ඊයේ දිනය තුළ මිය ගිය ඉතාලි ජාතිකයන් ගණන ඇතැම් මාධ්ය වාර්තාවට අනුව 700-900 අතර ප්රමාණයක් වන විට ඉතාලිය අත්යාවශ්ය කටයුතු හැර සියලුම දේවල් ලොක් ඩවුන් කළ රටක් බවට පත්ව තිබේ. මෙම අවහිර කිරීම අප්රේල් 3 දා වන තෙක් ක්රියාත්මක වීමට නියමිත ය.
අගමැති ගියුසෙපෙ කොන්ටේ (Giuseppe Conte) මේ බව සඳහන් කරන්නේ ෆේස්බුක් වීඩියෝවක් මගිනි.
මැලේසියාවේ යාඥා මෙහෙයක් සඳහා සහභාගි වූ අතිවිශාල ජනකායක් අතරින් මැලේසියාව තුළ කොරෝනා ‘ක්ලස්ටර් ඉෆෙක්ට්‘ එක නිර්මාණය වූ බව සනාථ වේ.
මේ වනවිට මැලේසියාවෙන් වාර්තා වන රෝගීන් 1,183 අතරින් 60%ක් සුපරික්ෂාවට ලක් කෙරෙන්නේ දින 4 ක විශේෂ කාලපරිච්ඡේදයක් ප්රකාශයට පත් කිරීමත් සමග ය.
ඉක්වදෝර සෞඛ්ය ඇමතිවරයා ඊයේ දිනයේ ඉල්ලා අස්වූයේ, එරට තහවුරු කර ගත් කොරෝනා රෝගීන් සංඛ්යාව 500 ඉක්මවා ගොස් ඇති බව වාර්තා වීමත් සමග ය. මරණ ගණන 7 කි.
මෙම ඉල්ලා අස්වීමෙන් පැය කිහිපයකට පසු ජුවාන් කාලෝස් සෙවාලෝස් නමැති විශ්ව විද්යාල කථිකාචාර්යවරිය සහ වෛද්යවරිය සෞඛ්ය ඇමතිනිය ලෙස පත් කර තිබේ.
ඉක්වදෝරයේ කම්කරු අමාත්යවරයා ද ඉල්ලා අස්වීමට නියමිත ය.
ගාසා තීරයට කොරෝනා පැතිරී තිබේ. පළමු රෝගීන් දෙදෙනා ගැන මේ අනුව වාර්තා වේ.
ඔවුන් දෙදෙනාම පාකිස්ථානයේ සිට මෑතකදී ගාසා තීරයට පැමිණිවුන් ය.
ජපානයේ නිරිත දිග ප්ර දේශයෙන් නැවතත් පොකුරු ආචරණය නොහොත් ක්ලස්ටර් ඉෆෙක්ට් එක ඇති වී තිබේ. මෙයට මුල් වී තිබෙන්නේ වෛද්ය මධ්යස්ථානයකි.
ඔයිටා නමැති වෛද්ය මධ්යස්ථානයේ වයස විසි ගණන්වල පසුවන හෙදියක් සහ වයස පණස් ගණන්වල පසුවන හෙදියක් රෝගී වී ඇති අතර, රෝගී තත්වයට පත් වූ මුළු සංඛ්යාව 14 කි. කාර්ය මණ්ඩලය ඇතුළු රෝගීන් 600 දෙනෙක් මේ වන විට දැඩි පරීක්ෂාවට ලක් කෙරෙමින් තිබේ.
ජපානයේ මේ වන විට කොරෝනා රෝගීන් 1055 ක් හඳුනාගෙන ඇත.
ඇමරිකානු උප ජනාධිපති මයික් පෙන්ස් ඔහුගේ බිරිඳ ද සමග කොරෝනා පරීක්ෂාවට ලක් වූයේ උප ජනාධිපති කාර්ය මණ්ඩලයේ එක් අයෙකුට කොරෝනා වැළඳී ඇති බව තහවුරු වීමත් සමග ය.
කෙසේ නමුත් මේ දෙදෙනාම නෙගටිව් බව සනාථ කර තිබේ.
සිංගප්පූරුවේ තහවුරු වී ඇති කොරෝනා රෝගීන් අතරින් 80%ක්ම සංචාරකයන් හේතුවෙන් ඇති වී තිබෙන බව හෙළිවීමත් සමග කෙටි කාලීන සංචාර සහ ට්රාන්සිට් මගීන් රටට භාර නොගැනීමට තීරණය කර තිබේ.
