BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ලෙයට ලෙය ඉල්ලන යුධ උමතුවට ආධාර පිට ආධාර දුන් බයිඩන් දැන් කියන කතාව!

යුක්රේනය සැලකිය යුතු ප්‍රගතියක් ලබා තිබෙනවා.. ඒත් මේ යුද්ධයේ හැරවුම් ලක්ෂයක් දැකීම තවමත් අපහසුයි.. බයිඩන් කියයි!

ඇමරිකානු ජනපති ජෝ බයිඩන් මරු කතාවක් කියනවා. උන්නැහේ ඊයේ (13) කියනවා යුක්රේන – රුසියානු යුද්ධයේ යුක්රේනය සැලකිය යුතු ප්‍රගතියක් අත්කරගෙන තිබෙනවා ලු, ඒත් එහි හැරවුම් ලක්ෂයක් දැකීම තවමත් අපහසුයි ලු.

ඒ විතරක් නෙමෙයි, කවුරු හරි අහනවා නම් යුක්රේනය මේ වන විට යුද්ධයේ පසුවන ස්ථානය හැරවුම් ලක්ෂයක් වෙයි ද කියලා, ඊට ලබා දිය හැකි පිළිතුරක් නැහැ කියලත් ඇමරිකානු ජනපතිවරයා කියනවා.

එහෙම කියලා නතර නොවන බයිඩන් සීයා මෙය තවදුරටත් දිගු ගමනක් වනු ඇතැයි තමාට සිතෙන බවත් කියනවා.

පහුගිය කාලෙ පුරාවටම, ඒ කියන්නේ ඉකුත් පෙබරවාරි 24 දින රුසියාව යුක්රේනය ආක්‍රමණය කිරීම සිදුවූ දා පටන් අද වන තුරු, යුක්රේනයට වැඩිම යුධ ආධාර ප්‍රමාණයක් ලබා දුන් රට එක්සත් ජනපදය බව රහසක් නෙමෙයි. මේ වන විට ඇමරිකාව විසින් යුක්රේනයට ලබා දී ඇති යුධ ආධාරවල (යුධ ආයුධ ද ඇතුළුව) සමස්ත වටිනාකම ඇමරිකානු ඩොලර් බිලියන 15.2 ඉක්මවා ඇති බව පසුගිය දිනක රොයිටර් පුවත් සේවය වාර්තා කර තිබුණා.

ඒ මදිවට, මෙම යුධ ආධාර දීර්ඝ-කාලීන වශයෙන් ලබා දීමට තමා අපේක්ෂා කරන බවට බයිඩන් උන්නැහේ එරට කොංග්‍රසය වෙතත් දැනුම් දී තිබෙන බවයි වාර්තා වෙන්නේ.

මේ අතරේ, ඉතිහාසයේ හටගත් භයානකම විනාශයන් අතරින් එකක් වන 80 දශකයේ හටගත් ෂර්නොබිල් හි න්‍යෂ්ඨික බලාගාරයේ සිදුවූ පිපිරීම යළි සිහි කැඳවමින් යුක්රේනයේ සපොරිසියා න්‍යෂ්ඨික බලාගාරය අසළ මුන් දෙගොල්ල ගහ ගන්නවා. නිකමට හරි එක ප්‍රහාරයක් වත් මෙම න්‍යෂ්ඨික බලාගාරයට වැදුනොත්, නිකමට හරි නියුක්ලියර් රියැක්ටරයක් පුපුරා ගියොත්, යුධ උමතුව කෙසේවෙතත් දෙවන වරටත් සෝවියට් භූමිය තුළ මිනී කඳන් ගොඩගැසේවි.

රුසියානු ආක්‍රමණය ආරම්භයේදී පැවති තත්ත්වයට වඩා යුද්ධය ඉදිරියට ඇදීගෙන යනකොට පැවති තත්ත්වය එන්න එන්නම වෙනස්වෙන්න ගත්තා. මේ යුද්ධය ගෝලීය වශයෙන් බරපතල අර්බුදයන් රැසකට හේතු සාධක වුනා. ආහාර අර්බුදයක් ඇතිවුනා, බලශක්ති අර්බුදයක් ඇතිවුනා, ආර්ථික අර්බුදයක් ඇතිවුනා.. ඒ අර්බුදවලින්, යුද්ධයක් නොපැවතියත් අපි වගේ මිනිස්සු ජීවත්වන පුංචි රටවල් වලට නැත්තටම නැතිවෙන්න කෙළවුනා.

බයිඩන් සීයා යුක්රේනයට යුධ ආධාර වශයෙන් දීලා තියන මුළු මුදල ශ්‍රී ලංකා රුපියල්වලට හැරෙව්වොත් කීයක් විතර ඇති ද? එය රු. ට්‍රිලියන 5.5 පමණ වනවා.

ලංකාව පිටරටවල් වලට කොච්චර ණයයි කියලා කියනවා ද? (නිකමට මතක් වෙලා අහන්න හිතුනේ)

මේ යුද්ධයේ යුක්රේනය ප්‍රගතියක් ලබාගෙන තිබෙනවා නම් හොඳයි. රුසියානු හමුදා පළවා හැර තම රාජ්‍යයේ ප්‍රජාතන්ත්‍රවාදය රැකගන්න යළි එහි පාලනය අතට ගන්නවා නම් හොඳයි.

නමුත් ඇත්තටම මේ යුද්ධය අවසාන වනවාට මේ දෙපිරිසෙන් එකෙකු හෝ කැමති ද? මේ යුද්ධය අවසාන වනවාට බයිඩන් ඇතුළු ලෝක බලවතුන් කැමති ද?

මට නම් ඇත්තටම ඒක ප්‍රශ්නයක්..


ජාත්‍යන්තර පරමාණුක බලශක්ති ඒජන්සිය ලබන සතියේ රුසියාව සහ යුක්රේනය බලා සංචාරයක!

ලයිමන් නගරයත් අපි මුදවා ගත්තා: යුක්රේනය

130 කට ආසන්න පිරිසකට මරු කැඳවූ ඉන්දුනීසියාවේ පාපන්දු වියරුව!

කාබුල් අගනුවර අධ්‍යාපන මධ්‍යස්ථානයක පිපිරීමක්

සෝමාලියාවේ හමුදා කඳවුරක මරාගෙන මැරෙන බෝම්බ ප්‍රහාරයක්!

මගෙ සල්ලි කෝ? ටේබල් ටෙනිස් සූරිය අසන්නීය

රුසියානුවෙක් වෙන්න අපේ හමුදාවට එන්න – විදේශිකයන්ට පුටින්ගෙන් ඇරයුම්

ෂී ජින්-පින් නිවාස අඩස්සියේද ? නිරෝධායනයේද ?

error: Content is protected !!
error: Content is protected !!