BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

උමතු ප්‍රේමවන්ත කැසනෝවා

”මා උමතු ගැහැනුන්ට පවා ආදරය කරන්නට පටන් ගෙන තිබේ” යැයි කැසනෝවා සිටුවරයා සිය දිනපොතේ ලීවේය. නමුත් ඔහු සැබවින්ම සියලූ ගැහැනුන්ට වඩා සිය නිදහසට ආදරය කළේය.

 මේ ලෝකයේ ගැහැනියක වසඟ කර ගැනීමේ කලාව වඩාත්ම ප‍්‍රගුණ කර තිබූ තැනැත්තා ලෙස ඔහු සැලකෙයි. ඔහු සමග යහන්ගත වූ ගැහැනුන් ගණන ඔහු පවා නොදැන සිටියේය. රාගාධික ගැමි තරුණියන් සහ කන්‍යා සොයුරියන්ගේ සිට ධනවත් මහලූ කාන්තාවන් දක්වා හැම කෙනෙකුගේම පෙම්වතෙකු වන කෙටි ක‍්‍රම ඔහු දැන සිටියේය. ඔහු අවස්ථා කිහිපයකදීම විවාහ වනු පිණිස අල්තාරය ඉදිරියට ගොස් අල්තාරය පෙනි පෙනීම අතුරුදන් විය. ලෝකයේ හොඳම රැවටිලිකාරයන්ගේ ප‍්‍රයෝග ඒ සඳහා අනුගමනය කෙරිණි.

මනාලිය ඔහු එන තෙක් බලා සිට හති වැටෙන තෙක්ම වහං වී සිටින අයුරු කැසනෝවා දැන සිටියේය. යම් හෙයකින් ඔහු තමන්ව මහ හැරි බව මනාලිය සොයාගත හොත් ඔහු කළේ විවාහය මගහැරීම ගැන තමන් අතිශයින්ම පසුතැවිලි වන බව හැඟවීමයි. ඉන්පසුව ශෝකයෙන් පීඩිත වූ කැසනෝවා කෙනෙක් සුපුරුදු පරිදි ඇගේ යහන වෙත ඇදෙන අයුරු දැකගත හැකි වනු ඇත. කැසනෝවාගේ අත් අකුරින්ම ලියූ ඔහුගේ සමරු සටහන් ලෝකයේ මුලින්ම පළ වූයේ 1960 දශකයේ යග තරුණ වියේ සිටියදී තමන් ස්ත්‍රියකට උහුළාගෙන සිටිය නොහැකි තරමට කඩවසම් අයෙක් විණැයි කැසනෝවා ලියා ඇත. නමුත් විචාරකයන් කියන්නේ 18 වන සියවසේ සිටි සාමාන්‍ය ඉතාලි පිරිමියෙකුගේ පෙනුමට වඩා සුවිශේෂී පෙනුමක් ඔහු සතුව නොතිබුණු බවයි.ඔහුගේ උස අඩි හයයිල අඟල් භාගයක් විය.

කදිම කේශකලාපයෙන් අලංකාර වූ ශෝභන මුහුණ වසූරිය කැළැල් තුනකින් අවලස්සන වී තිබිණි. සමහරවිට ඔහුගේ අසාමාන්‍ය බව ප‍්‍රකට වූයේ පෞරුෂය සහ ප‍්‍රයෝගකාරීත්වය තුළින් විය හැක.ගැහැනියක සමග පෙමෙන් බැඳෙන්නට ඔහු අනුගමනය කරන උපායක් විය.මුලින් ඔහු ඇය සමග දබරයකට පැටලෙයි. නමුත් නිතරම දබරය අවසන් වූයේ ඇය කෙතරම් සුන්දරද සහ ඇයට තමන් කෙතරම් වසඟවී සිටින්නේදැයි පැහැදිලි කර දීමෙනි. සමකාලීන පුරුෂ ලෝකයේ මෙය සැලකුණේ කලාවක් හෝ දස්කමක් ලෙසිනි. ඒ නිසාම අදටත් කැසනෝවාල හුදු දුරාචාරියෙකු ලෙස නොව අනගිම පෙම්වතෙකු ලෙස සැලකුම් ලබයි.

1725 වසරේ ඉතාලියේ උපන් කැසනෝවා නළු නිළි මාපියන්ගේ ජාන උරුමයෙන් සාටෝපය ද රඟපෑම ද උරුම කර ගෙන තිබුණේ යැයි කිව හැක. වයස අවුරුදු දහසය වන තෙක් ඉතාලියේ පාදුවා විශ්ව විද්‍යාලයේ අධ්‍යාපනය ලබා මියුරු ලෙස වයලීන් වාදනය කිරීමේ හැකියාව ද ලබාගත්තේය. ජීවිකාව ලෙස ඔහු තෝරාගෙන තිබුණේ පාදිලිකමයි. නමුත් දිව්‍යමය ශුද්ධ අණවලටත් සිය සිත පාලනය කළ නොහැකි බව කැසනෝවා නොබෝ දිනකින් වටහාගත්තේ උසස් වැනීසි පවුලකින් පැවත ආ කන්‍යා සොයුරියන් දෙදෙනෙකු සිය පෙම්වතියන් බවට පත්කර ගැනීමෙන් පසුව ය. කැසනෝවා තරුණ වියේ සිටම කට වචනයෙන් සිත් දිනාගැනීමේ මග දැන සිටියේය.

