඔසවා දින 60 ක් ඇතුළත වැක්සීනයක් අත්හදා බැලීමට හැකි වීම ජයග්‍රහණයක් බව ය. කෙසේ වෙතත්, ඇමරිකාවේ කයිසර් පර්මනෙන්ටේ පර්යේෂණ සමාගම විසින් ආරම්භ කරන ලද මෙම සායනික පරීක්ෂාවල ප්‍රගතිය සම්බන්ධයෙන් තවම පැහැදිලි අදහසක් නැත.

යුරෝපයේ සමස්ත තත්වය

පහත දැක්වෙන්නේ යුරෝපයේ ඉතාලිය හැර සෙසු රටවල කොරෝනා වසංගතයේ තත්වයයි. (2020.03.18 දින වන විට)

ස්පාඤ්ඤය

598 ක් මිය ගොස් ඇති අතර, ආසාදිතයන් 13,716 ක් වාර්තා වේ. මැඩ්රිඩ් හි සාත්තු නිවාසයක 17 දෙනෙකු රෝගයෙන් මිය යාම පිළිබඳ පරීක්ෂණයක් ආරම්භ කර ඇත.

ප්‍රංශය

අඟහරුවාදා දිනයේ තහවුරු කළ රෝගීන්ගේ සංඛ්‍යාව 16%කින් ඉහළ ගොස් 7,730 ලෙස වාර්තා විය. මරණ සංඛ්‍යාව 175 දක්වා ඉහළ ගොස් තිබේ. එයින් 7%ක් වයස අවුරුදු 65 ට අඩු අය ය.

එක්සත් රාජධානිය (UK)

කොරෝනා මරණ සංඛ්‍යාව 104 දක්වා ඉහළ ගොස් ඇත.

ජර්මනිය

මරණ ගණන 12 ක් වන අතර, රෝගීන් 8198 ක් ලෙස වාර්තා වේ. ‘‘ජර්මනිය එක්සත් වීමෙන් පසුව, ඇත්තෙන්ම දෙවැනි ලෝක යුද්ධයෙන් පසුව පවා මෙතරම් අභියෝගයක් අපේ රටට ඇති වී නොමැත‘‘ යැයි ජර්මන් චාන්සලර් ඇන්ජෙලා මර්කෙල් පවසයි.

මොරොක්කෝව සහ ඊජිප්තුවේ සිරවී සිටින ජර්මානු ජාතික සංචාරකයන් දස දහසක් දෙනා නැවත මව් රට බලා රැගෙන ඒමේ කටයුතු තවම සිදු වේ.

බෙල්ජියම

මරණ ගණන 14 ක් වන අතර, රෝගීන් 1486 ක් වාර්තා වේ.

යුරෝපයේ දේශසීමා වසා දැමේ

යුරෝපා සංගමයෙන් බාහිර සංචාරකයන් ආපසු ඔවුන් පැමිණි ගුවන් තොටුපොළවල් වෙතටම හරවා යැවෙන අතර, යුරෝපා සංගමයට අයත් රටවල් 27 විසින් දින 30 ක කාලසීමාවක් සඳහා මෙම තහනම බලපවත්වනු ලබයි.

මෙම තහනම යුරෝපා සංගම් මව්රටවල් බලා යන අයට සහ දේශසීමාවන් හි සේවයේ නියුතු අයට අදාළ නොවේ.

යුරෝපා සංගමයේ සාමාජික රටවලට අමතරව ෂෙනගන් දේශසීමා රහිත කලාපයට ද අදාළ වේ. මේ අනුව අයිස්ලන්තය, ස්විට්සර්ලන්තය, නෝර්වේ සහ ලීෂෙස්ටයින් යන රාජ්‍යයන් ද මෙම තහනමට යටත් වේ.

Cover Photo: Bussiness Insider –  මළවුන් මිහිදන් කිරීමේ යෙදී සිටින ඉතාලි ජාතිකයන්


ස්වර්ගීය සත්‍ය ගවේෂණය සොයා ගිය චීනයේ Tianwen-1

චීනය හොඳයි, ඇමරිකාව හොඳා…යි, ඒත් චීනයේ බලපෑම් ගොඩා…යි! : බූවල්ලන්ගේ හටනකට මැදිවූ ලෝකය

න්‍යෂ්ඨික අවි ගැන ඇමරිකානු – ඉරාන සාකච්ඡා අසාර්ථකයි?

ලිංගික අපයෝජනය සම්බන්ධයෙන් R.කෙලීට වසර 30ක සිර දඩුවමක්

Roe v Wade වාරණයට එරෙහිව ඇමරිකානු මුස්ලිම් ප්‍රජාව වීදි බසියි.

පුටින් නේටෝවේ ‘අධිරාජ්‍ය අභිලාෂයන්’ හෙළා දකියි

බාලවයස්කාර දැරියන් ලිංගික ජාවාරම් කළ Ghislaine Maxwell හට වසර 20ක සිර දඬුවම්

පැට්‍රිස් ලුමුම්බා: බෙල්ජියමේ කොංගෝ වීරයාගේ රන් ඔටුණු දත නැවත මව් රටට

error: Content is protected !!
error: Content is protected !!