උතුරු කොරියාවෙන් කිසිදු කොරෝනා රෝගියෙකු වාර්තා වී නොමැති බව තවදුරටත් සඳහන් වුවත් ඒ ගැන පවතින්නේ බරපතළ සැකයකි. විදෙස් මාධ්ය වාර්තාවලට අනුව සැබවින්ම උතුරු කොරියාවට රෝගය බෝ වී ඇත්නම් එය අති දැවැන්ත විනාශයක් සිදු කරනු ඇත්තේ එහි පවතින අවම සෞඛ්ය පහසුකම් හේතුවෙනි.
තුර්කියේ කොරෝනා රෝගීන් ගණන 947 කි. ඊයේ දිනය වන විට මිය ගිය සංඛ්යාව 21 කි. සෞඛ්ය ඇමති ෆාරෙන්ටින් කෝකා ට අනුව ගතවූ පැය 24 තුළ කෝවිඩ්-19 පරීක්ෂණ 2953 ක් සිදුකර ඇත.
වයස 65 ට වැඩි අය සහ නිදන්ගත රෝගවලින් පෙළෙන අයට නිවසින් පිටතට යා නොහැකි සේ ඇඳිරි නීතිය පැනවීමට ද තුර්කිය සැලසුම් කරයි.
පිලිපීනයේ ඊයේ දිනය තුළ නව රෝගීන් 73 දෙනෙකු වාර්තා වන්නේ සම්පූර්ණ ගණන 380 දක්වා ඉහළ දමමිනි.
තවද ඊයේ දිනයේ තවත් 6 දෙනෙකු මරණයට පත්වූ අතර, මේ අනුව මිය ගිය මුළු සංඛ්යාව 25 කි.
වෛරසය පැතිර යාම වැළැක්වීම සඳහා ඉන්දියාව පැය 14 ක් සදහා ඇඳිරිනීතිය පැනවීමට යයි. මෙය අද දිනයේ ක්රියාත්මක වීමට නියමිත ය.
දකුණු කොරියාවෙන් නව රෝගීන් 98 දෙනෙක්
දකුණු කොරියාවේ රෝග පාලන හා නිවාරණ මධ්යස්ථානයේ නිල තොරතුරුවලට අනුව, ඊයේ දිනයේ නව රෝගීන් 98 දෙනෙකු වාර්තා වන්නේ, සම්පූර්ණ රෝගීන් ගණන 8897 ක් දක්වා ඉහළ දමමිනි.
නොවැම්බර් 17 වැනිදා පළමු වරට පළමු රෝගියා වාර්තා වූ චීනයේ වුහාන් පළාත සම්පූර්ණයෙන් සුවපත් වූ බවක් පෙනී යයි. පිටපිට 4 වැනි දිනයටත් ඊයේ කිසිදු රෝගියෙකු එම පළාතෙන් වාර්තා වූයේ නැත.
මේ අතර චීනය තුළ නව රෝගීන් 46 දෙනෙකු වාර්තා වන අතර, එයින් එක් අයෙකු හැර අන් සියලුම දෙනා පිටරට සිට පැමිණිවුන් ය.
අසාමාන්ය ලෙස උණුසුම් කාලගුණය හේතුවෙන් දහස් සංඛ්යාත දෙනා කොරෝනා අවදානම නොතකා වෙරළ තීර වෙත ඇදී යාමෙන් පසු ඔස්ට්රේලියානු අගමැති ස්කොට් මොරිසන්, සියලු ජනපද හා පරිපාලන කලාපයන් වෙත නියෝග කර තිබෙන්නේ social distancing සම්බන්ධයෙන් දැඩි නීති පනවන ලෙස ය.
සුප්රකට ‘බොන්ඩි වෙරළ තීරය‘ ඇතුළු සිඩ්නි හි ප්රධාන වෙරළ තීර සියල්ලම පාහේ මේ වන විට තහනම් කලාප බවට පත්කර තිබේ.
කොරෝනා රෝගයට ගොදුරු වීමේ අධි අවදානමක් සහිත පුද්ගලයන් ට නිවසින් බැහැරව නොයන්නැයි NHS හෙවත් ජාතික සෞඛ්ය සේවය ආයාචනය කරයි.
මේ වන විට NHS විසින් මිලියන 1.5 ක් දෙනා රෝගයට ගොදුරු වීමේ වැඩි අවදානමක් සහිත අය ලෙස හඳුනා ගෙන තිබේ. මෙයට අවයව බද්ධ කළ අය, දරුණු ශ්වසන ආබාධ සමග ජීවත් වන්නන්, විශේෂිත පිළිකා තත්වවලට ගොදුරු වූවන් සහ විශේෂිත ඖෂධ ලබාගන්නන් අයත් වේ.
අවම වශයෙන් සති 12 ක කාලයක් සිය වෛද්යවරයාගේ නිරන්තර අධීක්ෂණය යටතේ නිවසේ කල්ගෙවන ලෙසට ඔවුන්ගෙන් ඉල්ලා සිටිනු ලැබේ.
දිනපතා Updates සඳහා රැඳී සිටින්න…