BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ප්‍රංශයේ වයස 15ට අඩු දරුවන්ට පාසලේදී ජංගම දුරකථන භාවිතය තහනම්!

වයස අවුරුදු 15 ට අඩු ප්‍රංශ දරුවන්ට කිසිම අවස්ථාවක පාසලේදී ජංගම දුරකථන භාවිතා කිරීම තහනම් කර තිබේ. මෙය ප්‍රංශ ජනපති එම්මානුවෙල් මැක්‍රොන් විසින් ලබාදී තිබූ ඡන්ද පොරොන්දුවක් ඉටුකිරීමක් ද වේ.

ප්‍රංශය පවසන්නේ පාසල් දරුවන් සිය ජීවිතයෙන් වැඩි කොටස ජංගම දුරකථන මත යැපෙන තත්වයට පත් ව ඇති බවයි. ස්වාධීන පුද්ගලයන් වශයෙන් ඔවුන්ගේ පෞරුෂයට මේ නිසා විශාල බලපෑමක් සිදුවන බව ද ඔවුහු නිරීක්ෂණය කරති. අවධානය එක තැනක රැඳවීමට පාසල් දරුවන් මේ නිසා අසමත් වී ඇති බවත්, ඔවුන්ගේ අධ්‍යාපනයට එමගින් විශාල හානියක් සිදුවී ඇති බවත් ඔවුහු පෙන්වා දෙති.

නව නීතිය අගෝස්තු 5 වැනිදා පටන් ක්‍රියාත්මක වීමට නියමිත ය. එහිදී සියලුම ආකාරවල ජංගම දුරකථන, ටැබ්ලට් පරිගණක සහ ස්මාට් වොච් ද පාසල් කාල තුළ භාවිතා කිරීම තහනම් කෙරේ.

මෙය එම්මානුවෙල් මැක්‍රොන්ගේ මැතිවරණ පොරොන්දුවක් ඉටුකිරීමක් ද වේ.

2010 වසරේ පටන් ප්‍රංශයේ පාසල්වල ඉගැන්වීම් කාලය තුළ ජංගම දුරකථන භාවිතය තහනම් කර තිබිණි. නමුත් නව නීතිය මගින් එය විවේක වේලාවන් සහ කෑම ගන්නා අවස්ථාවන් දක්වා ද දීර්ඝ කෙරේ.

වයස අවුරුදු 15 ට වැඩි දරුවන් සඳහා නව නීතිය අදාළ කර ගන්නේදැයි තෝරාගැනීම සඳහා ප්‍රංශයේ පාසල්වලට අභිමතයක් පිරිනමා ඇත. ඒ අනුව ඇතැම් පාසල් වයස 15 ට වැඩි දරුවන් සඳහා ද මෙය තහනම් කිරීමට හෝ නොකිරීමට ඉඩ තිබේ. කෙසේ නමුත් කායික අශක්නුතාවලින් පෙළෙන දරුවන් සඳහා ජංගම දුරකථන භාවිතය ට ඉඩ දීමට ද ප්‍රංශ නීතිය අනුව පහසුකම් සලසා තිබෙන බව ද වාර්තා වේ.

ප්‍රංශයේ අධ්‍යාපන ඇමති ජීන්-මයිකල් බ්ලැන්කර් මෙය හඳුන්වා දෙන්නේ ‘21 වන සියවසේ නීතියක්‘ යනුවෙනි. ප්‍රංශයේ මිලියන 12 ක් වන පාසල් දරුවන් අතර විනය ඇති කරලීම සඳහා කළ යුතුම දෙයක් ලෙස ද ඔහු මේ පියවරට ප්‍රශංසා කරයි.

‘‘අනාගත තාක්ෂණයන්ට විවෘත වීම කියන එකෙන් ඒ සියලුම දේවල් වැළඳගත යුතු බව අදහස් වන්නේ නෑ“ යැයි ද ඔහු පවසයි.


ටුවාලු රාජ්‍ය චීනය ප්‍රතික්ෂේප කර තායිවානයට පිටුබලය දෙයි

සිංගප්පූරුව ලෝකයේ ‘ස්මාට්ම නගරය‘ ලෙස නිල වශයෙන් ලෝක වාර්තා පොතට

හිටපු ජර්මානු ජනාධිපති පුත් ඝාතනය කෙරෙයි!

ඊශ්‍රායල අගමැති නෙතන්යාහු හා ජනාවාස පිළිබඳ එක්සත් ජනපද ප්‍රතිපත්ති

කයිලි ජෙනර් තම රූපලාවණ්‍ය සමාගමේ කොටස් අලෙවි කරයි!

ඔබ ආරම්භක කැමරා ශිල්පියෙක්ද? අලුත් කැමරාවක් ගන්න හිතනවාද?

සිඩ්නි නුවර දුමාරයෙන් වැසෙයි.

දේශගුණික විපර්යාස පිළිබඳව හැදෑරීම අනිවාර්ය කළ ලොව ප්‍රථම රාජ්‍ය බවට ඉතාලිය පත්වේ

Your email address will not be published. Required fields are marked *

error: Content is protected !!
error: Content is protected !!