BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ඉරානයේ සුප්‍රසිද්ධ එවින් බන්ධනාගාරයේ ගින්නක්

මීට සති පහකට පමණ පෙර සදාචාර පොලිස් අත්අඩංගුවේ සිටි මහ්සා අමීනිගේ මරණයත් සමඟ 1979 න් පසු ඉස්ලාමීය ජනරජය පිහිටුවීමෙන් පසු එයට එල්ල වූ නිර්භීතම අභියෝගය මේ වන විට එල්ල වෙමින් ඇත.

ඉරානයේ දේශපාලන සිරකරුවන්, මාධ්‍යවේදීන් සහ විදේශීය පුරවැසියන් සඳහා ප්‍රසිද්ධ එවින් බන්ධනාගාරයේ විශාල ගින්නක් හටගෙන තිබේ. මින් රැඳවියන් අට දෙනෙකු පමණ මේ වන විට තුවාල ලබා ඇති අතර මේ වන විට තත්වය සමතයකට පත්කර ඇති මුත්, ගින්න තව දුරටත් පවතින බව ඉරාන රාජ්‍ය මාධ්‍ය වාර්තා කර තිබේ.

රජය විසින් දැඩිව පාලනය කරනු ලබන එවින් බන්ධනාගාරය තුළ ඇති වූ කෝලහාලය අපරාධ සිරකරුවන් විසින් ආරම්භ කර ඇති බවත්, කිසිදු දේශපාලන සිර කරුවකු මේ සඳහා සම්බන්ධව නොමැති බවත් තත්වවය මේ වන විට සම්පූර්ණයෙන්ම සන්සුන් බවත් බන්ධනාගාරය තුළ සිට කතා කරමින් ටෙහෙරාන් ආණ්ඩුකාරවරයා රාජ්‍ය මාධ්‍ය වෙත ප්‍රකාශ කර තිබේ.

කෙසේ වෙතත්, බන්ධනාගාරයේ තත්ත්වය තවමත් ව්‍යාකූල බව බීබීසී වාර්තා කර ඇති අතර බ්නධනාගාරය තුළ ගින්න තවමත් ඇවිලෙමින් පවතින අතර බන්ධනාගාරය අවටින් ඇසෙන වෙඩි හඬ දැක්වෙන වීඩියෝ සමාජ මාධ්‍යවල දිගින් දිගටම පළවෙමින් තිබේ. මෙම වීඩියෝපට වල රැඳවියන් කොටසක් බන්ධනාගාරයේ වහලය මත සිට විරෝධතා දක්වනුද දක්නට ලැබේ.

මේ වන විට එවින් බන්ධනාගාරයට යන පාරවල් සියල්ල වසා දමා ඇති අතර රැඳවියන්ගේ පවුල්වල සාමාජිකයන් මාධ්‍ය වෙත ප්‍රකාශ කර තිබුණේ තමන්ට දුරකථනයෙන් තම ඥාතීන් සම්බන්ධ කර ගැනීමට නොහැකි වූ බවත්, බන්ධනාගාරය අවට අන්තර්ජාල සම්බන්ධතාව විසන්ධි කර ඇති බව පෙනෙන්නට ඇති බවත්ය.

මේ සම්බන්ධයෙන් ප්‍රාදේශීය මාධ්‍ය වාර්තා කර තිබුණේ බන්ධනාගාරය අවට විශේෂ කාර්ය බලකකා කණ්ඩායම් යොදවා ඇති බවත්, බන්ධනාගාරය අවට ගිලන් රථ නවතා ඇති බවත්ය. මෙම බන්ධනාගාරය දිගු කලක් තිස්සේ බටහිර අයිතිවාසිකම් කණ්ඩායම් විසින් විවේදනය කරනු ලබන අතර, හියුමන් රයිට්ස් වොච් බන්ධනාගාරයේ බලධාරීන්ට වධහිංසා පැමිණවීමේ තර්ජන සහ දින නියමයක් නොමැතිව සිරගත කිරීම මෙන්ම, දීර්ඝ ප්‍රශ්න කිරීම් සහ රැඳවියන් සඳහා වෛද්‍ය ප්‍රතිකාර ප්‍රතික්ෂේප කිරීම සම්බන්ධයෙන් චෝදනා කර තිබේ.

මීට සති පහකට පමණ පෙර සදාචාර පොලිස් අත්අඩංගුවේ සිටි මහ්සා අමීනිගේ මරණයත් සමඟ 1979 න් පසු ඉස්ලාමීය ජනරජය පිහිටුවීමෙන් පසු එයට එල්ල වූ නිර්භීතම අභියෝගය මේ වන විට එල්ල වෙමින් ඇත. එවින් බන්ධනාගාරයේ ගින්න ද ඒ අනුව යමින් ඇතිවූවක්ද යන්න සැක උපදවමින් ඇත.

සශිකලා මධුෂාණී_


‘Strep A’ නව බැක්ටීරියා ආසාදනය වීමක් හේතුවෙන් එක්සත් රාජධානියේ ළමුන් හය දෙනෙකු මිය යයි.

ප්‍රචණ්ඩත්වය වැපිරීම හා උසිගැන්වීම සම්බන්ධයෙන් මස්ක් කන්යේ වෙස්ට්ගේ ටුවිටර් ගිණුම අත්හිටුවයි.

එක්සත් ජනපදය පකිස්ථාන සන්නද්ධ කණ්ඩායම් සාමාජිකයන් ‘ත්‍රස්තවාදීන්’ ලෙස නම් කරයි

චීනය, මාධ්‍ය සඳහා වන ප්‍රවේශය වාරණය කරයි

ස්පාඤ්ඤයට එරෙහි පාපන්දු සටනේ ජය ජපානයට.

නිව් යෝර්ක් සහ සිංගප්පූරුව ලෝකයේ ජීවන වියදම් ඉහළම නගර ලැයිස්තුවේ ඉහලින්ම

කෲර යුද්ධයෙන් අවතැන් වූ යුක්රේනයට සහාය දැක්වීමට එක්සත් ජනපදය සහ ප්‍රංශය ප්‍රතිඥා දේ.

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

error: Content is protected !!
error: Content is protected !!