ගිනියාවෙන් පළමු මරණය වාර්තා කරන මෙය, එබෝලා වෛරස් පවුලට අයත් ‘මාර්බර්ග් වෛරසය‘යි.
රුධිරය, සෙම වැනි මිනිස් තරල හරහා සම්ප්රේෂණය වන මෙම වෛරසය, ආසාදනය වුවහොත් මරණය අත් වීමේ සම්භාවිතාවය 88%ක් තරම් ඉතා ඉහළ අගයකි.
අධික උණ, මස්පිඬු වේදනාව මෙහි ද ප්රධාන රෝග ලක්ෂණ වන අතර, රෝගීන් අනතුරුව ඇස් සහ කන්වලින් රුධිරය ගලා එන තත්වයට පත් විය හැකිය. ඒ අනුව මෙම වෛරසය නිසා හටගන්නේ haemorrhagic fever හෙවත් ‘රක්තපාත උණ‘ රෝගයයි.
මාර්බර්ග් වෛරසයේ ව්යාප්තිය පිළිබඳ ලෝක සෞඛ්ය සංවිධානය මේ වන විට සිය අවධානය යොමු කර තිබේ.
A case of #Marburg virus disease has been confirmed in the southern Gueckedou prefecture of #Guinea🇬🇳. This is the first time Marburg, a highly infectious disease that causes haemorrhagic fever, has been identified in the country, & in West #Africa. https://t.co/S0DtGKBTw4
— WHO African Region (@WHOAFRO) August 9, 2021
ගිනියාවේ මෙම රෝගය වාර්තා වන්නේ ගුවෙකෙඩූ කලාපයෙනි. මෙම පෙදෙස, 2014-2016 අතර කාලයේ පැතිර ගිය එබෝලා වෛරසයේ බිහිසුණු අත්දැකීමට ද ගොදුරු විය. පුද්ගලයන් 11,325 දෙනෙක් එහිදී මරණයට පත් වූහ.