රෆා ප්‍රදේශය විවෘත වන බවට අනාවැකි!

කොළඹ LNW: තුවාල ලැබූ පලස්තීන ජාතිකයින්ට ගාසා තීරයෙන් පිටවීම සඳහා රෆා ප්‍රදේශය අද විවෘත කරනු ඇති බවට විදෙස් මාධ්‍ය අනාවැකි පළ කර තිබේ.

ඊශ්‍රායල ප්‍රහාරයන්ගෙන් තුවාල ලැබූ පලස්තීන ජාතිකයින්ට ප්‍රතිකාර කිරීම සඳහා මෙලෙස ගාසා ඊජිප්තු දේශසීමාව විවෘත කිරීමට ඉඩ ඇති බවයි විදෙස් මාධ්‍ය සඳහන් කරන්නේ.

ගාසා තීරයේ රෝහල් තුනෙන් දෙකක් පමණ අක්‍රීය වීම හේතුවෙන් තුවාල ලැබූවන්ට ප්‍රතිකාර කිරීම දැඩි අපහසු තත්ත්වයක් බව හමාස් සෞඛ්‍ය අමාත්‍යාංශය නිවේදනය කර තිබුණි.

එබැවින් බරපතල තත්ත්වයේ පසුවන්නන්ට පළමුව රෆා ප්‍රදේශයෙන් ඊජිප්තුවට ඇතුළු වීමට අවසර ලබාදීමට නියමිත බව කියවෙයි.

ඊශ්‍රායලය සහ හමාස් ගැටුම් හේතුවෙන් මේ වා විට 9000ක ආසන්න පිරිසක් මියගොස් ඇති බවද විදෙස් මාධ්‍ය වාර්තා පෙන්වාදෙයි.

ASK