එයින් ඇමරිකානු සොල්දාදුවන් 4 දෙනෙක් මරණයට පත් වී තිබේ. ඒ අතර සිවිල් ආරක්ෂක භටයෙක් ද සිටියි. එම සිවිල් ආරක්ෂක භටයා බුද්ධි අංශ සේවාවට අයත් බව ද වාර්තා වේ.
ප්‍රහාරයේ වගකීම ISIS සංවිධානය විසින් භාරගෙන ඇත.
මෙම සිදුවීමේ ඇති තවත් බැරූරුම් කමක් වන්නේ මීට පෙර, සිරියාවේ ක්‍රියාන්විතයේ යෙදී සිටියදී 2014 වසරේ පටන් මේ දක්වා මියගොස් තිබෙන්නේ ඇමරිකානු භටයන් 2 දෙනෙක් පමණක් වීමයි.
ඇමරිකාව විසින් සිරියාව තුළ භටයන් 2,000 ක් දෙනා රඳවා තබා තිබේ.
මෙයට මාසයකට පෙර ජනපති ට්‍රම්ප්, තමන් අයිසිස් සංවිධානය පරාජය කළ බව ජයග්‍රාහී ලෙස කියා සිටි අතර, එයට අදාළ වීඩියෝවක් ද ට්විටර් සමාජ ජාලය හරහා ප්‍රසිද්ධ කළේය.
