BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

බ්‍රිතාන්‍යයේ බ්‍රෙක්සිට් – සුසුම් සහ සැමරුම් මැද දේශප්‍රේමී ගීත!

ග්‍රිනිච් මධ්‍යන්‍ය වේලාවෙන් 23.00 ට එනම් ඊයේ රාත්‍රී 11 ට බ්‍රිතාන්‍යය නිල වශයෙන් යුරෝපා සංගමයට සමු දුන්නේය.

පහත ඡායාරූපයේ දැක්වෙන්නේ බෙල්ජියමේ බ්‍රසල්ස් නගරයේ පිහිටා ඇති යුරෝපා සංගම් මූලස්ථානයෙන් මහා බ්‍රිතාන්‍යයේ ජාතික ධජය ඉවත් කර දමන ආකාරයයි.

බ්‍රෙක්සිට් නිසා මහා බ්‍රිතාන්‍යය තුළ සැමරුම් මෙන්ම සෝ සුසුම් ද දැකගත හැකි විය.

ස්කොට්ලන්තයේ සහ උතුරු අයර්ලන්තයේ උද්ඝෝෂණ

මහා බ්‍රිතාන්‍යය සමන්විත වන්නේ එංගලන්තය (එක්සත් රාජධානිය), ස්කොට්ලන්තය සහ වේල්සයෙනි. මේ අතරින් ස්කොට්ලන්තය සපුරාම බ්‍රෙක්සිට්වලට විරුද්ධව සිය මනාපය පළ කළ දේශභූමීන් ය.

මේ අනුව, බ්‍රෙක්සිට්වලට එකහෙළාම විරුද්ධ වූ, එනම් තමන්ට යුරෝපා සංගමය සමග සිටීමට අවශ්‍ය යැයි එක හඬින් කියා සිටි ස්කොට්ලන්තය පුරා, ශෝකය පළ කරමින් ඊයේ රාත්‍රියේ පහන් එළි විරෝධතා සිදුවිය.

මේ අතර, ස්කොට් ආණ්ඩුවේ ප්‍රධානියා හෙවත් Scotland’s First Minister වන නිකොලා ස්ටර්ජන්, යුරෝපා සංගම් ධජයේ ඡායාරූපයක් සමගින් ට්විටර් පණිවුඩයක් එක් කර තිබුණේ ස්කොට්ලන්තය නැවතත් යුරෝපයේ හදවත වෙතට යනු ඇති බව පවසමිනි. “Scotland will return to the heart of Europe as an independent country – #LeaveALightOnForScotland”

වෙන් වූ මහා බ්‍රිතාන්‍යෙයන් නිදහස ලබාගැනීම සඳහා ස්කොට්ලන්තයට ජනමත විචාරණයක් ලබාදෙන ලෙසට ද ඇය විසින් මේ වන විට ඉල්ලීමක් ඉදිරිපත් කරයි.

යුරෝපයෙන් ඉවත් වූ පසුව වේල්සය යුරෝපියානු රටක්ලු!

වේල්ස් ආණ්ඩුවේ ප්‍රධානී මාක් ඩ්‍රැක්ෆෝල්ඩ් පැවසුවේ වේල්සය තවදුරටත් ‘යුරෝපියානු ජාතියක්‘ ලෙස පවතිනු ඇති බවයි. යුරෝපා සංගමයෙන් ඉවත් වීමට ඡන්දය පළ කළ පසුව ඔහු එසේ කියන්නේ කුමන පදනමකින්දැයි විචාරකයෝ ප්‍රශ්න කරති.

නයිජල් ෆෙරාජ්ගෙන් දේශානුරාගී ගී!

මේ අතර ‘බ්‍රෙක්සිටියර්ස්‘ (Brexiteers) හෙවත් බ්‍රෙක්සිට් සඳහා සහාය පළ කළෝ, ලන්ඩනයේ පිහිටි පාර්ලිමේන්තු චතුරස්‍රයේ රැස්ව ප්‍රීති ඝෝෂා සැමරූහ.

බ්‍රෙක්සිට් පක්ෂය විසින් කල් තබාම තැබෑරුම්, අවන්හල් ආදිය මේ අවස්ථාව සඳහා වෙන් කර ගෙන තිබූ අතර, ඒවායේ ඔවුහු සාද පැවැත්වූහ. නයිජල් ෆෙරාජ් ඇතුළු බ්‍රෙක්සිටියර්ස්ලා දේශප්‍රේමී ගීත ගයමින් උද්වේගකර කතා ද පැවැත්වූහ.

