BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

අතුරුදන් වූ ඉන්ටපෝල් නිලධාරියා චීනයේ සිරකරගෙන!

අතුරුදහන් වූ ඉන්ටපෝල් හෙවත් ජාත්‍යන්තර පොලිසියේ ප්‍රධානී මෙන්ග් මොන්වෙයි (Meng Hongwei) චීනය විසින් රඳවා තබාගෙන ඇති බව චීනය තහවුරු කරයි.

චීනය ප්‍රකාශ කරන්නේ නීතිය උල්ලංඝනය කිරීම සම්බන්ධයෙන් ප්‍රශ්න කිරීම සඳහා තමන් විසින් Meng Hongwei රඳවා තබාගෙන ඇති බවයි.

ඉන්ටපෝල් ප්‍රධානියා චීනයේ අභ්‍යන්තර ආරක්ෂාව පිළිබඳ උප ඇමතිවරයා ද වෙයි.

පසුගිය සැප්තැම්බර් 25 වැනිදා ඔහු අතුරුදන් වූ ප්‍රංශයේ ලියොන් නගරය වෙත සංචාරය කිරීමෙන් පසුව ය. ඔහු සිය උපන් රට වන චීනය බලා ගිය බවට ද සැකයක් තිබේ.

තමන් ජීවිත අවදානමක පසුවන බව මෙන්ග් මොන්වෙයි විසින් සිය බිරිඳට ටෙක්ස්ට් මැසේජයක් එවමින් කියා තිබිණි.

මෙන්ගේ බිරිඳ ප්‍රකාශ කරන්නේ චීනය වෙත සංචාරය කිරීමෙන් පසුව සිය සැමියා විසින් පිහියක ඡායාරූපයක් සහිත මැසේජයක් එවා ඇති බවයි.

ඉන්ටපෝල් මූලස්ථානය පිහිටා ඇති ප්‍රංශයේ ලියොන් නගරයේ සිට මාධ්‍ය හමුවකට ප්‍රථම වතාවකට එක්වෙමින් ඉන්ටපෝල් ප්‍රධානියාගේ බිරිඳ, ග්‍රේස් මෙන්ග් පැවසුවේ, පිහිය මගින් සංකේතවත් කරන්නට ඇත්තේ, ඔහු ජීවිත අවදානමක පසුවන බව, තමන්ට සන්නිවේදනය කිරීම බවයි.

සැප්තැම්බර් 25 වැනිදායින් පසුව ඇයට ඔහු පිළිබඳ කිසිදු තොරතුරක් ලැබී නැත. නමුත් “wait for my call” යනුවෙන් සඳහන් පණිවුඩයක් ඇයට එකී පිහියේ ඡායාරූපය සමග එවා තිබේ. එසේම ඇගේ සැමියා, චීනය වෙත ආපසු ගිය බව ද ඇය සනාථ කරන්නීය.

‘‘චීනයේදී ඔහුට සිද්ධ වුණේ මොකක්ද කියා මට හරියටම කියන්න බෑ“ යැයි ද ඇය කියා තිබේ. තමන් සහ තමන්ගේ දරු දෙදනොගේ ආරක්ෂාව පිළිබඳ තමන් බියෙන් පසුවන බව ද ඇය පැවසුවාය.

Grace Hongwei kept her back to reporters at a press conference, saying she feared for her safety ( AFP /Getty Images)

Grace Hongwei kept her back to reporters at a press conference, saying she feared for her safety ( AFP /Getty Images)

මේ අතර ඉන්ටපෝල් හෙවත් ජාත්‍යන්තර පොලිසිය පවසා තිබෙන්නේ විධායක කමිටුවේ ප්‍රධානියා වශයෙන් මෙන්ග් මොන්හෙයි වහාම ක්‍රියාත්මක වන පරිදි ඉල්ලා අස් වී ඇති බවයි. නමුත් ඒ සඳහා කිසිදු පැහැදිලි කිරීමක් ඔවුන් විසින් සිදුකර නැත. කෙසේ නමුත් මෙන්ග් පිළිබඳ චීනයෙන් විමසා බැලූ බව ද ඔවුන් විසින් කියා ඇත.

