BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

පතිකුලයට යැයි සිතාගෙන – නිරෝධායනයට බයිසිකලයෙන් ගිය මනාලයා

ඉන්දියානු මනාලයෙක් ලොක්ඩවුන් එක මැද හැතැක්ම 500 ක් පාපැදියෙන් ගියේ මංගල උත්සවයට සහභාගි වීම සඳහා ය. නමුත් අවසානයේ ඔහුට යන්නට සිදුවූයේ පතිකුලයට නොව නිරෝධායනයට ය.

සෝනු කුමාර් චව්හාන් නමැති මේ 24 හැවිරිදි තරුණයා කම්හල් සේවකයෙක් වූ අතර, අවසන් මොහොතේ පොලිසිය ඔහුව අල්ලාගෙන රජයේ නිරෝධායන මධ්‍යස්ථානයකට ගාල් කළේය.

අප්‍රේල් 15 වැනිදා වෙඩිම ගැනීමට නියමිත ව තිබුණත් මෝදිගේ ලොක්ඩවුන් තත්වය නිසා තමන් සේවය කරන පංජාබ් ප්‍රාන්තයේ කොටු වී සිටියේය. ඔහුගේ මනාලිය සිටියේත්, වෙඩිම ගැනීමට නියමිතව තිබුණේත් පංජාබයේ සිට කිලෝමීටර 800 ක් හෙවත් හැතැක්ම 500 ක් දුරින් පිහිටා තිබූ උත්තර් ප්‍රදේශ් ප්‍රාන්තයේ මහරාජාග්ගුන්ජි ගමේ ය.

ඔහුට සිටියේ නල්ලමලේ මිතුරන් කල්ලියකි. ‘බඳින්න යන මිනිහාටත් මැරෙන්න යන මිනිහාටත් මොකුත් කියන්න එපා‘ යැයි කතාවක් තිබේ. මන්ද, ඒ දෙදෙනාම මොනවා කීවත් නතර කරන්නට බැරි නිසා ය. ඔහු සහ ඔහුගේ ප්‍රාණසම මිතුරන්ගේ ඒකමතික අදහස වුණේ වෙඩිමට පයින් හෝ යා යුතු බව ය. ඔහුගේ හයියට මිතුරන් තිදෙනෙක් ද පාපැදි වීර චාරිකාවට එක් වූහ.

‘‘යාළුවොත් එක්ක කතා කළාම උන් එක පයින් කැමති වුණා. තුන් දෙනෙක් එක්ක මම පිටත් වුණා..‘‘ යැයි මනාලයා පසුව කීවේය.

නමුත් ගම පෙනි පෙනී උත්තර් ප්‍රදේශ් පොලිසියේ මුරපොළකදී පාපැදි හතර නතර කෙරිණි. ඒ වන විට දිවා රෑ සතියක් ඔවුන් පාපැදි පාගා තිබිණි. ඒ වන විට වෙඩිමට තිබුණේ තවත් දින 2 කි. හැතැක්ම තිබුණේ 19 ක් පමණි.

‘‘පොලිසියේ මහත්තුරු ඒ ටික යන්න දුන්න නම් මං අද මනාලයෙක්..‘‘ යැයි සෝනු කුමාර් කියන්නේය.

ඔහු තවමත් ඇතුළේය. රෝග ලක්ෂණ පහළ නොවුණහොත් සති 2 අවසන් වන්නේ අප්‍රේල් 27 වැනිදාට ය. නමුත් මැයි 3 වැනිදා දක්වාම මෝදිගේ ලොක්ඩවුන් නියෝගය බලපැවැත්වෙන්නේය.

ඉතින් අවසානයේ පති කුලයට යැයි සිතාගෙන මේ තරුණයා දිවා රෑ සතියක් බයිසිකලය පාගා තිබුණේ නිරෝධායන මධ්‍යස්ථානයකට යන්නට ය.


පණපිටින් විකුණන කැලෑ සතුන්ගේ මස් වෙළඳාම වහාම අත්හිටුවන්න! – ලෝක සෞඛ්‍ය සංවිධානයෙන් දැඩි ඉල්ලීමක්

ලොව දිනකට වර්තා වූ වැඩිම කොරෝනා ආසාදිතයින් ඉන්දියාවෙන් – පාලනයකින් තොරව අවදානම ඉහළට

කෝවිඩ්වලින් පෙණහළු හානි වූ කාන්තාවකට සාර්ථක පෙණහළු බද්ධයක් – සැමියා සහ පුතාගෙන් පෙණහළු පටක

ෆේස් මාස්ක්වල ප්‍රශ්න රැසක් – අලුත් නිර්මාණයක් වෙනුවෙන් ඩොලර් ලක්ෂ 5 ක් ලබාදෙන තරගයක්

රුසියානු ස්පුට්නික් එන්නත ගත් ආර්ජන්ටිනාවේ ජනපති කෝවිඩ් පොසිටිව් වෙයි!

එංගලන්තයේ කෝවිඩ්-19 රතු ලැයිස්තුවට පාකිස්ථානය, බංග්ලාදේශයත් එක් වෙයි

ප්‍රංශයේ සහ පෝලන්තයේ කොවිඩ් තුන්වන රැල්ලක අනතුරක් – දෙරටම සංචරණ සීමා යළිත් දැඩි කරයි

පැපුවා නිව්ගිනියාවට ඕස්ට්‍රේලියාවෙන් ඇස්ට්‍රාසෙනෙකා එන්නත් ප්‍රදානයක්!

error: Content is protected !!
error: Content is protected !!