ෂි ජින්පින් ජාත්‍යන්තර ව්‍යාපාරික නායකයින් හමුවීමට සුදානම් වේ

සටහන: සශිකලා මධුෂාණි, මාර්තු 27,
ලෝකය(අවුට්බවුන්ඩ් ටුඩේ): චීන ජනාධිපති ෂී ජින්පින් විදේශ ආයෝජන ආකර්ෂණය කර ගැනීමේ අරමුණෙන් ලෝකයේ ඉහළම විධායකයින් බොහෝ දෙනෙක් හමුවීමට සුදානම් වෙමින් සිටින බව වාර්තා වේ.

ඒ අනුව මේ සඳහා Apple CEO Tim Cook, Blackstone ප්‍රධානී Stephen A Schwarzman සහ HSBC හි Noel Quinn සම්බන්ධ වනු ඇතැයි අපේක්ෂා කෙරන අතර ලෝක බැංකු සභාපති අජේ බංගා, ජාත්‍යන්තර මූල්‍ය අරමුදලේ කළමනාකාර අධ්‍යක්ෂිකා ක්‍රිස්ටලිනා ජෝර්ජිවා සහ බහුජාතික සමාගම් 100කට වැඩි ගණනක නියෝජිතයන් ඇතුළත් වනු ඇත.

මෙම රැස්වීම ගෝලීය ව්‍යාපාර චීනය සම්බන්ධයෙන් ඉතා සුපරීක්ෂාකාරීව සිටින අවස්ථාවක පැවැත්වෙන අතර පසුගිය වසරේ භූ දේශපාලන ආතතීන් සහ දැඩි නියාමන පරිසරයක් මධ්‍යයේ චීනයේ විදේශ සෘජු ආයෝජන සියයට 8 කින් පහත වැටිනි.

චීන ජනාධිපතිවරයා ගේ ප්‍රධානත්වයෙන් කැඳවන ලද මෙම සාකච්ජාව සම්බන්ධයෙන් අදහන දක්වමින් ඇපල් සමාගමේ CEO Tim Cook මාධ්‍ය වෙත සඳහන් කර තිබුණේ, සමාගමේ ප්‍රමුඛතම iPhone, Mate 60 Pro Plus වැනි දේශීය Huawei මාදිලිවලට අහිමි වී ඇති චීනයේ Apple හි ආයෝජනය වැඩි කිරීමට බලාපොරොත්තු වන බවයි.