පූජකාරාමයේ විනය ගැටලූ මතු වන විට ඔහු හෙමින් සීරුවේ දේශනාකාරයෙකු බවට පත්විය. පූජක ධුරයෙන් පන්නා දැමූවන් සඳහා දේශනා පවත්වන්නෙකු ලෙස ඔහු කීර්තියක් ලබාගත්තේය. ඔහුගේ දේශනාවලට ගැහැනු පිරිමි භේදයකින් තොරව ඉහළ ප‍්‍රතිචාර ලැබිණි. එහි ප‍්‍රතිඵලය වූයේල ඔවුන් ලබාදුන් රෙකමදාරු ලිපි හරහා ඔහු උසස් සමාජයට පිවිසීමයි. වයස අවුරුදු 20 වන විට ඔහු සූදු කෙළියේද කෙළ පැමිණියෙකු විය. ඒ නිසාම කලින් කලට විශාල මුදල් අගහිඟකම්වලින්ද පෙළීමට ඔහු ට සිදුවිය. ඇතැම්විට ඔහු එදා වේල සොයාගැනීම සඳහා නෘත්‍යශාලාවල වයලීන් වාදනය කළේය. ණය ගෙවීමට අපොහොසත් කැසනෝවා ඔහුගේ ණය හිමියන්ට පෙනුණේ වංචාකාරයෙක් ලෙස ය. වරක් ඔහු සිය ණය හිමියන්ගේ තාඩන පීඩනවලින් ගැළවුණේ තරුණ කල ලියූ ආගමික ගීතිකාවක් ඔවුන් අතට පත් කර ඔවුන්ගේ සිත මෙළෙක් කිරීම මගිනි. නමුත් 1755 ජූලි මස ඔහු අත්අඩංගුවට ගෙන ලීඞ්ස් බන්ධනාගාරය වෙත ගෙන යනු ලැබිණි. එම බන්ධනාගාරය එනමින් හැඳින්වුයේ එහි වහලය ඉතා බරැති උළුවලින් සෙවිළි කර තිබූ නිසා ය. අපකීර්තිමත් වැනීසි බන්ධනාගාරයේ වසර පහක්ම නඩු ඇසීමකින් තොරව ඔහු රඳවා තැබීම වැනීසි පාලකයන්ගේ සැලසුම විය.

ඇත්ත කතාව වූයේ වැනීසි පාලකයෙකුගේ බිරිය සමග රමණයේ යෙදී හසුවූ කැසනෝවා ට අමතක නොවන පාඩමක් ඉගැන්වීම ඔවුන්ගේ අරමුණ වූ බවයි. නමුත් ඉතිහාසයේ සම්භාව්‍යම ගෙවල් බිඳීමක් මගින් කැසනෝවා ලීඞ්ස් බන්ධනාගාරයෙන් පැන ගියේය. කොහෙන්දෝ අහුළාගත් යකඩ කැබැල්ලක්ල කිරිගරුඬ බිත්තියක පැල්මක් තුළට රිංගවා ලෝහ කැබැල්ලේ දිග අඟල් 18 ක් දක්වා වැඩිකර ගත් ඔහුල ලීඞ්ස් හි උළු වහලය මතින් කදිම ධාවනයක යෙදුණේය.

පසුව කැසනෝවා කීවේ වේල් පට ඉවත් නොකර වෙනත් ඕනෑම දෙයක් කිරීමට තරම් නිදහසක් ඇය ඔහුට ලබාදී තිබූ බවයි.

