BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ස්වීඩනය සහ ෆින්ලන්තය නේටෝ සාමාජිකත්වය ලබා ගැනීමට විරෝධය පෑ තුර්කිය ඒ ගැන සාකච්ඡා කරන්න එකඟ වෙලා!

තුර්කි ජනාධිපති ටයිප් අර්දොගන් පවසා සිටියේ එළඹෙන ජූනි 29 - 30 දෙදින තුළ පැවැත්වීමට නියමිත නේටෝ සමුළුවට පෙර ස්වීඩනය සහ ෆින්ලන්තය සමඟ සාකච්ඡා පැවැත්වීමට තමා අදහස් කරන බවයි.

රුසියාව යුක්රේනය ආක්‍රමණය කිරීමට විරෝධය පළකරමින් නේටෝ සංවිධානයේ සාමාජිකත්වය ලබා ගැනීමට ස්වීඩනය සහ ෆින්ලන්තය උත්සාහ දරන බවට මීට ඉහත මාධ්‍ය වර්තා කර තිබිණි.

දෙරට විසින් නේටෝ සාමාජිකත්වය ලබා ගැනීමට විරෝධය ප්‍රකාශ කළ රාජ්‍යයක් වූයේ තුර්කියයි.

වසර 70 කට අධික කාලයක් පුරාවට නේටෝ සංවිධානයේ සාමාජිකත්වය දැරූ තුර්කිය ස්වීඩනය සහ ෆින්ලන්තය එහි සාමාජිකත්වය ගැනීමට විරෝධය පළකර තිබුණේ, දෙරට කුර්දි ත්‍රස්තවාදීන් ට සහාය දක්වන බවට චෝදනා කරමිනි.

නේටෝ සංවිධානයේ සාමාජිකත්වය ලබා ගැනීමට නම් එහි සාමාජික රටවල් සියල්ලන්ගේම (30 දෙනෙකු) අනුමැතිය ඊට හිමිවිය යුතු අතර, විශාල හමුදා බලයක් සහිත තුර්කියේ සාමාජිකත්වය එහි ප්‍රභල භූමිකාවක් ඉටුකරනු ලබයි.

ඡායාරූපය: CNBC

ඒ අනුව, එවන් බලයක් හිමි තුර්කියම ස්වීඩනය සහ ෆින්ලන්තය නේටෝ සංවිධානයට සම්බන්ධ වීම සඳහා අයදුම් කිරීමට විරෝධය පෑම දෙරටට තීරණාත්මක කරුණක් විය හැකිය.

මේ අතර, තුර්කි ජනාධිපති ටයිප් අර්දොගන් පවසා සිටියේ එළඹෙන ජූනි 29 – 30 දෙදින තුළ පැවැත්වීමට නියමිත නේටෝ සමුළුවට පෙර ස්වීඩනය සහ ෆින්ලන්තය සමඟ සාකච්ඡා පැවැත්වීමට තමා අදහස් කරන බවයි.

එමෙන්ම, මැඩ්රිඩයේ පැවැත්වීමට නියමිත මෙම සමුළුවට පෙර නේටෝ සංවිධානය සමඟ මීට අදාළව සාකච්ඡා පැවැත්වීමට තමා අදහස් කරන බව තුර්කි ජනාධිපතිවරයා පවසා ඇත.

මෙම සාකච්ඡා අද සහ හෙට දිනයේ පැවැත්වීමට නියමිත මුත්, එය පැවැත්වූ සැනින් ස්වීඩනය සහ ෆින්ලන්තය නේටෝ සංවිධානයේ සාමාජිකත්වය ලබා ගැනීම අනුමත කිරීමක් සිදුනොවන බව ද ඔහු අවධාරණය කර ඇත.

මෙම සාකච්ඡා වලට තුර්කි ජනාධිපති ටයිප් අර්දොගන් ට අමතරව, එරට නියෝජ්‍ය විදේශ අමාත්‍ය සෙදත් ඔනාල් ද සම්බන්ධ වන බවට සඳහන්.


ජාවාහි දූපතේ සෙමේරු ගිනිකන්ද සක්‍රිය වේ. අනතුරු ඇඟවීම් නිවේදන නිකුත් කෙරේ.

නිව් යොර්ක් ටයිම්ස් පුවත්පතට නරක දසාවක්?

පුටින් මේ සැරසෙන්නේ සාම සාකච්ඡා මුවාවෙන් තවත් ප්‍රහාරයකට ද?

රුසියාවට එරෙහි සම්බාධක උල්ලංඝනය කිරීමේ වරදට සමාගම්වලට දඩ පැනවීමට යුරෝපා සංගමයෙන් යෝජනාවක්!

රුසියා-යුක්‍රේන ගැටුම මැද වෙනස් වන තෙල් මිල!

වෙඩි උණ්ඩයට හිස නොනැමූ ඉම්රාන් යළි සටනට!

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

‘කර්සෝන්’ අසරණ වෙයි!

error: Content is protected !!
error: Content is protected !!