ප්රංශ පාලක පක්ෂ අපේක්ෂක බෙන්ජමින් ග්රිවෝක්ස් පැරීසියේ නගරාධිපති ධුරයට පත්වීමේ බලාපොරොත්තුව ලිංගික වීඩියෝවක් මගින් අවසන් කර තිබේ.
ඒ වන විටත් තරඟයේ සිටි ජනාධිපති එමානුවෙල් මැක්රොන්ගේ ආණ්ඩුවේ හිටපු ප්රකාශකයා වන ග්රිවෝක්ස්ට පහර දීමට, රුසියානු විරෝධතා ශිල්පියෙකු විසින් මෙම නිකුත් කිරීම කර ඇති බව විශ්වාසකරයි.
42 හැවිරිදි ග්රිවෝක්ස් පැවසුවේ “කිසිවෙකු එවැනි අපයෝජනයකට ලක් නොවිය යුතුයි.
මෙම වීඩියෝව බ්රහස්පතින්දා රාත්රියේ සමාජ මාධ්යවල පැතිර ගියේය. 2017 දී රුසියාවෙන් සරණාගතභාවය ඉල්ලා සිටි පීටර් පව්ලෙන්ස්කි කියා සිටියේ තමා එම වීඩියෝව අන්තර්ජාලයේ පළ කර ඇති බවයි.
ඔවුන්ගේ දේශපාලන විරුද්ධවාදීන් මේ පිලිබදව ඔවුන්ගේ කෝපය ප්රකාශ කළහ. වත්මන් නගරාධිපති ඈන් හිඩාල්ගෝ ජනතාවගේ පෞද්ගලික ජීවිතවලට ගරු කරන ලෙස ඉල්ලා සිටි අතර අන්ත වාමාංශික නායක ජීන් ලූක් මෙලෙන්චොන් මෙම ප්රහාරය “නපුරු” එකක් ලෙස හෙළා දුටුවේය. අන්ත දක්ෂිනාංශික නායක මැරීන් ලෙ පෙන් යෝජනා කළේ ප්රජාතන්ත්රවාදය වෙනුවෙන් ග්රිවෝක්ස් මහතා ඉල්ලා අස්විය යුතු නැති බවයි.
අග්රාමාත්ය එඩ්වඩ් පිලිප් සිය හිටපු සගයා වෙනුවෙන් සහාය පළකළ අතර අභ්යන්තර කටයුතු අමාත්ය ක්රිස්ටෝෆ් කැස්ටනර්ට සිය සහයෝගය ප්රකාශ කරමින් කියා සිටියේ කතුවරයාගේ අවසරයකින් තොරව වීඩියෝ ප්රකාශයට පත් කිරීම සැලකිය යුතු දඩයක් සහ වසර දෙකක සිර දඬුවමක් නියම කළ හැකි වරදක් බවයි.