නමුත් කොන්ස්තන්තිනෝපලයේදී නම් ඔහු සැබවින්ම අමාරුවේ වැටුණේය. මුස්ලිම් ආගම විසින් ඇති කර තිබූ ලිංගභේදය නොතකා ඔහු එක්තරා මුස්ලිම් කාන්තාවක් මෝහනය කිරීමට තීරණය කළේය. එහිදී ඔහු වැඩ වරද්දාගත්තේ වේල් පට ඉවත් කරන්නට යාමෙනි. කුපිත වූ මුස්ලිම් කාන්තාව ඔහුට දිගට හරහට පහරදීමට පටන් ගත්තාය. පසුව කැසනෝවා කීවේ වේල් පට ඉවත් නොකර වෙනත් ඕනෑම දෙයක් කිරීමට තරම් නිදහසක් ඇය ඔහුට ලබාදී තිබූ බවයි. වරක් ප‍්‍රංශ ලොතරැයි සමාජයේ අධ්‍යක්ෂවරයා ලෙස ද කටයුතු කළ කැසනෝවා පැරීසියේ ඉහළ සමාජයේ කාන්තා කවයන්ගේ නැතිවම බැරි සාමාජිකයෙක් බවට පත්විය. සිය ගුප්ත විද්‍යා දැනුම සහ බ්ලැක් මැජික් පිළිබඳ දැනුම ද ඔහු කාන්තාවන් ආකර්ෂණය කිරීමට යොදාගත් බව ප‍්‍රචලිත ය. වරක් මාකොයිස් ඩි උර්ෆෙ නමැති ආර්යාවල කැසනෝවාගේ පිරිමි ආත්මය සිය කළලයක් තුළට සංක‍්‍රමණය කරවා දෙන ලෙස ඉල්ලා අති දැවැන්ත මුදලක් ඔහුට ලබාදුන් බව ද සඳහන් ය. වතාවක් කැසනෝවා පැරීසියේ චීන බඩු සාප්පුවක් ද ආරම්භ කළේය. ඔහු එකවර තරුණියන් විසි දෙනෙකු සේවයට බඳවා ගත් අතර එසේ බඳවා ගැනීමෙන් පසුවද දිනපතාම එකිනෙකා බැගින් නැවත නැවතත් සම්මුඛ පරීක්ෂණවලට ලක් කළේය. වැඩි කල් යන්නට මත්තෙන් ව්‍යාපාරය ආගාධයට ගියද ඔහුගේ පැරිස් ආදර ජීවිතය නම් නව දියුණුවකට පාත‍්‍ර විය. නොමසුරු වියදම්කාරයෙකු වූ කැසනෝවා 1776 දී ඇන්ටෝනියෝ ප‍්‍රැටොලිනී යන නාමය යටතේ වැනිසි පාලකයන්ගේ ඔත්තුකාරයෙකු බවටද පත්විය. ඒ වනවිට ඉලියඞ් කාව්‍යය ඉතාලි බසට පරිවර්තනයක කිරීම මගින් ඔහු සැලකිය යුතු කීර්තියක් ද ලබා සිටියේය. ජීවිතයේ අවසන් භාගය වන විට ඔහු ජීවත් වූයේ ඇඳුම් මසන්නියක සමග ය. ඇය සැබවින්ම ඔහු ට ආදරය කළ අතර එපමණටම කාරුණික ද වූවායග නමුත් විටින් විට කොහෙන් හෝ රූමතියක් ඔවුන්ගේ ලෝකයට කඩාපාත්වීම වළක්වාලිය නොහැකි විය. අවසානයේ කැසනෝවා ට උපන් ගම පවා විසිය නොහැකි තත්වයක් ඇතිවිය. ඔහු බොහීමියාවට පළා ආවේය.

බොහීමියාවේ වෝල්ඞ්ස්ටෙයින් සිටුවරයාගේ වෙළුම් හතළිස් දහසක පොත් සහිත පුස්තකාලය සිය ජීවිතයේ අවසන් කාලය ගත කිරීමට සුදුසුම තැන යැයි කැසනෝවා තීරණය කළේය. එම අවසන් වසර 13 තුළ ඔහු සිටුවරයාගේ පුස්තකාලයාධිපතිවරයා ලෙස කටයුතු කළේය. මරණය එන තෙක් ඇඟිලි ගනිමින් සිටි ඔහුට තෘප්තිය ගෙන දුන් එකම එක කටයුත්ත වූයේ සිය අතීතය සිහි කිරීම පමණි. ඔහු පැය ගණන් එක දිගට සිය යෞවන දස්කම් සටහන් කළේය. ඒ වෙනුවෙන් ඔහුට ලැබුණු යමක් නැති වුවද ලෝකයේ චිත්‍රපට ගණනාවක් ඇතුළුව භාෂා 20 කට වඩා කැසනෝවාගේ ජීවන අත්දැකීම් පරිවර්තනය වී තිබේ.


ස්වදේශික ඇමරිකානු ක්‍රියාකාරිකයෙකු වූ සචීන් ලිට්ල්ෆෙදර් මිය යයි.

නියැන්ඩර්තාල් වෙනුවෙන් Svante Paabo ට නොබෙල් ත්‍යාගයක්!

ස්ටකී, ගසක් තුළ මමීකෘතව!

ඉක්වදෝරය චීනය සමඟ ණය ප්‍රතිව්‍යූහගත කිරීමට එකඟතාවයකට එළඹි හැටි!

නිදන්ගත පාරාවෝගේ II රැම්සෙස් යුගයට අයත් සුසාන ගුහාවක් සොයා ගැනේ.

ෂියා වන්දනාකරුවන් මිලියන 21 ක් ඉරාකයට (photos)

රැජිනගේ තනිය මකන්න රැගෙන එන Paddington Bear ට තහනමක්!

ලෙයට ලෙය ඉල්ලන යුධ උමතුවට ආධාර පිට ආධාර දුන් බයිඩන් දැන් කියන කතාව!

error: Content is protected !!
error: Content is protected !!