සටහන – රෂිකා හෙන්නායක
පෙබරවාරි, 17 ලෝකය (අවුට්බවුන්ඩ් ටුඩේ): දෙරට අතර අනාගත සහයෝගිතාව වර්ධනය කරගැනීමේ අරමුණින්, බංග්ලාදේශයේ නව විදේශ ඇමැතිවරයා ලෙස පත් කළ ආචාර්ය හසන් මහ්මූද් පළමුවරට ඉන්දියාවේ සංචාරයක නිරත වූ බව විදෙස් මාධ්ය වාර්තා කළේය.
බංග්ලාදේශ මාධ්ය වාර්තා කළේ, එහිදී ඉන්දියාව සමඟ පැරැණි මිත්රත්වය නැවත ගොඩනඟා ගැනීමේ ද සංචාරයේ අරමුණක් වූ බවයි.
සිය සංචාරය අතරතුර ආචාර්ය හසන් මහ්මුද් ඉන්දීය විදේශ ඇමැති එස්. ජයිශංකර් සමඟ ද්විපාර්ශ්වික සාකච්ඡාවකට පසුගියදා එක් වූ බවත්, ඉන්දියාව සහ බංග්ලාදේශය අතර මෑත කාලයේ සිදු වූ වෙළෙඳ, ආර්ථික සහ බලශක්ති සහයෝගිතාව විමසා බැලීමට සහ අනාගත සැලසුම් පිළිබඳ සාකච්ඡා කිරීමට වැඩි අවධානය යොමු වූ බව ද විදෙස් මාධ්ය වාර්තා කරයි.
මීට පෙර බංග්ලාදේශයේ තොරතුරු ඇමතිවරයා ලෙස කටයුතු කර ඇති ආචාර්ය හසන් මහ්මුද් 2009 වසරේදී කෙටි කාලසීමාවකට විදේශ ඇමැතිවරයා ලෙස කටයුතු කර ඇති බවද සඳහන් වේ.