‘‘මේක නූතන ඉතිහාසයේ සහ අපේ ශ්‍රේෂ්ඨ ජාතියේ ශ්‍රේෂ්ඨ මොහොතයි‘‘ යැයි බ්‍රෙක්සිට් පක්ෂ නායක නයිජල් ෆෙරාජ් පැවසුවේය.

බොරිස් ජොන්සන්ගේ පණිවුඩය

බ්‍රෙක්සිට් සිදුවීමට හරියටම පැයකට පෙර සමාජ ජාල වෙත පණිවුඩයක් නිකුත් කරමින් බ්‍රිතාන්‍ය අගමැති බොරිස් ජොන්සන් මෙසේ කීවේය.

‘‘බොහෝ දෙනෙකුට මෙය බලාපොරොත්තුවේ විස්මයජනක මොහොතයි. කිසිදා උදා නොවේ යැයි සිතූ මොහොතයි…

‘‘ඒ වගේම බොහෝ දෙනෙකුට මෙය කාංසාව සහ අහිමිවීම ගැන හැඟීමක් ගෙනැවිත් තිබෙනවා..

‘‘ඒ වගේම ඇත්ත වශයෙන්ම තුන්වැනි කණ්ඩායමකුත් සිටිනවා. ඒ තමයි, දේශපාලනික වියවුල් කිසිදා අවසන් නොවේවි කියා සිතන අය…‘‘

ඉන්පසු සුපුරුදු පරිදි යුරෝපා සංගමයට සහ එක්ව සිටීමට විරුද්ධව කතා කළ ඔහු පැවසුවේ, යුරෝපා සංගමය පරිණාමය වී තිබෙන්නේ මේ රටට නොගැළපෙන අවුරුදු 50 ක් පැරණි දිශාවකට බවයි.

ඉංග්‍රීසි ඕඩය දිගේ කේවල් කරන අසීරු යුගයක ඇරඹුම සහ දික්කසාද වූ නොගැළපෙන ජෝඩුව

පහත දැක්වෙන්නේ BBC දේශපාලන සංස්කාරක ලෝරා කුවන්ස්බර්ග් විසින් බ්‍රෙක්සිට් පිළිබඳ ඉදිරිපත් කරන දේශපාලන විග්‍රහයේ සාරාංශයකි.

‘‘යුරෝපා සංගමයෙන් ඉවත් වුවද, කිසි කතාවක් නැතිව මේ වසර අග වන තෙක් අප ඔවුන්ගේ රෙගුලාසි පිළිපැදිය යුතුය.

‘‘40 වසරකට අධික කාලයකට පසුව අපි වෙන්වෙන්නෙමු. නමුත් මතක තබා ගන්න, දැන් පවතින්නේත් කලින් තිබූ තත්වය (status quo)ම බව..

‘‘බ්‍රිතාන්‍යය – තවමත් එකම නිවස සහ එකම වියදම් බෙදා ගන්නා – අවසානයේ දික්කසාද වූ නොගැළපෙන ජෝඩුවකි..

‘‘අගමැතිවරයා විසින් නව යුගයක්, නව අළුයමක් ලෙස වර්ණනා කළද දැන් ඇරඹෙන්නේ ඉංග්‍රීසි ඕඩය දිගේ වෙසෙන අසල්වැසියන් සමග අසීරුවෙන් කේවල් කළ යුතු මාස ගණනකි…‘‘


තායිලන්ත රජු රූමතියන් 20 දෙනෙකුගේ අන්තංපුරයක් සමග ජර්මනියේ ලොක්ඩවුන් වෙයි!

කොරෝනා ආසදිත ලෝ ප්‍රකට නායකයින්, නළු නිළියන් සහ ක්‍රීඩක ක්‍රීඩිකාවන්

කොරෝනා හේතුවෙන් දිවියෙන් සමුගත් ප්‍රථම රාජකීයයා

පුටින්, ඩ්‍රැකියුලා සහ ඝෝර ඉවාන්

ඇඳිරිනීතිය අතරතුර අඹු දරුවන් සොයා යද්දී – අනේ ඔහු මැරී වැටුණේය…!

වෛද්‍ය සැපයුම් රැගෙන ගිය පිලිපීන ගුවන් යානයක් අනතුරට ලක් වීමෙන් 8ක් මරුට

ස්පාඤ්ඤය කොවිඩ් සුසානයක් බවට පත් වුණේ මෙහෙමයි!

උතුරු කොරියාව 9 වැනි මිසයිලයත් පත්තු කරයි!

Your email address will not be published. Required fields are marked *

error: Content is protected !!
error: Content is protected !!