ෆින්ලන්තයේ වැන්ටා නගරයේ පාසලක වෙඩි තැබීමක්; ළමුන් තිදෙනෙකුට තුවාල

සටහන: සශිකලා මධුෂාණි, අප්‍රේල් 02,
ලෝකය(අවුට්බවුන්ඩ් ටුඩේ): ෆින්ලන්තයේ හෙල්සින්කි අගනුවරට තදාසන්න ප්‍රදේශයක් වන වන්ටා හි වියර්ටෝලා පාසලේ වෙඩි තැබීමක් හේතුවෙන් වයස අවුරුදු 12ක ළමුන් තිදෙනෙකු තුවාල ලබා ඇති බව වාර්තා වේ.

වෙඩි තබන ලද සැකකරු වයස අවුරුදු 12 ක පමණ දරුවකු බව හඳුනාගෙන ඇති අතර ඔහුව අත්අඩංගුවට ගෙන තිබේ. තුවාල කරුවන් රෝහල්ගත කර ඇති අතර ඔවුන්ගේ තත්වය පිළිබඳව මෙතෙක් තොරතුරු වාර්තා වී නොමැත.

සිදුවීම සම්බන්ධයෙන් වැඩිදුර තොරතුරු ඉදිරිපත් කිරීම ප්‍රතික්ෂේප කරමින් පාසලේ විදුහල්පති සාරි ලසිලා මාධ්‍ය වෙත සඳහන් කර තිබුණේ, ක්ෂණික අනතුර අවසන් බවයි.

දඩයම්කරුවන්ගේ සහ තුවක්කු ලෝලීන්ගේ රටක් ලෙස හඳුන්වන මිලියන 5.5 ක ජනගහනයක් සහිත පින්ලන්තයේ තුවක්කු හිමියන් 430,000 ක් පමණ සිටින අතර අභ්‍යන්තර කටයුතු අමාත්‍යාංශය පවසන්නේ රටතුල මිලියන 1.5 කට වැඩි තුවක්කු ප්‍රමාණයක් සංසරණය වන බවයි.