BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ටයිගර් වුඩ්ස් තිරිංගය වෙනුවට ඇක්සලරේටරය පාගලා – 45 වෙනුවට 87ට ගිහින්!

පෙබරවාරි 23 වැනිදා සුපිරි ගොල්ෆ් ක්‍රීඩක ටයිගර් වුඩ්ස්ගේ මෝටර් රථය අනතුරට පත් වුණේ, අනාරක්ෂිත වේගයකින් එය පැදවීම නිසා බව තහවුරු වෙයි.

ලොස් ඇන්ජලීස් පොලිස් ප්‍රධානියා පැවසුවේ අධික වේගයෙන් රිය පැදවීම නිසා ඔහුට පාරේ වංගුවක් ගැනීමට යාමේදී මෝටර් රිය පාලනය කර ගත නොහැකි වූ බවයි.

පොලිස් විමර්ශනයට අනුව, මෙම අනතුර සිදුව ඇති ස්ථානයේදී තිබිය යුතු උපරිම වේගය පැයට සැතපුම් 45 කි. නමුත් අනතුර සිදුවන විට ඔහු පැමිණ තිබෙන්නේ පැයට සැතපුම් 87 ක වේගයෙන් වූ අතර, මෝටර් රථය ගසේ හැප්පෙන විට වේගය පැයට සැතපුම් 75 ක් වූ බව ද හෙළි වී තිබේ.

තිරිංගය වෙනුවට හොඳ සිහියෙන් ඇක්සලරේටරය පාගලා!

තවද ටයිගර් වුඩ්ස්, මෙහිදී තිරිංගය පාගනු වෙනුවට නොසිතා ඇක්සලරේටරය පාගා ඇති බවට ද පොලිස් විමර්ශනය යෝජනා කරයි. තවද ඔහු මෙම අවස්ථාවේදී බීමතින් නොසිටි බව ද සනාථ වේ.

ගසේ හැප්පුණු මෝටර් රථය විසි වී ගොස් බිම පතිත වී තිබිණි.

මෙම අනතුරෙන් ටයිගර් වුඩ්ස්ගේ පාදයක අස්ථියක් පිපිරීම ඇතුළු හානි කිහිපයක් සිදුවිය. අනතුර සිදුව ඇති ස්වභාවය අනුව, ඔහු දිවි බේරාගැනීම බොහෝ දෙනෙකුට පුදුමයක් විය.

(Wally Skalij/Los Angeles Times via Getty Images)

සාමාන්‍යයෙන් මෙවැනි විමර්ශනයක සොයාගැනීම් මේ අයුරින් ප්‍රසිද්ධ කරන්නේ නැත. නමුත් ටයිගර් වුඩ්ස් එය ප්‍රසිද්ධ කරන ලෙස ලොසැන්ජලීස් මෝටර් රථ පරීක්ෂණ අංශයෙන් ඉල්ලීමක් කර තිබිණි.

අනතුරෙන් රෝහල්ගත වූ ටයිගර් වුඩ්ස්, නැවත නිවස බලා ගියේ මාර්තු මැද සතියේය. සුවපත්වීම සහ පවුල කෙරෙහි සිය පූර්ණ අවධානය යොදවන බව ද වුඩ්ස් කියයි.


බොරිස් ජොන්සන් ගේ ‘ක්‍රියාත්මක වන/නොවන’ කන්වර්ෂන් තෙරපි තහනම!

ටේසරය වෙනුවට පිස්තෝලය ඇද කළු ජාතික තරුණයාට වෙඩි තැබූ පොලිස් නිලධාරිනිය ඉල්ලා අස් වුණත් උද්ඝෝෂණ දිගටම

සූවස් ඇළ හිර කළ එවර්ගිවන් නෞකාව ඊජිප්තුව ග්‍රහණයට ගනියි – ඩොලර් මිලියන 900 ක වන්දියකුත් ඉල්ලයි

රාමසානයට ලහිලහියේ සූදානම් වන පකිස්තාන සන්නාලියා

සුද්දා අපෙන් කොපි කළා ද, අපි සුද්දා ගෙන් කොපි කළා ද? දේශසීමා බිඳගෙන යන පොලිස් සාපය

මියැන්මාරයේ තවත් සිවිල් වැසියන් 80 ක් හමුදා වෙඩි තැබීමෙන් මරුට

පිලිප් කුමරු : පිටුවහලෙක්, අවුරුදු 99 ක්, රටවල් 143 ක් සහ එක ප්‍රසිද්ධ බිරිඳක්!

2036 වන තෙක්ම රුසියාවේ නායකයා පුටින් – සංශෝධනය සම්මතයි!

error: Content is protected !!
error: Content is protected !!