බීමත් මගියකු ගුවන් සේවිකාවගේ අත සපා කාලා!
මේ සිදුවීම වන විට එම ගුවන් යානය මගීන් 159 දෙනකු රැගෙන පැසිෆික් සාගරයට ඉහළින් පියාසර කරමින් තිබූ බව ද වාර්තා වේ.
සටහන – රෂිකා හෙන්නායක
ජනවාරි 16 ලෝකය (අවුට්බවුන්ඩ් ටුඩේ) :බීමත් මගියකු ගුවන් සේවිකාවකගේ අත සපා කෑම හේතුවෙන් ජපානයේ සිට අමෙරිකාව බලා පියාසර කිරීම ආරම්භ කළ ඕල් නිපෝන් ගුවන් සේවයට අයත් ගුවන් යානයක් ආපසු ටෝකියෝ නුවර ගුවන්තොටුපොළට ගොඩ බැස්වූ බව විදෙස් මාධ්‍ය වාර්තා කළේය.
අමෙරිකානු ජාතිකයකු වන 55 හැවිරිදි එම මගියා අධික ලෙස බීමත්ව ගුවන් සේවිකාවගේ අත සපා කෑමෙන් ඇයට සුළු තුවාල සිදු වූ බවත් වැඩිදුරටත් වාර්තා වේ.
ටෝකියෝ නුවරට ගොඩබැස්වීමෙන් පසු එම මගියා පොලිසිය විසින් අත්අඩංගුවට ගනු ලැබූ අතර, තමා නිදිපෙති පානය කර තිබූ බැවින් සිදු වූයේ කුමක්දැයි නොදන්නා බව පොලිසියට ප්‍රකාශ කර තිබේ.
මේ සිදුවීම වන විට එම ගුවන් යානය මගීන් 159 දෙනකු රැගෙන පැසිෆික් සාගරයට ඉහළින් පියාසර කරමින් තිබූ බව ද වාර්තා වේ.
