ටෛරන්නෝසෝරස් පවුලට තවත් පොසිල සාමාජිකයකු එක් වෙයි.

ඩයිනෝසෝරයන්ගේ රජු වන ටෛරන්නෝසෝරස් රෙක්ස් පවුලට නව සාමාජිකයෙකු එකතු කර ගෙන ඇත.

කලින් නම් නොකළ ටෛරන්නෝසෝර් විශේෂයකට අයත් පොසිලමය හිස් කබල් කොටස් කැනඩාවේ දකුණු ඇල්බර්ටා හි තිබී හමුවී ඇත. පොසිලය සොයාගත් ගොවියෙකු හා පුරාවිද්‍යාත්මක උනන්දුවක් දක්වන්නකු වන ජෝන් ද ග්‍රූට්ට ස්තූතිවන්ත වන බව ඇල්බර්ටා හි රාජකීය ටයරල් කෞතුකාගාරයෙන් නිකුත් කළ නිවේදනයක දැක්වේ.

මෙය වසර 50 කට පසු කැනඩාවෙන් හමු වූ පළමු නව ටෛරන්නෝසෝර පොසිලය වන අතර උතුරු ඇමරිකාවෙන් සොයාගත් පැරණිතම ටෛරන්නෝසෝර් විශේෂයකි.

පර්යේෂකයන් විශ්වාස කරන්නේ තනාතෝතෙරයිස්ට් ඩෙග්‍රෝටෝරම් එහි සමීප ඥාතියෙකු වන ටෛරන්නෝසෝරස් රෙක්ස්ට වසර මිලියන 2.5 කට පමණ පෙර ජීවත් වූ බවයි.

ඔවුන් දිග අඩි 26 ත් 30 ත් අතර විය හැකි අතර වැඩිහිටියෙකු ලෙස ටොන් දෙකකට වඩා බරින් යුක්ත විය හැක. ටෛරන්නෝසෝරස් රෙක්ස් දිග අඩි 40 ක් පමණ විය හැකිය.