විටෙක ගායකයෙක් විටෙක ගීත රචකයෙක් ලෙසින් භූමිකාව පෑ ජිමී බෆට් මෙලොවින් සමුගනී!

ඇමරිකානු ගායක-ගීත රචක මෙන්ම ප්‍රකෝටිපති ව්‍යාපාරික ජිමී බෆට් (76) විය පසු කරමින් තම ජීවන ගමනට සමු දීය.

ඔහු අවසන් හුස්ම හෙළන තුරුම ඔහුගේ ජීවිතය ගීතයක් මෙන් යැයි හඟවමින් ගත කළ බවක් සඳහන් වේ.

“සැප්තැම්බර් 1 වන දින රාත්‍රියේ ජිමී ඔහුගේ පවුලේ අය, මිතුරන්, සංගීතය සහ බල්ලන් වට කර සාමකාමීව මිය ගිය බව පෙර කල ට්විටර් ලෙස හැඳින්වූ X හි ඔහුගේ ගිණුමෙහි මෙලෙස සටහන් කර තිබිණි.

ජිමී බෆට් උපත ලැබුවේ එක්සත් ජනපදයේ මිසිසිපි ප්‍රාන්තයේ නමුත් හැදී වැඩුණේ අසල්වැසි ඇලබාමා හි ය. ඔහු සංගීත හා විනෝදාස්වාද සඟරාවක් වන Billboard සඳහා සේවය කළේය.

Billboard Hot 100 ශ්‍රේණිගත කිරීම්වල සති 22ක් තිස්සේ රස විඳි Margaritaville ගීතය ඇතුළත්, 1977 දී ඔහුගේ ඇල්බමය වන Changes in Latitudes, Changes in Attitudes සමඟින් බෆට් ඔහුගේ සංගීතමය ඉදිරි ගමනට මුල පිරීය.

සටහන – නිපුනි ලියනගේ