චීනය විසින් මේ වන විට දූෂණ සම්බන්ධයෙන් විමර්ශන පැවැත්වීම සඳහා ‘ජාතික අධීක්ෂණ කොමිෂන් සභාව‘ (National Supervision Commission) යනුවෙන් නව ආයතනයක් පිහිටුවා තිබේ. එය පාලක කොමියුනිස්ට් පක්ෂයේ දූෂණ විරෝධී යාන්ත්‍රණය වශයෙන් ද සැලකේ. හිටපු ඉන්ටපෝල් ප්‍රධානියා, දූෂණ චෝදනා මත තමන් විසින් රඳවා තබාගෙන සිටින බවත්, ඔහුව ප්‍රශ්න කිරීම්වලට ලක් කරන බවත් පවසා තිබෙන්නේ ඔවුන් විසිනි.

අත්තනෝමතික ලෙස රඳවා තබාගැනීම් සහ පැහැදිලි නොකළ අතුරුදන් වීම් චීනයෙන් නිරතුරුව වාර්තාවේ. විශේෂයෙන්ම ප්‍රජාතන්ත්‍රවාදය සඳහා පෙනී සිටින්නන්, මානව හිමිකම් නීතීඥයන් යනාදීන් රාජ්‍යයට පක්ෂපාතී නොවීම හෝ දේශපාලනික අස්ථාවරභාවයක් ඇතිකිරීමට තැත් කිරීම හෝ දූෂණ චෝදනා දක්වමින් අත්අඩංගුවට ගැනීම චීනයේ සුලබ ය. චීනයේ ජීවත් වන මිලියනයක් වන වාර්ගික මුස්ලිම් සුළුතරය ද මේ වන විට චීනයේ ඈත බටහිර කඳවුරු වෙත ගාල් කර ඇති බවට සැක පළ වේ.

චීනයේ වත්මන් නායකයා වන ජනපති ෂී ජින් පින්, මාවෝ සේතුංගෙන් පසුව බිහිවූ බලසම්පන්නම නායකයා වශයෙන් සැලකේ. විසම්මුතිය මර්දනය කිරීම සහ නීතීඥයන්/මානව හිමිකම් ක්‍රියාකාරීන්ට එරෙහිව මර්දනය ක්‍රියාත්මක කිරීම, ඔහු විසින් පාලනය ගෙන යාම සඳහා භාවිතාකරන සුලබ මෙවලම් බව ජාත්‍යන්තර නිරීක්ෂකයෝ පෙන්වා දෙති.


‘Strep A’ නව බැක්ටීරියා ආසාදනය වීමක් හේතුවෙන් එක්සත් රාජධානියේ ළමුන් හය දෙනෙකු මිය යයි.

ප්‍රචණ්ඩත්වය වැපිරීම හා උසිගැන්වීම සම්බන්ධයෙන් මස්ක් කන්යේ වෙස්ට්ගේ ටුවිටර් ගිණුම අත්හිටුවයි.

නිව් යොර්ක් ටයිම්ස් පුවත්පතට නරක දසාවක්?

පුටින් මේ සැරසෙන්නේ සාම සාකච්ඡා මුවාවෙන් තවත් ප්‍රහාරයකට ද?

රුසියාවට එරෙහි සම්බාධක උල්ලංඝනය කිරීමේ වරදට සමාගම්වලට දඩ පැනවීමට යුරෝපා සංගමයෙන් යෝජනාවක්!

රුසියා-යුක්‍රේන ගැටුම මැද වෙනස් වන තෙල් මිල!

වෙඩි උණ්ඩයට හිස නොනැමූ ඉම්රාන් යළි සටනට!

එක්සත් ජනපදය පකිස්ථාන සන්නද්ධ කණ්ඩායම් සාමාජිකයන් ‘ත්‍රස්තවාදීන්’ ලෙස නම් කරයි

error: Content is protected !!
error: Content is protected !!